ನೀನಾಸಂ ಸತೀಶ್ ಅಭಿನಯದ ‘ಬ್ರಹ್ಮಚಾರಿ’ ಚಿತ್ರದ ಹಿಡ್ಕ ಹಿಡ್ಕ.. ತಡ್ಕ ತಡ್ಕ... ಹಾಡಿನ ಲಿರಿಕಲ್ ವಿಡಿಯೋ ರಿಲೀಸ್ ಆಗಿದೆ. ನವೀನ್ ಸಜ್ಜು, ಪಿಂಕಿ ಮೈದಾನಿ, ಭಾರ್ಗವಿ ಪಿಳ್ಳೈ ಹಾಡಿರುವ ಹಾಡಿಗೆ ಭರ್ಜರಿ ರೆಸ್ಪಾನ್ಸ್ ಸಿಕ್ಕಿದೆ.
ಸಿನಿ ರಸಿಕರ ಮನ ಗೆದ್ದಿರುವ ಈ ಹಾಡಿನಲ್ಲಿ ನೀನಾಸಂ ಸತೀಶ್ ಹಾಗೂ ಅದಿತಿ ಪ್ರಭುದೇವ ಸಖತ್ತಾಗಿ ಸ್ಟೆಪ್ ಹಾಕಿದ್ದಾರೆ. ಇವರಿಬ್ಬರ ಕೆಮಿಸ್ಟ್ರಿ ಚಿತ್ರ ರಸಿಕರ ಮನಸೋಲುವಂತಿದೆ. ಸಖತ್ ಫಿಟ್ ಆಗಿ ಕಾಣುವ ಸತೀಶ್, ಚಿತ್ರಕ್ಕಾಗಿಯೇ ಎರಡು ತಿಂಗಳು ಡಯಟ್ ಮಾಡಿ ಜಿಮ್ನಲ್ಲಿ ವರ್ಕ್ ಔಟ್ ಮಾಡಿದ್ದರಂತೆ.
ನನ್ನ ಪರ್ಸನಲ್ ಕೋಚ್ ಶ್ಯಾಮ್ ಅವರ ಗೈಡೆನ್ಸ್ನಲ್ಲಿ ಎರಡು ತಿಂಗಳು ವರ್ಕ್ ಔಟ್ ಮಾಡಿದೆ. ನಾನು ವರ್ಕ್ ಔಟ್ ಮಾಡಿರೋದು ಸ್ಕ್ರೀನ್ ಮೇಲೆ ಕಾಣಿಸುತ್ತೆ ಎಂದು ನೀನಾಸಂ ಸತೀಶ್ ತಿಳಿಸಿದರು.
ಬ್ರಹ್ಮಚಾರಿ ಚಿತ್ರದಲ್ಲಿ ನೀನಾಸಂ ಸತೀಶ್ ರಾಮು ಪಾತ್ರದಲ್ಲಿ ಕಾಣಿಸಲಿದ್ದು, ಅದಿತಿ ಪ್ರಭುದೇವ ಸುನಿತಾ ಕೃಷ್ಣಮೂರ್ತಿಯಾಗಿ ಮಿಂಚಲಿದ್ದಾರೆ. ಹಿರಿಯ ನಟ ದತ್ತಣ್ಣ, ಶಿವರಾಜ ಕೆ.ಆರ್. ಪೇಟೆ, ಅಶೋಕ್ ಶರ್ಮಾ ಸೇರಿದಂತೆ ಬಹು ತಾರಾಗಣವಿದೆ.
ಬ್ರಹ್ಮಚಾರಿ ಚಂದ್ರ ಮೋಹನ್ ಆಕ್ಷನ್ ಕಟ್ ಹೇಳಿರುವ ರೋಮ್ಯಾಂಟಿಕ್ ಎಂಟರ್ಟೈನ್ಮೆಂಟ್ ಚಿತ್ರವಾಗಿದ್ದು, ಉದಯ್ ಕೆ. ಮೆಹ್ತಾ ಚಿತ್ರ ನಿರ್ಮಿಸಿದ್ದಾರೆ. ಧರ್ಮ ವಿಶ್ ಸಂಗೀತ ನೀಡಿದ್ದಾರೆ. ನವೆಂಬರ್ 15ಕ್ಕೆ ಚಿತ್ರ ತೆರೆಗೆ ಅಪ್ಪಳಿಸಲಿದೆ.
