ಸ್ಟೈಲಿಷ್ ಸ್ಟಾರ್ ಅಲ್ಲು ಅರ್ಜುನ್, ಸಿನಿಮಾದಲ್ಲಿ ಎಷ್ಟು ಬ್ಯುಸಿ ಇದ್ದರೂ ತಮ್ಮ ಕುಟುಂಬಕ್ಕೆ ಮೊದಲ ಆದ್ಯತೆ ನೀಡುತ್ತಾರೆ. ಎಷ್ಟೇ ಕೆಲಸ ಇದ್ದರೂ ಭಾನುವಾರ ಮಾತ್ರ ಮಕ್ಕಳೊಂದಿಗೆ ಆಟ ಆಡಿಕೊಂಡು ಕಾಲ ಕಳೆಯುವ ಅಲ್ಲು ಅರ್ಜುನ್, ಆಗ್ಗಾಗ್ಗೆ ತಮ್ಮ ಕುಟುಂಬದ ಫೋಟೋ, ವಿಡಿಯೋಗಳನ್ನು ಸೋಷಿಯಲ್ ಮೀಡಿಯಾದಲ್ಲಿ ಅಪ್ಲೋಡ್ ಮಾಡುತ್ತಿರುತ್ತಾರೆ.
- " class="align-text-top noRightClick twitterSection" data="
">
ಇದನ್ನೂ ಓದಿ: ಡಾಲಿಯ 'ರತ್ನನ್ ಪ್ರಪಂಚ' ನೋಡಲು ಮುಗಿಬಿದ್ದ ಲಕ್ಕುಂಡಿ ಜನ.. ಅಭಿಮಾನಿಗಳಿಗೆ ಕೈಬೀಸಿದ ಅಲ್ಲಮ..
ಅಲ್ಲು ಸೋಷಿಯಲ್ ಮೀಡಿಯಾದಲ್ಲಿ ಮಗ ಅಯಾನ್ ಹಾಗೂ ಮುದ್ದು ಮಗಳು ಅರ್ಹಾ ವಿಡಿಯೋಗಳು ಕೂಡಾ ಹೆಚ್ಚಾಗಿ ಕಾಣಸಿಗುತ್ತವೆ. ಇತ್ತೀಚೆಗೆ ಮಗಳ ಹುಟ್ಟುಹಬ್ಬದಂದು 'ಅಂಜಲಿ' ಸಿನಿಮಾ ಹಾಡನ್ನು ರೀಕ್ರಿಯೇಟ್ ಮಾಡಿರುವ ವಿಡಿಯೋವೊಂದನ್ನು ಅಲ್ಲು ಅರ್ಜುನ್ ತಮ್ಮ ಸೋಷಿಯಲ್ ಮೀಡಿಯಾದಲ್ಲಿ ಹಂಚಿಕೊಂಡಿದ್ದರು. ಈ ವಿಡಿಯೋ ಬಹಳ ವೈರಲ್ ಆಗಿತ್ತು. ಈಗ ಅರ್ಹಾಳ ಮತ್ತೊಂದು ವಿಡಿಯೋವನ್ನು ಅಲ್ಲು ಅರ್ಜುನ್ ಹಂಚಿಕೊಂಡಿದ್ದಾರೆ. ಈ ವಿಡಿಯೋದಲ್ಲಿ ಅರ್ಹಾ ತೊದಲು ಮಾತುಗಳಿಂದ ಅಪ್ಪನ ಕಡೆ ನೋಡುತ್ತಾ "ಬೆಂಡೆಕಾಯ್,ದೊಂಡೆಕಾಯ್ ನುವ್ವು ನಾ ಗುಂಡೆಕಾಯ್ (ಹೃದಯ)" ಎಂದು ಮುದ್ದು ಮುದ್ದಾಗಿ ಹೇಳುವುದನ್ನು ನೋಡಬಹುದು. ಈ ವಿಡಿಯೋವನ್ನು ನೆಟಿಜನ್ಸ್ ಮತ್ತೆ ಮತ್ತೆ ಪ್ಲೇ ಮಾಡಿ ನೋಡುತ್ತಿದ್ದಾರೆ. ಅಲ್ಲು ಅರ್ಜುನ್ ಕೂಡಾ ಮಗಳ ಈ ಡೈಲಾಗ್ ಕೇಳಿ ಜೋರಾಗಿ ನಗುತ್ತಿದ್ದಾರೆ. "ನಿನ್ನನ್ನು ಬಹಳ ಮಿಸ್ ಮಾಡಿಕೊಳ್ಳುತ್ತಿದ್ದೇನೆ ಅರ್ಹಾ, ನೀನು ನನ್ನ ಮುದ್ದು ಕಂದ, ನಿನ್ನ ನೋಡಿದರೆ ನನ್ನ ಒತ್ತಡವೆಲ್ಲಾ ಕಡಿಮೆಯಾಗುತ್ತದೆ" ಎಂದು ಬರೆದುಕೊಂಡಿದ್ದಾರೆ.
