ಪವರ್ ಸ್ಟಾರ್ ಪುನೀತ್ ರಾಜ್ಕುಮಾರ್ ಅಭಿನಯದ ರಾಕ್ಲೈನ್ ವೆಂಕಟೇಶ್ ನಿರ್ಮಿಸಿ ಪವನ್ ಒಡೆಯರ್ ನಿರ್ದೇಶಿಸಿರುವ`'ನಟಸಾರ್ವಭೌಮ' ಚಿತ್ರ ಅದ್ದೂರಿಯಾಗಿ 25 ದಿನಗಳನ್ನು ಪೂರೈಸಿ 50 ದಿನಗಳತ್ತ ಯಶಸ್ವಿಯಾಗಿ ಮುನ್ನುಗ್ಗುತಿದೆ.
ಚಿತ್ರದ ಸಕ್ಸಸ್ನಿಂದ ಖುಷಿಯಾದ ಚಿತ್ರತಂಡ ವಿಜಯಯಾತ್ರೆ ಕೂಡಾ ಕೈಗೊಂಡಿತ್ತು. ಆದರೆ ಇದೀಗ ಚಿತ್ರತಂಡಕ್ಕೆ ತಮಿಳು ರಾಕರ್ಸ್ ಎಂಬ ವೆಬ್ಸೈಟ್ವೊಂದು ಶಾಕ್ ನೀಡಿದೆ. ನಟಸಾರ್ವಭೌಮ ಪೂರ್ತಿ ಸಿನಿಮಾನ್ನು ಹೆಚ್ಡಿ ಕ್ವಾಲಿಟಿಯಲ್ಲಿ ತಮಿಳು ರಾಕರ್ಸ್ ಎಂಬ ವೆಬ್ಸೈಟ್ ಪೈರಸಿ ಮಾಡಿ ತನ್ನ ವೆಬ್ಸೈಟ್ನಲ್ಲಿ ಅಪ್ಲೋಡ್ ಮಾಡಿದ್ದು, ನಟಸಾರ್ವಭೌಮ ಇದೀಗ ಎಲ್ಲರ ಮೊಬೈಲ್ನಲ್ಲಿ ಹರಿದಾಡುವಂತೆ ಮಾಡಿದೆ.
ಇದರಿಂದ ನಟಸಾರ್ವಭೌಮ ಚಿತ್ರದ ಕಲೆಕ್ಷನ್‍ಗೆ ಭಾರೀ ಹೊಡೆತ ಉಂಟಾಗಿದೆ. ಮೊಬೈಲ್ನಲ್ಲೇ ಪೂರ್ತಿ ಸಿನಿಮಾ ನೋಡುವ ಅವಕಾಶ ಚಿತ್ರರಸಿಕರಿಗೆ ಪೈರಸಿ ಮೂಲಕ ಸಿಕ್ಕಿದೆ. ಇದರಿಂದ ಮುಂದಿನ ದಿನಗಳಲ್ಲಿ ಚಿತ್ರ ನೋಡಲು ಸಿನಿಪ್ರಿಯರು ಥಿಯೇಟರ್ ಕಡೆಗೆ ಬರುವ ಸಾಧ್ಯತೆ ಕಡಿಮೆ ಇದ್ದು, ಚಿತ್ರದ ಕಲೆಕ್ಷನ್ ಡ್ರಾಪ್ ಆಗುವ ಭಯದಲ್ಲಿದ್ದಾರೆ ನಿರ್ಮಾಪಕ ರಾಕ್ಲೈನ್ ವೆಂಕಟೇಶ್.
