ಯುವ ಮನಸ್ಸುಗಳನ್ನು ಗಟ್ಟಿಗೊಳಿಸಲು ತೆರೆಗೆ ಬರ್ತಿದೆ 'ಕಾರ್ಮೋಡ ಸರಿದು' ಚಿತ್ರ

ಮೇ 17 ರಂದು ಕುದುರೆಮುಖ ಟಾಕೀಸ್​​ ನಿರ್ಮಾಣದ ಕಾರ್ಮೋಡ ಸರಿದು ಚಿತ್ರ ತೆರೆ ಕಾಣಲಿದೆ. ಯುವ ಮನಸ್ಸುಗಳನ್ನು ಆಧಾರವಾಗಿಟ್ಟುಕೊಂಡಿರುವ ಈ ಚಿತ್ರ ಅದೆಷ್ಟೊ ಯುವ ಪೀಳಿಗೆಯ ಮನ ಗೆಲ್ಲಲು ಸಜ್ಜಾಗಿದೆ.

ಶಿವಮೊಗ್ಗ: ಕುದುರೆಮುಖ ಟಾಕೀಸ್ ನಿರ್ಮಾಣದ ಮೊದಲ ಚಿತ್ರ 'ಕಾರ್ಮೋಡ ಸರಿದು' ಮೇ 17ರಂದು ರಾಜ್ಯಾದ್ಯಂತ ತೆರೆ ಕಾಣಲಿದೆ ಎಂದು ನಿರ್ದೇಶಕ ಟಿ.ಎಸ್ ಉದಯಕುಮಾರ್ ತಿಳಿಸಿದರು.

ಯುವ ಸಮೂಹ ಇತ್ತೀಚೆಗೆ ದಿಕ್ಕು ತಪ್ಪುತ್ತಿದೆ. ಜಿಗುಪ್ಸೆ, ಕ್ಷುಲ್ಲಕ ಕಾರಣಕ್ಕಾಗಿ ಆತ್ಮಹತ್ಯೆಯಂತಹ ಕ್ಷುಲ್ಲಕ ಮನಸ್ಥಿತಿಯಿಂದ ಪ್ರಾಣವನ್ನೇ ಕಳೆದುಕೊಳ್ಳುತ್ತಿದ್ದಾರೆ. ಇಂಥ ಮನಸ್ಸುಗಳನ್ನು ಗಟ್ಟಿಗೊಳಿಸುವ ಸಂದೇಶ ಈ ಚಿತ್ರದಲ್ಲಿದೆ ಎಂದು ಸುದ್ದಿಗೋಷ್ಟಿಯಲ್ಲಿ ಟಿ.ಎಸ್. ಉದಯಕುಮಾರ್ ಹೇಳಿದರು.

ಕುದುರೆಮುಖ, ಕಳಸ, ಬಾಳೆಹೊನ್ನೂರು ಸೇರಿದಂತೆ ಮಲೆನಾಡು ಭಾಗದಲ್ಲಿ ಈ ಚಿತ್ರದ ಬಹುತೇಕ ಚಿತ್ರೀಕರಣ ನಡೆದಿದೆ. ನಾಯಕ ನಟನಾಗಿ ಮಂಜು, ನಾಯಕಿಯಾಗಿ ಅದ್ವಿತಿ ಶೆಟ್ಟಿ ಚಿತ್ರದಲ್ಲಿ ಕಾಣಿಸಿಕೊಂಡಿದ್ದಾರೆ.