ಕರ್ನಾಟಕ ಚಲನ ಚಿತ್ರ ಸಾಹಸ ಕಲಾವಿದರುಗಳ ಸಂಘ ಅಭಿನಯ ಚಕ್ರವರ್ತಿ, ಕಿಚ್ಚ ಸುದೀಪ್ ಅವರಿಗೆ ಸನ್ಮಾನ ಮಾಡಿದೆ. ಅದಕ್ಕೆ ಕಾರಣ ಎಲ್ಲರಿಗೂ ತಿಳಿದಿರುವ ಹಾಗೆ ಕಿಚ್ಚ ಸುದೀಪ್ ಕಷ್ಟ ಪಟ್ಟು ಕೆಲಸ ಮಾಡುವ ಸಾಹಸ ಕಲಾವಿದರ ಸಂಘಕ್ಕೆ 10 ಲಕ್ಷ ದೇಣಿಗೆ ನೀಡಿರುವುದು.
ಕಿಚ್ಚ ಸುದೀಪ್ ಅವರನ್ನು ಸಾಹಸ ಕಲಾವಿದರ ಸಂಘದ ಡಾ ರವಿ ವರ್ಮಾ ‘ಕೋಟಿಗೊಬ್ಬ 3’ ಚಿತ್ರೀಕರಣದ ಸೆಟ್ನಲ್ಲಿಯೇ ಸನ್ಮಾನ ಮಾಡಿದ್ದಾರೆ. ಸಾಹಸ ಕಲಾವಿದರ ಸಂಘ ಹೊಸ ಕಟ್ಟಡ ಪ್ರಾರಂಭಿಸಬೇಕು ಎಂದು ಕಿಚ್ಚ ಸುದೀಪ್ ಅವರನ್ನು ಕೇಳಿಕೊಂಡಿದ್ದರು. ಇದಕ್ಕೆ ತಕ್ಷಣ ಕಿಚ್ಚ ಸುದೀಪ್ 10 ಲಕ್ಷ ನೀಡುವುದಾಗಿ ಭರವಸೆ ನೀಡಿ ಅದನ್ನು ಪೂರೈಸಿದ್ದಾರೆ.
- " class="align-text-top noRightClick twitterSection" data="
">
ಕಿಚ್ಚ ಸುದೀಪ್ ಅನೇಕ ಕಡೆ ಹಾರ, ಶಾಲು ಹಾಕಲು ಬಂದವರನ್ನು ತಡೆದಿದ್ದಾರೆ. ಅವರಿಗೆ ಬೆಳ್ಳಿ ಕಿರೀಟ ತೊಡಿಸಲು ಬಂದವರನ್ನೂ ತಡೆದು ಈ ಹಣವನ್ನು ಅಸಹಾಯಕರಿಗೆ ಕೊಡಿ ಎಂದು ಮನವಿ ಮಾಡಿದ್ದಾರೆ. ಅಲ್ಲದೆ ಸಾಹಸ ಕಲಾವಿದರುಗಳು ತಂದಿದ್ದ ಹಾರವನ್ನು ಸಹ ಹಾಕಿಸಿಕೊಳ್ಳದೆ, ಕೇವಲ ಅವರು ತಂದ ಸಿಹಿ ತಿಂದು ಸರಳತೆ ಮೆರೆದಿದ್ದಾರೆ. ಇನ್ನು ಸಾಹಸ ಕಲಾವಿದರುಗಳ ಸಂಘದ ಕಟ್ಟಡ ಬಗ್ಗೆ ಮಾಹಿತಿ ಪಡೆದು ಇನ್ನಷ್ಟು ಸಹಾಯ ಬೇಕಿದ್ದರೆ ಮಾಡುವುದಾಗಿ ಹೇಳಿದ್ದಾರೆ.
