ನಟಿ ಸಂಯುಕ್ತಾ ಹೆಗಡೆ ಸಿನಿಮಾಗಳಿಗಿಂತ ತಮ್ಮ ಫೋಟೋ, ವಿಡಿಯೋ ಮೂಲಕವೇ ಹೆಚ್ಚು ಸುದ್ದಿಯಾಗುತ್ತಿದ್ದಾರೆ. ಇದೀಗ ಈ ಕಿರಿಕ್ ಬೆಡಗಿಯ ಮತ್ತೊಂದು ಡಾನ್ಸ್ ವಿಡಿಯೋ ಸೋಷಿಯಲ್ ಮೀಡಿಯಾದಲ್ಲಿ ಸಖತ್ ವೈರಲ್ ಆಗುತ್ತಿದೆ.
ಮೊನ್ನೆಯಷ್ಟೆ ಬಿಕಿನಿ ಫೋಟೋ ಹರಿಬಿಟ್ಟು ಪಡ್ಡೆ ಹುಡುಗರ ಹಾರ್ಟ್ಬೀಟ್‌ ಹೆಚ್ಚಿಸಿದ್ದ ಸಂಯುಕ್ತಾ, ಇದೀಗ ಬೋಲ್ಡ್ ಡ್ಯಾನ್ಸ್ ವಿಡಿಯೋ ತಮ್ಮ ಇನ್ಸ್ಟಾಗ್ರಾಂನಲ್ಲಿ ಹಂಚಿಕೊಂಡಿದ್ದಾರೆ. ವ್ಯಕ್ತಿಯೊಬ್ಬನ ಜತೆ ಕೈ ಕೈ ಹಿಡಿದು ತಕ ಥೈ ಎಂದು ಸೊಂಟ ಕುಣಿಸಿರುವ ಸಂಯುಕ್ತಾ, ಈಗ ಸೋಷಿಯಲ್ ಮೀಡಿಯಾದಲ್ಲಿ ಹಾಟ್ ಟಾಪಿಕ್ ಆಗಿದ್ದಾರೆ. ಅವರ ಸಾಕಷ್ಟು ಅಭಿಮಾನಿಗಳಿಗೆ ಈ ವಿಡಿಯೋ ಸಖತ್ ಇಷ್ಟವಾಗಿದೆ, ಕೆಲವರು ಮಾತ್ರ 'ಈಟ್ಸ್ ವಲ್ಗರ್' ಎಂದು ಕಾಮೆಂಟ್ ಮಾಡಿದ್ದಾರೆ.
ಸಂಯುಕ್ತಾ ಬೋಲ್ಡ್ನೆಸ್ ಅವರಿಗೆ ಹೆಚ್ಚು ಖ್ಯಾತಿ ತಂದು ಕೊಡುವಂತೆ ಕಾಣುತ್ತಿದೆ. ಆದರೆ ಅವರ ಕೆಲವು ಪೋಸ್ಟ್ಗಳಿಗೆ ವಿರೋಧಗಳೂ ವ್ಯಕ್ತವಾಗುತ್ತಿವೆ. ಇವುಗಳಿಗೆ ಐ ಡೋಂಟ್ ಕೇರ್ ಎನ್ನುವ ಸಂಯಕ್ತಾ ತಮ್ಮದೇಯಾದ ದಾರಿಯಲ್ಲಿ ಮುನ್ನೆಡೆಯುತ್ತಿದ್ದಾರೆ.
