'ಧಾಕಡ್' ಬಿಡುಗಡೆ ದಿನಾಂಕ ಬಹಿರಂಗಪಡಿಸಿದ ಕಂಗನಾ ರಣಾವತ್​

ಕಂಗನಾ ಅಭಿನಯದ ಧಾಕಡ್​ ಸಿನಿಮಾ 2021 ಅಕ್ಟೋಬರ್​ನಲ್ಲೇ ತೆರೆ ಕಾಣಬೇಕಿತ್ತು. ಆದರೆ ಕರೋನಾ ಕಾರಣದಿಂದ ಮುಂದೂಡಲಾಗಿತ್ತು. ಈಗ ಸಿನಿಮಾ ತಂಡ ಹೊಸ ದಿನಾಂಕ ಘೋಷಣೆ ಮಾಡಿದೆ.

ಮುಂಬೈ: ಕಂಗನಾ ರಣಾವತ್​ ನಟಿಸಿರುವ ಆಕ್ಷನ್ ಸ್ಪೈ ಥ್ರಿಲ್ಲರ್ ಧಾಕಡ್ ಮೇ 27 ರಂದು ಹಿಂದಿ, ತಮಿಳು, ತೆಲುಗು ಮತ್ತು ಮಲಯಾಳಂನಲ್ಲಿ ಥಿಯೇಟರ್‌ಗಳಲ್ಲಿ ಬಿಡುಗಡೆಯಾಗಲಿದೆ. ಈ ಚಿತ್ರದಲ್ಲಿ ಅರ್ಜುನ್ ರಾಂಪಾಲ್, ದಿವ್ಯಾ ದತ್ ಮತ್ತು ಶಾಶ್ವತ ಚಟರ್ಜಿ ಪ್ರಮುಖ ಪಾತ್ರಗಳಲ್ಲಿ ನಟಿಸಿದ್ದಾರೆ. ದೀಪಕ್ ಮುಕುತ್, ಸೋಹೆಲ್ ಮಕ್ಲೈ ಮತ್ತು ಹುನಾರ್ ಮುಕುತ್ ಈ ಚಿತ್ರ ನಿರ್ಮಾಣ ಮಾಡಿದ್ದಾರೆ. ಈ ಚಿತ್ರವು ದೇಶದಲ್ಲೇ ಅತಿ ದೊಡ್ಡ ಮಹಿಳಾ ಆ್ಯಕ್ಷನ್ ಎಂಟರ್‌ಟೈನರ್ ಆಗಲಿದೆ ಎಂದು ರಣಾವತ್​ ಹೇಳಿದ್ದಾರೆ.

ಇಂತಹ ಅತ್ಯುನ್ನತ ಕಥೆಯು ಹೆಚ್ಚು ಜನರಿಗೆ ತಲುಪ ಬೇಕು ಎಂದು ಬಹು ಭಾಷೆಯಲ್ಲಿ ಬಿಡುಗಡೆಗೊಳ್ಳುತ್ತದೆ. ಏಜೆಂಟ್​ ಅಗ್ನಿಯ ಭೇಟಿಗೆ ಅಭಿಮಾನಿಗಳನ್ನು ಇನ್ನಷ್ಟು ಕಾಯಿಸಲಾರೆ, ಅಗ್ನಿ ತನ್ನ ಕೋಪ ಮತ್ತು ಶಕ್ತಿಯಿಂದ ಜನರ ಮನಸ್ಸಿನಲ್ಲಿ ಉಳಿಯಲಿದ್ದಾಳೆ ಎಂದು ರಣಾವತ್​​​ ತಿಳಿಸಿದರು.

ರಜನೀಶ್ ಘಾಯ್ ಅವರು ನಿರ್ದೇಶನದ ಧಾಕಡ್ ಅಕ್ಟೋಬರ್ 2021 ರಲ್ಲಿ ಥಿಯೇಟರ್‌ಗಳಲ್ಲಿ ತೆರೆಗೆ ಬರಲು ಸಿದ್ಧವಾಗಿತ್ತು. ಆದರೆ, ಕೋವಿಡ್​ ಉಲ್ಬಣಗೊಂಡ ಕಾರಣ ಬಿಡುಗಡೆಯನ್ನು ಮುಂದೂಡಲಾಗಿತ್ತು. ಕಮಲ್ ಮುಕುತ್, ಸೊಹೆಲ್ ಮಕ್ಲೈ ಪ್ರೊಡಕ್ಷನ್ಸ್ ಮತ್ತು ಅಸಿಲಮ್ ಫಿಲ್ಮ್‌ಗಳ ಸಹಯೋಗದಲ್ಲಿ ಸೋಹಮ್ ರಾಕ್‌ಸ್ಟಾರ್ ಎಂಟರ್‌ಟೈನ್‌ಮೆಂಟ್ ಪ್ರೈವೇಟ್ ಲಿಮಿಟೆಡ್‌ನಿಂದ ಧಾಕಡ್ ಸಹಯೋಗದಲ್ಲಿ ತೆರೆಕಾಣಲಿದೆ.

ಇದನ್ನೂ ಓದಿ: 'ಗ್ಯಾಸ್​​ಲೈಟ್​​' ಚಿತ್ರೀಕರಣಕ್ಕಾಗಿ ರಾಜ್​​ಕೋಟ್​​ಗೆ​ ತೆರಳಿದ ನಟಿ ಸಾರಾ