ಉಪೇಂದ್ರ ಅವರ 'ಕಬ್ಜ' ಸ್ಯಾಂಡಲ್ವುಡ್ನಲ್ಲಿ ಪೋಸ್ಟರ್ನಿಂದಲೇ ಸದ್ದು ಮಾಡುತ್ತಿರುವ ಸಿನಿಮಾ. 'ಐ ಲವ್ ಯು' ಚಿತ್ರದ ನಂತರ ಉಪೇಂದ್ರ ಅಭಿನಯಿಸುತ್ತಿರುವ ಸಿನಿಮಾ ಇದು. ಇಂದು ಚಿತ್ರದ ಮುಹೂರ್ತ ಸಮಾರಂಭ ಕಂಠೀರವ ಸ್ಟುಡಿಯೋದಲ್ಲಿ ನೆರವೇರಿತು.
ಸೆಂಚುರಿ ಸ್ಟಾರ್ ಶಿವರಾಜ್ ಕುಮಾರ್, ಗೆಳೆಯ ಉಪೇಂದ್ರ ಸಿನಿಮಾಗೆ ಕ್ಲ್ಯಾಪ್ ಮಾಡಿ 'ಕಬ್ಜ' ಚಿತ್ರಕ್ಕೆ ಶುಭ ಕೋರಿದರು. ಭೂಗತ ಲೋಕದ ಕಥೆ ಹೊಂದಿರುವ ಸಿನಿಮಾಗಳಿಗೆ ಓಂಕಾರ ಹಾಕಿದ್ದ ರಿಯಲ್ ಸ್ಟಾರ್ ಉಪೇಂದ್ರ, 'ಕಬ್ಜ' ಚಿತ್ರದಲ್ಲಿ ರೆಟ್ರೋ ಲುಕ್ನಲ್ಲಿ ಕಾಣಿಸಿಕೊಳ್ಳಲಿದ್ದಾರೆ. ಈ ಪಾತ್ರಕ್ಕಾಗಿ ಉಪೇಂದ್ರ ತಮ್ಮನ್ನು ಮೇಕ್ ಓವರ್ ಮಾಡಿಕೊಳ್ಳುತ್ತಿದ್ದಾರೆ. ಏಳು ಭಾಷೆಗಳಲ್ಲಿ ಮೂಡಿ ಬರುತ್ತಿರುವ 'ಕಬ್ಜ' ಸಿನಿಮಾ, ರಿಯಲ್ ಸ್ಟೋರಿಯಂತೆ. ಉಪೇಂದ್ರ ಈ ಸಿನಿಮಾಗೆ ಒಂದು ವರ್ಷ ಕಾಲ್ಶೀಟ್ ಕೊಟ್ಟಿದ್ದಾರೆ. ವಿಶೇಷ ಎಂದರೆ ಮೊದಲ ಬಾರಿಗೆ ಟಾಲಿವುಡ್ ಸುಂದರಿ ಕಾಜಲ್ ಅಗರ್ವಾಲ್ ರಿಯಲ್ ಸ್ಟಾರ್ ಉಪೇಂದ್ರ ಜೊತೆ ರೊಮ್ಯಾನ್ಸ್ ಮಾಡಲು ವೇದಿಕೆ ಸಜ್ಜಾಗಿದೆ. ಈಗಾಗಲೇ ನಿರ್ದೇಶಕ ಚಂದ್ರು 'ಕಬ್ಜ' ಸಿನಿಮಾ ಕಥೆ ಏನು..? ಈ ಸಿನಿಮಾವನ್ನು ಏಳು ಭಾಷೆಗಳಲ್ಲಿ ಮಾಡಲು ಸ್ಫೂರ್ತಿ ಏನು ಎಂಬ ವಿಷಯವನ್ನು ಹಂಚಿಕೊಂಡಿದ್ದಾರೆ.
ನಿರ್ದೇಶಕ ಆರ್.ಚಂದ್ರು ಕಾಜಲ್ ಅಗರ್ವಾಲ್ ಜೊತೆ ಒಂದು ಸುತ್ತಿನ ಮಾತುಕತೆ ಕೂಡಾ ನಡೆಸಿದ್ದಾರಂತೆ. ಕಾಜಲ್ ಅಗರ್ವಾಲ್ ಕೂಡಾ ಏಳು ಭಾಷೆಯ ಕಬ್ಜ ಸಿನಿಮಾದಲ್ಲಿ ನಟಿಸಲು ಉತ್ಸುಕರಾಗಿದ್ದಾರಂತೆ. ಸದ್ಯಕ್ಕೆ ರಜನಿಕಾಂತ್ ಸಿನಿಮಾದಲ್ಲಿ ನಟಿಸುತ್ತಿರುವ ಕಾಜಲ್ ಅಗರ್ವಾಲ್, ಡೇಟ್ ಹೊಂದಾಣಿಕೆ ಆದ್ರೆ ಖಂಡಿತಾ ಕನ್ನಡಕ್ಕೆ ಬರುವುದು ಪಕ್ಕಾ ಎನ್ನುತ್ತಾರೆ ನಿರ್ದೇಶಕ ಆರ್.ಚಂದ್ರು.
ಸಿನಿಮಾವನ್ನು ಅದ್ಧೂರಿಯಾಗಿ ಚಿತ್ರೀಕರಣ ಮಾಡಲು ಡೈರೆಕ್ಟರ್ ಚಂದ್ರು ಸಿದ್ಧತೆ ಮಾಡಿಕೊಂಡಿದ್ದಾರೆ. ಸದ್ಯ 'ಕಬ್ಜ' ಚಿತ್ರಕ್ಕೆ ಮುಹೂರ್ತ ಮಾಡಿರುವ ನಿರ್ದೇಶಕ ಆರ್.ಚಂದ್ರು ಸದ್ಯದಲ್ಲೇ ಸಿನಿಮಾ ಶೂಟಿಂಗ್ ಆರಂಭಿಸಲಿದ್ದಾರೆ. 'ಐ ಲವ್ ಯು' ನಂತರ ಮತ್ತೆ ರಿಯಲ್ ಸ್ಟಾರ್ ಉಪೇಂದ್ರ ಹಾಗೂ ಆರ್.ಚಂದ್ರು ಕಾಂಬಿನೇಷನ್ ದೊಡ್ಡ ಮಟ್ಟದ ನಿರೀಕ್ಷೆ ಹುಟ್ಟಿಸಿದೆ.
