ಟ್ಯಾಗ್​ಲೈನ್ ವಿಜೇತರಿಗೆ 50,000 ನೀಡಿದ 'ಕಾಣದಂತೆ ಮಾಯವಾದನು' ಚಿತ್ರತಂಡ

'ಕಾಣದಂತೆ ಮಾಯವಾದನು' ಚಿತ್ರತಂಡ ಕೆಲವು ದಿನಗಳ ಹಿಂದೆ ಏರ್ಪಡಿಸಿದ್ದ ಟ್ಯಾಗ್​​​ಲೈನ್ ಸ್ಫರ್ಧೆಯಲ್ಲಿ ವಿಜೇತರಾದವರಿಗೆ ನಿನ್ನೆ 50 ಸಾವಿರ ರೂಪಾಯಿ ಚೆಕ್ ನೀಡಿದೆ. ಇದು ಫ್ಯಾಂಟಸಿ ಸಿನಿಮಾ ಆಗಿದ್ದು, ವಿಕಾಸ್ ಹಾಗೂ ಸಿಂಧು ಲೋಕನಾಥ್ ಈ ಸಿನಿಮಾದಲ್ಲಿ ಪ್ರಮುಖ ಪಾತ್ರಗಳಲ್ಲಿ ನಟಿಸಿದ್ದಾರೆ.

ಕನ್ನಡ ಚಿತ್ರರಂಗದಲ್ಲಿ ಆಗಾಗ ಸ್ಪರ್ಧೆ ಏರ್ಪಡಿಸಿ ಕಥೆ, ಚಿತ್ರಕಥೆ, ಹಾಡುಗಳನ್ನು ಬರೆಸುವುದು ಸಾಮಾನ್ಯ. ಅದರೆ ಈಗ 'ಕಾಣದಂತೆ ಮಾಯವಾದನು' ಚಿತ್ರತಂಡ ಡಿಫರೆಂಟ್ ಟ್ಯಾಗ್​​​​​​ಲೈನ್ ಸ್ಫರ್ಧೆ ಏರ್ಪಡಿಸಿ ಈ ಸ್ಪರ್ಧೆಯಲ್ಲಿ ಗೆದ್ದ ವಿಜೇತರಿಗೆ ನಿನ್ನೆ 50 ಸಾವಿರ ಬಹುಮಾನ ನೀಡಿದೆ.

ದುನಿಯಾ ವಿಜಯ್ ನಟಿಸಿ ನಿರ್ಮಿಸಿದ್ದ 'ಜಯಮ್ಮನ ಮಗ' ಚಿತ್ರದ ನಿರ್ದೇಶಕ ವಿಕಾಸ್ ಇದೀಗ 'ಕಾಣದಂತೆ ಮಾಯವಾದನು' ಸಿನಿಮಾದಿಂದ ನಾಯಕನಾಗಿ ಎಂಟ್ರಿ ಕೊಟ್ಟಿದ್ದಾರೆ. ಚಿತ್ರತಂಡ ಕೆಲವು ದಿನಗಳ ಹಿಂದೆ ಈ ಟ್ಯಾಗ್​​ಲೈನ್​​​ ಸ್ಪರ್ಧೆ ಏರ್ಪಡಿಸಿತ್ತು. ಸ್ಪರ್ಧೆಯಲ್ಲಿ ಸುಮಾರು 3000ಕ್ಕೂ ಹೆಚ್ಚು ಸ್ಪರ್ಧಿಗಳು ಭಾಗವಹಿಸಿ ಸುಮಾರು 3000 ಟ್ಯಾಗ್​​ಲೈನ್​ಗಳನ್ನು ಬರೆದು ಚಿತ್ರತಂಡಕ್ಕೆ ತಲುಪಿಸಿದ್ದರು. ಆ ಟ್ಯಾಗ್​​​​​​​ಲೈನ್​​​​​​​​​​​​​ಗಳಲ್ಲಿ ಕುಂದಾಪುರ ಉಪನ್ಯಾಸಕರೊಬ್ಬರು ಬರೆದಿದ್ದ 'ಗೋರಿಗೋದ್ಮೇಲೆ ಹುಟ್ಟಿದ ಸ್ಟೋರಿ' ಟ್ಯಾಗ್​​​​​​​​​​​​​​​​​​​​​​ಲೈನ್​​ಅನ್ನು ಚಿತ್ರತಂಡ ಆಯ್ಕೆ ಮಾಡಿಕೊಂಡಿದ್ದು, ನಿನ್ನೆ ವಿಜೇತ ನರೇಂದ್ರ ಎಸ್​​​.ಗಂಗೊಳ್ಳಿಗೆ ಚಿತ್ರತಂಡ 50,000 ರೂಪಾಯಿ ಚೆಕ್ ನೀಡಿ ಅಭಿನಂದಿಸಿದೆ. ಸ್ಪರ್ಧೆಯಲ್ಲಿ ಗೆದ್ದ ಹಣದಲ್ಲಿ ಸ್ವಲ್ಪ ಭಾಗವನ್ನು ಸರ್ಕಾರಿ ಶಾಲಾ ಮಕ್ಕಳಿಗೆ ನೀಡಿ ಉಳಿದಿದ್ದನ್ನು ಸ್ವಂತಕ್ಕೆ ಬಳಸಿಕೊಳ್ಳುವುದಾಗಿ ನರೇಂದ್ರ ಹೇಳಿದರು.

ವಿಕಾಸ್​​

'ಕಾಣದಂತೆ ಮಾಯವಾದನು' ಚಿತ್ರವನ್ನು ರಾಜ್ ಪತ್ತಿಪಾಟಿ ಕಥೆ ಬರೆದು ನಿರ್ದೇಶನ ಮಾಡಿದ್ದಾರೆ. ಇದು ಫ್ಯಾಂಟಸಿ ಸಿನಿಮಾವಾಗಿದ್ದು, ನಾಯಿ ಮತ್ತು ಆತ್ಮದ ಸುತ್ತ ಸುತ್ತುವ ಕಥೆಯಾಗಿದೆ ಎನ್ನಲಾಗಿದೆ. ಯಾವುದೇ ಭಯವಿಲ್ಲದೆ ಚಿಕ್ಕ ಮಕ್ಕಳು ಕೂಡಾ ಈ ಚಿತ್ರವನ್ನು ನೋಡಬಹುದು ಎಂಬುದು ಚಿತ್ರತಂಡದ ಮಾತು. ಚಿತ್ರದಲ್ಲಿ ನಾಯಕಿಯಾಗಿ ಸಿಂಧು ಲೋಕನಾಥ್ ನಟಿಸಿದ್ದು, ಈಗಾಗಲೇ ಸೆನ್ಸಾರ್ ಬೋರ್ಡಿನಿಂದ ಯು/ಎ ಸರ್ಟಿಫಿಕೇಟ್ ಪಡೆದು ರಿಲೀಸ್​​​​​​​​​​​​​​​​​​​​​​​​ಗೆ ರೆಡಿಯಿರುವ ಈ ಚಿತ್ರವನ್ನು ಸೋಮ್ ಸಿಂಗ್ ನಿರ್ಮಾಣ ಮಾಡಿದ್ದಾರೆ. ಅಕ್ಟೋಬರ್ ಅಂತ್ಯಕ್ಕೆ ಸಿನಿಮಾ ರಿಲೀಸ್ ಮಾಡಲು ನಿರ್ಮಾಪಕರು ರೆಡಿ ಇದ್ದಾರೆ.

'ಕಾಣದಂತೆ ಮಾಯವಾದನು' ಚಿತ್ರತಂಡ