ಗೋಲ್ಡನ್ ಪಿಂಗರ್ ಸಿನಿಮಾ ಮೂಲಕ ಖ್ಯಾತಿ ಗಳಿಸಿದ್ದ ಮಾಡೆಲ್, ನಟಿ ಮಾರ್ಗರೆಟ್ ನೋಲನ್(76) ವಿಧಿವಶರಾಗಿದ್ದಾರೆ. ಇವರು ಕಳೆದ ಅಕ್ಟೋಬರ್ 5ರಂದು ವಿಧಿವಶರಾಗಿದ್ದು, ಅವರ ಪುತ್ರ ತಡವಾಗಿ ಮಾಹಿತಿ ನೀಡಿದ್ದಾರೆ.
ಮಾರ್ಗರೆಟ್ ನೋಲನ್ 1960ರಲ್ಲಿ ವಿಕ್ಕಿ ಕೆನ್ನಾಡಿ ಎಂಬ ಹೆಸರಿನಿಂದ ಪ್ರಖ್ಯಾತಿ ಹೊಂದಿದ್ದರು. ಆದ್ರೆ ತಾವು ಸಿನಿಮಾ ಕಡೆ ಮುಖ ಮಾಡಿದ ನಂತ್ರ ತಮ್ಮ ಮೊದಲಿನ ಹೆಸರಿನಲ್ಲೇ ಮುಂದುವರೆದರು.
1964ರಲ್ಲಿ ತೆರೆಕಂಡ ಬಾಂಡ್ ಸಿನಿಮಾ ಎ ಹಾರ್ಡ್ ಡೇಸ್ನಲ್ಲಿ ಅಭಿನಯಿಸಿದ್ದರು. ಚಿತ್ರದಲ್ಲಿ ಡಿಂಕ್ ಪಾತ್ರಕ್ಕೆ ಬಣ್ಣ ಹಚ್ಚಿದ್ದರು. ಇವರು 1980ರ ದಶಕದಲ್ಲಿ ಸಿನಿಮಾದಿಂದ ಬ್ರೇಕ್ ಪಡೆದು, ನಂತರ 2011ರಲ್ಲಿ ಮತ್ತೆ ಎಂಟ್ರಿ ಕೊಡ್ತಾರೆ. 2011ರಲ್ಲಿ ದಿ ಪವರ್ ಆಫ್ ಥ್ರಿ ಎಂಬ ಸಿನಿಮಾದಲ್ಲಿ ಕಾಣಿಸಿಕೊಂಡಿದ್ದಾರೆ.
ಇವರ ಸಾವಿಗೆ ಹಾಲಿವುಡ್ ಸೇರಿದಂತೆ ಹಲವು ನಿರ್ದೇಶಕರು ಮತ್ತು ಅಭಿಮಾನಿಗಳು ಸೋಷಿಯಲ್ ಮೀಡಿಯಾದಲ್ಲಿ ಸಂತಾಪ ಸೂಚಿಸಿದ್ದಾರೆ.