ರಿಲೀಸ್​ಗೂ ಮುನ್ನವೇ 'ಗೀತಾ' ಕಲೆಕ್ಷನ್ ಜೋರು...ಬಹುಕೋಟಿಗೆ ಡಿಜಿಟಲ್ ರೈಟ್ಸ್ ಸೇಲ್

ಮಳೆ ಹುಡುಗ ಗಣಿ ಅಭಿನಯಿಸುತ್ತಿರುವ 'ಗೀತಾ' ಚಿತ್ರ ಬಿಡುಗಡೆಯ ಮುನ್ನವೇ ಬಾಕ್ಸಾಫೀಸ್​ ತುಂಬಿಸಿಕೊಳ್ಳುತ್ತಿದೆ. ಸದ್ಯ ಈ ಚಿತ್ರದ ಡಿಜಿಟಲ್ ರೈಟ್ಸ್​​​​​ ಬಹುಕೋಟಿಗೆ ಮಾರಾಟವಾಗಿದೆ.

ಗೋಲ್ಡನ್ ಸ್ಟಾರ್ ಗಣೇಶ್ ಮೇರುನಟ ಶಂಕರ್​​ ನಾಗ್ ತರ ಕ್ಯಾಪ್ ತೊಟ್ಟು 'ಗೀತಾ' ಅಂತಾ ಸಿನಿಮಾದಲ್ಲಿ ನಟಿಸುತ್ತಿದ್ದಾರೆ. ಆಲ್ ಮೋಸ್ಟ್ ಶೂಟಿಂಗ್ ಮುಗಿಸಿರೋ ಈ ಸಿನಿಮಾದ ಆಫೀಶಿಯಲ್ ಟೀಸರ್ ಬಿಡುಗಡೆಯಾಗಿ ಕೋಟ್ಯಾಂತರ ಅಭಿಮಾನಿಗಳ ಮನಸು ಗೆದ್ದಿದೆ. ಸದ್ಯ ಈ ಚಿತ್ರತಂಡದಿಂದ ಹೊಸ ಸುದ್ದಿ ಹೊರಬಿದ್ದಿದೆ.

ಗೋಲ್ಡನ್ ಸ್ಟಾರ್​ ಗಣಿ ಕನ್ನಡಪರ ಹೋರಾಟಗಾರನಾಗಿ ಅಭಿನಯಿಸಿರುವ 'ಗೀತಾ' ಸಿನಿಮಾದ ಡಿಜಿಟಲ್ ಹಕ್ಕು ಬಾರಿ ಮೊತ್ತಕ್ಕೆ ಮಾರಾಟವಾಗಿದೆ. ಅಮೆಜಾನ್ ಪ್ರೈಮ್ ₹2.75 ಕೋಟಿಗೆ ಈ ಸಿನಿಮಾ ಡಿಜಿಟಿಲ್ ರೈಟ್ಸ್​​ ಪಡೆದಿದೆ ಎಂದು ಚಿತ್ರತಂಡ ಹೇಳಿಕೊಂಡಿದೆ.

ಇನ್ನು ಈ ಸಿನಿಮಾದಲ್ಲಿ ಗಣೇಶ್​​ಗೆ ಜೋಡಿಯಾಗಿ ಪಾರ್ವತಿ ಅರುಣ್, ಶಾನ್ವಿ ಶ್ರೀವಾತ್ಸವ ಹಾಗೂ ಪ್ರಯಗಾ ಮಾರ್ಟಿನ್ ಹೀಗೆ ಮೂರು ಜನ ನಾಯಕಿಯರು ನಟಿಸಿದ್ದಾರೆ. 'ರಾಜಕುಮಾರ' ಸಿನಿಮಾಕ್ಕೆ ಸಹ ನಿರ್ದೇಶಕನಾಗಿ‌‌ ಕೆಲಸ‌‌ ಮಾಡಿದ್ದ ವಿಜಯ ನಾಗೇಂದ್ರ‌ ಈ ಸಿನಿಮಾ ಮೂಲ್ಕ ಪೂರ್ಣ ಪ್ರಮಾಣದ ನಿರ್ದೇಶಕರಾಗುತ್ತಿದ್ದಾರೆ. ಶಿಲ್ಪಾ ಗಣೇಶ್ ಹಾಗೂ ಸೈಯದ್ ಸಲಾಂ ಚಿತ್ರದ ನಿರ್ಮಾಣ ಮಾಡಿದ್ದಾರೆ.