ಲವರ್ ಬಾಯ್ ಇಮೇಜ್ನಿಂದ ಹೊರಬರಲು ಪ್ರಯತ್ನಿಸುತ್ತಿರುವ ಗೋಲ್ಡನ್ ಸ್ಟಾರ್ ಗಣೇಶ್ ಹೊಸ ರೀತಿಯ ಪಾತ್ರಗಳ ಸಿನಿಮಾಗಳನ್ನ ಮಾಡ್ತಿದ್ದಾರೆ. ಇತ್ತೀಚೆಗೆ ಸೋಲು ಗೆಲುವುಗಳೆರಡನ್ನು ಕಂಡಿರುವ ಈ ಹೀರೋ ಸಾಕಷ್ಟು ಯೋಚಿಸಿ ಕಥೆಗಳನ್ನ ಆಯ್ಕೆ ಮಾಡಿಕೊಳ್ಳುತ್ತಿದ್ದಾರೆ.
ಈ ಬಾರಿ ಮತ್ತೊಂದು ಹೊಸ ಪ್ರಯತ್ನಕ್ಕೆ ಕೈ ಹಾಕಿರುವ ಗಣಿ ತಮ್ಮ ಆಪ್ತ ನಿರ್ದೇಶಕ ಪ್ರೀತಮ್ ಗುಬ್ಬಿಗೆ ಚಾನ್ಸ್ ನೀಡಿದ್ದಾರೆ. ಮಳೆಯಲಿ ಜೊತೆಯಲಿ, ದಿಲ್ ರಂಗೀಲಾ ನಂತರ ಮತ್ತೆ ಒಂದಾಗಿರುವ ಈ ಜೋಡಿ ಹೊಸ ಮೋಡಿ ಮಾಡಲು ಮುಂದಾಗಿದ್ದಾರೆ.
ಈ ಬಾರಿ ತಮಿಳಿನ 99 ಸಿನಿಮಾ ರಿಮೇಕ್ಗೆ ಕೈ ಹಾಕಿರುವ ಗಣೇಶ್ ಅದಕ್ಕಾಗಿ ಸಾಕಷ್ಟು ತಯಾರಿ ಸಹ ನಡೆಸಿದ್ದಾರೆ. ಈ ಸಿನಿಮಾದಲ್ಲಿ ಫೋಟೋಗ್ರಾಫರ್ ಆಗಿಯೂ ಕಾಣಿಸಿಕೊಳ್ಳಲಿರುವ ಗಣಿ ಗಡ್ಡ ಬಿಟ್ಟು ದೇವದಾಸ ತರ ಕ್ಯಾಮೆರ ಹಿಡಿದು ಮನಾಲಿಯ ಬ್ಯೂಟಿಫುಲ್ ಲೋಕೆಶನ್ ಗಳಲ್ಲಿ ಸಂಚಾರ ಮಾಡ್ತಾ ಇದ್ದಾರೆ..
ಈಗಾಗಲೇ ಹಾಡುಗಳಿಂದ ಸೌಂಡ್ ಮಾಡ್ತಿರೋ 99 ಸಿನಿಮಾ ಈಗ ಮತ್ತೊಂದು ಸ್ಯಾಡ್ ಸಾಂಗ್ ರಿಲೀಸ್ ಮಾಡಿದೆ.. ಈ ಪ್ಯಾಥೊ ಹಾಡಿನಲ್ಲಿ ಗಣೇಶ್ ಮತ್ತೆ ಮುಂಗಾರು ಮಳೆಯ ಪ್ರೀತಂರನ್ನ ನೆನಪಿಸುತ್ತಿದ್ದಾರೆ..
ಅಂದು ಮುಂಗಾರು ಮಳೆ 2 ನಲ್ಲಿ ಸರಿಯಾಗಿ ನೆನಪಿದೆ ನನಗೆ ಹಾಡಿನಿಂದ ಮೋಡಿ ಮಾಡಿದ್ದ, ಗಾಯಕ ಅರ್ಮಾನ್ ಮಲ್ಲಿಕ್ ಈಗ99 ಚಿತ್ರದ ಗಮ್ಯವೇ ಎಂಬ ಹಾಡನ್ನ ಹಾಡಿದ್ದಾರೆ. ಅರ್ಜುನ್ ಜನ್ಯ ಸಂಗೀತ ಮತ್ತೊಮ್ಮೆ ಸಕ್ಸಸ್ ಆಗಿದ್ದು, ಸದ್ಯಕ್ಕೆ ಈ ಹಾಡು ಯೂ ಟ್ಯೂಬ್ ನಲ್ಲಿ ಟ್ರೆಂಡಿಂಗ್ ನಲ್ಲಿದೆ.
