ಮದುವೆಯಾದ ಗಂಡಸಿನ ಜೊತೆ ಪ್ರೀತಿಯಲ್ಲಿ ಬೀಳಬೇಡಿ ಎಂದು ಬಾಲಿವುಡ್ ನಟಿ ನೀನಾ ಗುಪ್ತಾ ಅಭಿಮಾನಿ ಮತ್ತು ಗೆಳೆಯರಿಗೆ ಸಲಹೆ ನೀಡಿದ್ದಾರೆ.
ಈ ಬಗ್ಗೆ 2 ನಿಮಿಷದ ವಿಡಿಯೋವನ್ನು ತಮ್ಮ ಇನ್ಸ್ಟಾಗ್ರಾಮ್ನಲ್ಲಿ ಹಾಕಿರುವ ನೀನಾ ಗುಪ್ತಾ, ಈ ಹಿಂದೆ ನಾನು ಇದೇ ರೀತಿಯ ತಪ್ಪನ್ನು ಮಾಡಿದ್ದೆ. ನಂತರ ನೋವನ್ನು ಅನುಭವಿಸಿದ್ದೆ. ಆದುದರಿಂದ ಈ ಮಾತನ್ನು ಹೇಳುತ್ತಿದ್ದೇನೆ. ಯಾರೂ ಕೂಡ ಮದುವೆಯಾದ ಗಂಡಸಿನ ಜೊತೆ ಪ್ರೀತಿಯಲ್ಲಿ ಬೀಳಬೇಡಿ ಎಂದಿದ್ದಾರೆ.
- " class="align-text-top noRightClick twitterSection" data="
">
ನೀನಾ ಗುಪ್ತಾ ಹಾಕಿರುವ ವಿಡಿಯೋಕ್ಕೆ ಕಮೆಂಟ್ಗಳ ಸುರಿಮಳೆಯೇ ಆಗುತ್ತಿದೆ. ವಿಡಿಯೋಕ್ಕೆ ಕಮೆಂಟ್ ಮಾಡಿರುವ ಒಬ್ಬರು, ಇದು ನಿಜ ಮೇಡಂ, ನಮ್ಮ ತಪ್ಪುಗಳಿಂದ ಕಲಿಯುತ್ತೇವೆ. ಅಲ್ಲದೇ ನಮ್ಮ ಆತ್ಮೀಯರಿಗೆ ಇಂತಹ ದಾರಿ ತುಳಿಯದಂತೆ ಸಲಹೆ ನೀಡುತ್ತೇವೆ ಎಂದಿದ್ದಾರೆ.
ಮತ್ತೊಬ್ಬರು ಕಮೆಂಟ್ ಮಾಡಿದ್ದು, ನಿಮ್ಮ ತಪ್ಪನ್ನು ಸಾರ್ವಜನಿಕವಾಗಿ ಹೇಳಿಕೊಳ್ಳುತ್ತಿದ್ದೀರಿ. ಇದಕ್ಕೆ ಧೈರ್ಯ ಬೇಕು ಎಂದು ಬರೆದಿದ್ದಾರೆ.