ನಿರ್ದೇಶಕನಾಗಿ, ಛಾಯಾಗ್ರಾಹಕನಾಗಿ ಸುಮಾರು 100 ಸಿನಿಮಾ ಮಾಡಿರುವ ದಿನೇಶ್ ಬಾಬು ಇದೀಗ ಹೊಸ ಚಿತ್ರವನ್ನ ಸ್ಯಾಂಡಲ್ವುಡ್ಗೆ ನೀಡುತ್ತಿದ್ದಾರೆ. ಈ ಸಿನಿಮಾಕ್ಕೆ ‘ಹಗಲು ಕನಸು’ ಎಂದು ಹೆಸರಿಟ್ಟಾರೆ. ಸ್ಯಾಂಡಲ್‌ವುಡ್‌ನಲ್ಲಿ ಮಾಸ್ಟರ್ ಆನಂದ್ ಆಗಿ ಮಿಂಚು ಹರಿಸಿರುವ ಆನಂದ್ ಈ ಚಿತ್ರದ ನಾಯಕ.
ಈ ಸಿನಿಮಾದ ಜೊತೆ ‘ಅಭ್ಯಂಜನ’ ಎಂಬ ಮತ್ತೊಂದು ಸಿನಿಮಾಕ್ಕೆ ಕೈ ಹಾಕಿದ್ದಾರೆ. ಅಲ್ಲದೆ ಈ ಸಿನಿಮಾದ ಪ್ರೀಮಿಯರ್ ಶೋ ನಡೆಸಲು ಸಿದ್ದತೆಯನ್ನೂ ಮಾಡಿಕೊಂಡಿದ್ದಾರೆ. ಈ ಸಿನಿಮಾವನ್ನು ಇದೇ ಡಿಸೆಂಬರ್ 6ಕ್ಕೆ ಬಿಡುಗಡೆ ಮಾಡಲು ಚಿತ್ರ ತಂಡ ನಿರ್ಧರಿಸಿದೆ.
ದಿನೇಶ್ ಬಾಬು ಅವರ ಮುಂದಿನ ಸಿನಿಮಾ ‘ಅಭ್ಯಂಜನ’ ನಿಜ ಜೀವನದ ಕಥೆ ಆಧಾರಿತ ಚಿತ್ರ. ಕರ್ನಾಟಕ ಹಾಗೂ ತಮಿಳು ನಾಡು ಗಡಿಯಲ್ಲಿ ನಡೆದ ಕಥೆ ಆಧಾರವಾಗಿರಿಸಿ ಈ ಸಿನಿಮಾ ಮಾಡಲಾಗುತ್ತಿದೆ. ರಂಗಭೂಮಿ, ಚಲನ ಚಿತ್ರ ಹಾಗೂ ಕಿರುತೆರೆ ನಟ ಬಾಲಾಜಿ, ಡಿಜಿಟಲ್ ಸ್ಟುಡಿಯೋ ಮಾಲೀಕ ಕರಿಸುಬ್ಬು ಈ ಸಿನಿಮಾದಲ್ಲಿ ಮುಖ್ಯ ಪಾತ್ರದಲ್ಲಿ ಕಾಣಿಸಿಕೊಂಡಿದ್ದಾರೆ.
ಅಭ್ಯಂಜನ ಸಿನಿಮಾಕ್ಕೆ ದಿನೇಶ್ ಬಾಬು, ನಾಗೇಶ್ವರ ರಾವ್, ಮಂಜುನಾಥ್ ಹಾಗೂ ನಾಗರಾಜ್ ಶಾಂಡಿಲ್ಯ ಬಂಡವಾಳ ಹೂಡಿದ್ದು, ಡಿಸೆಂಬರ್ 9ಕ್ಕೆ ಪ್ರದರ್ಶನ ಕಾಣಲಿದೆ.
