ರಾಜಮೌಳಿ, ರಾಮ್ಚರಣ್, ಜೂ.ಎನ್ಟಿಆರ್ ಕಾಂಬಿನೇಷನ್ನಲ್ಲಿ ಮೂಡಿಬರುತ್ತಿರುವ ಆರ್ಆರ್ಆರ್ ದಿನದಿಂದ ದಿನಕ್ಕೆ ಕುತೂಹಲಗಳ ಆಗರವೇ ಆಗ್ತಿದೆ. ಇದಕ್ಕೆ ಕಾರಣ ಈ ಸಿನಿಮಾದಲ್ಲಿ ನಟಿಸಿರುವ ಅಲಿಸನ್ ಡೂಡಿ ಅಕಸ್ಮಾತಾಗಿ ಸಿನಿಮಾ ರಿಲೀಸ್ ದಿನಾಂಕವನ್ನು ಬಹಿರಂಗ ಮಾಡಿದ್ದಾರೆ.
ಹೌದು, ಆರ್ಆರ್ಆರ್ ಸಿನಿಮಾದಲ್ಲಿ ನಟಿಸುತ್ತಿರುವ ಐರಿಶ್ ನಟಿ ಅಲಿಸನ್ ಡೂಡಿ ತಮ್ಮ ಇನ್ಸ್ಟಾಗ್ರಾಮ್ ಖಾತೆಯಲ್ಲಿ ಬಿಡುಗಡೆ ದಿನಾಂಕವನ್ನು ಪ್ರಕಟಿಸಿ ನಂತ್ರ ಕೆಲವೇ ನಿಮಿಷಗಲ್ಲಿ ಡಿಲೀಟ್ ಮಾಡಿದ್ದಾರೆ.
ಅಲಿಸನ್ ಹೇಳಿರುವ ಪ್ರಕಾರ, RRR ಸಿನಿಮಾ ಅಕ್ಟೋಬರ್ 8ರಂದು ರಿಲೀಸ್ ಮಾಡಲು ನಿರ್ಧರಿಸಲಾಗಿದೆ ಎಂದು ಪೋಸ್ಟ್ ಮಾಡಿದ್ದರು. ಹೀಗೆ ಹೇಳಿದ ತಕ್ಷಣ ಈ ಸುದ್ದಿ ಸಾಮಾಜಿಕ ಜಾಲತಾಣ ಸೇರಿದಂತೆ ಎಲ್ಲಾ ಕಡೆ ಸಖತ್ ವೈರಲ್ ಆಗುತ್ತಿದೆ. ಆದ್ರೆ ಆರ್ಆರ್ಆರ್ ಚಿತ್ರತಂಡ ಈ ಸುದ್ದಿಯನ್ನು ದೊಡ್ಡ ಪ್ರಮಾಣದ ಸುದ್ದಿಯಾಗುವಂತೆ ಘೋಷಣೆ ಮಾಡಲು ನಿರ್ಧರಿಸಿತು.
ಸದ್ಯ ಚಿತ್ರದ ಕ್ಲೈಮ್ಯಾಕ್ಸ್ ಶೂಟಿಂಗ್ ಹೈದರಾಬಾದ್ನಲ್ಲಿ ನಡೆಯುತ್ತಿದ್ದು, ನಟಿ ಅಲಿಸನ್ ಕೂಡ ಭಾಗಿಯಾಗಿದ್ದಾರೆ. ಈ ಸಿನಿಮಾದಲ್ಲಿ ಅಲಿಸನ್ ಲೇಡಿ ಸ್ಕಾಟ್ ಪಾತ್ರದಲ್ಲಿ ನಟಿಸುತ್ತಿದ್ದಾರೆ.
