ಕನ್ನಡ ಚಿತ್ರರಂಗದ ದೊಡ್ಮನೆ ಮಗ, ಅಭಿಮಾನಿಗಳ ಪಾಲಿನ ರಾಜ್‌ಕುಮಾರ ಅಂತಾ ಕರೆಸಿಕೊಂಡಿರುವ ನಟ ಅಂದರೆ ಅದು ಪವರ್ ಸ್ಟಾರ್ ಪುನೀತ್‌ರಾಜ್‍ಕುಮಾರ್. ಸದ್ಯ ಯುವರತ್ನ ಸಿನಿಮಾದ ಜಪ ಮಾಡುತ್ತಿರೋ ಪವರ್ ಸ್ಟಾರ್ಗೆ ಬುಧವಾರ ಹುಟ್ಟು ಹಬ್ಬದ ಸಂಭ್ರಮ.
ನಾಳೆ 46ನೇ ವಸಂತಕ್ಕೆ ಕಾಲಿಡುತ್ತಿರುವ ಪುನೀತ್ ರಾಜ್ಕುಮಾರ್ ಹುಟ್ಟು ಹಬ್ಬಕ್ಕೆ ಆ್ಯಕ್ಷನ್‌ ಪ್ರಿನ್ಸ್ ಧ್ರುವ ಸರ್ಜಾ ಅಡ್ವಾನ್ಸ್ ಆಗಿ ಶುಭಾಶಯ ಹೇಳುತ್ತಾ, ವರುಣ್ ಸ್ಟುಡಿಯೋ ವತಿಯಿಂದ ನಿರ್ಮಾಣ ಆಗಿರುವ ಅಪ್ಪು@46 ಎಂಬ ಸ್ಪೆಷಲ್ ಹಾಡನ್ನ ಧ್ರುವ ಸರ್ಜಾ ಬಿಡುಗಡೆ ಮಾಡಿ ವಿಶ್ ಮಾಡಿದ್ದಾರೆ.
ಓದಿ:10 ಕಿಲೋ ತೂಕ ಇಳಿಸಿಕೊಂಡ ರಕ್ಷಿತ್ ಶೆಟ್ಟಿ ... ಕಾರಣ ಏನು...?
ಈ ಬಾರಿಯೂ ಅಭಿಮಾನಿಗಳ ಜೊತೆ ಹುಟ್ಟು ಹಬ್ಬ ಆಚರಿಸಿಕೊಳ್ಳದ ರಾಜ್‌ಕುಮಾರನ ಹುಟ್ಟು ಹಬ್ಬಕ್ಕೆ ವರುಣ್ ಗೌಡ ಅಪ್ಪು@46 ಎಂಬ ಸ್ಪೆಷಲ್ ಹಾಡನ್ನ ನಿರ್ಮಾಣ ಮಾಡಿದ್ದಾರೆ. ಕನ್ನಡ ಚಿತ್ರರಂಗದ ಪುನೀತ್ ರಾಜ್ಕುಮಾರ್ ಅವರ 46 ವರ್ಷಗಳ ಸಿನಿಮಾ ಜರ್ನಿಯನ್ನು ಈ ವಿಡಿಯೋ ಒಳಗೊಂಡಿದೆ.
ಗುಮ್ಮಿನೇನಿ ವಿಜಯ್ ಈ ಹಾಡಿಗೆ ಸಂಗೀತ ನೀಡಿದ್ದು, ಅನಿರುದ್ದ್ ಶಾಸ್ತ್ರಿ ಈ ಹಾಡನ್ನ ಹಾಡಿದ್ದಾರೆ. ಭಜರಂಗಿ ಮೋಹನ್ ಈ ಹಾಡನ್ನ ರಚಿಸಿದ್ದು, ವರುಣ್ ಸ್ಟುಡಿಯೋ ಬ್ಯಾನರ್ ಅಡಿ ನಿರ್ಮಾಣ ಮಾಡಲಾಗಿದೆ.
