ಸ್ಯಾಂಡಲ್ವುಡ್ನಲ್ಲಿ ನಟ ದರ್ಶನ್ ಅತಿ ಹೆಚ್ಚು ಫ್ಯಾನ್ ಫಾಲೋಯಿಂಗ್ ಹೊಂದಿರುವ ನಟ. ಸಿನಿಮಾ ಮಾತ್ರವಲ್ಲ ತಮ್ಮ ಸಮಾಜಮುಖಿ ಕಾರ್ಯಗಳಿಂದಲೂ ಅವರು ಅಭಿಮಾನಿಗಳಿಗೆ ಬಹಳ ಇಷ್ಟವಾಗುತ್ತಾರೆ.
ಹೃದಯವಂತಿಕೆಯಲ್ಲೂ ಯಜಮಾನನಾಗಿರುವ ದಚ್ಚು ಅಂದ್ರೆ ಅವರ ಅಭಿಮಾನಿ ಬಳಗಕ್ಕೆ ಇನ್ನಿಲದ ಪ್ರೀತಿ. ರಾಜ್ಯದ ಮೂಲೆ ಮೂಲೆಗಳಲ್ಲೂ ದರ್ಶನ್ಗೆ ಸಾಕಷ್ಟು ಅಭಿಮಾನಿಗಳಿದ್ದು ಆಟೋ, ಬೈಕ್, ಕಾರು, ಬಸ್ ಅಷ್ಟೇ ಏಕೆ ಅಭಿಮಾನಿಗಳ ದೇಹದ ಮೇಲೂ ದಾಸನ ಟ್ಯಾಟ್ಯೂ ರಾರಾಜಿಸುತ್ತಿದೆ. ಇದೀಗ ದಚ್ಚು ಫೋಟೋ ನೋಟ್ ಪುಸ್ತಕಗಳ ಮೇಲೂ ರಾರಾಜಿಸುತ್ತಿದ್ದು ಅವರು ನ್ಯೂ ಟ್ರೆಂಡ್ ಸೆಟರ್ ಆಗಿದ್ದಾರೆ.
ಒಂದು ಕಾಲದಲ್ಲಿ ನೋಟ್ ಪುಸ್ತಕಗಳ ಮೇಲೆ ಸಾಮಾನ್ಯವಾಗಿ ಪ್ರಾಣಿ ಪಕ್ಷಿಗಳು ಹಾಗೂ ವಿಜ್ಞಾನಕ್ಕೆ ಸಂಬಂಧಿಸಿದ್ದ ಫೋಟೋಗಳು ನೋಟ್ ಬುಕ್ಗಳ ಮೇಲೆ ಪ್ರಿಂಟ್ ಆಗುತ್ತಿದ್ದವು. ಈಗ ದಚ್ಚು ಪೋಟೋ ಪ್ರಿಂಟ್ ಇರುವ ನೋಟ್ಬುಕ್ ಮಾರುಕಟ್ಟೆಗೆ ಲಗ್ಗೆ ಇಟ್ಟಿದೆ. ಈ ಪುಸ್ತಕವನ್ನು ಖಾಸಗಿ ಕಂಪನಿಯೊಂದು ಮಾರುಕಟ್ಟೆಗೆ ತಂದಿದೆ. ಈಗ ಈ ನೋಟ್ ಬುಕ್ಗಳಿಗೆ ಸಖತ್ ಡಿಮ್ಯಾಂಡ್ ಕೂಡಾ ಇದೆಯಂತೆ.
