ಸ್ಯಾಂಡಲ್ವುಡ್ನಲ್ಲಿ ಕಮರ್ಷಿಯಲ್ ಹಾಗು ಸೋಷಿಯಲ್ ಮೆಸೇಜ್ ಇರುವ ಸಿನಿಮಾಗಳನ್ನು ಕೊಡುತ್ತಿರುವ ಕ್ರಿಯೇಟಿವ್ ಡೈರೆಕ್ಟರ್ ದಯಾಳ್ ಪದ್ಮನಾಭನ್ ಸದ್ಯ 'ರಂಗನಾಯಕಿ'ಯ ಬಿಡುಗಡೆ ತಯಾರಿಯಲ್ಲಿದ್ದಾರೆ.
ರಂಗನಾಯಕಿ ಸಿನಿಮಾ ನಿರ್ದೇಶನ ಮಾಡಿರುವ ದಯಾಳ್ ಪದ್ಮನಾಭನ್, ಗೋವಾ ಫಿಲ್ಮ್ ಫೆಸ್ಟಿವಲ್ನಲ್ಲಿ ರಂಗನಾಯಕಿಯನ್ನು ಪ್ರದರ್ಶನ ಮಾಡುವುದಕ್ಕೆ ಸಜ್ಜಾಗಿದ್ದಾರೆ. ಈ ಖುಷಿಯ ಸಂದರ್ಭದಲ್ಲಿ ಅವರು ತನ್ನಲ್ಲಿರುವ ಬಹು ದೊಡ್ಡ ಆಸೆಯನ್ನು ಹೇಳಿಕೊಂಡರು.
ರಂಗನಾಯಕಿ ಸಿನಿಮಾ ರಿಲೀಸ್ ಮತ್ತು ಗೋವಾ ಫಿಲಂ ಫೆಸ್ಟಿವಲ್ನಲ್ಲಿ ಸ್ಕ್ರೀನಿಂಗ್ ಬಗ್ಗೆ ಮಾತನಾಡುವ ವೇಳೆ ದಯಾಳ್ ತಮ್ಮ ಕನಸಿನ ಪ್ರಶಸ್ತಿ ಬಗ್ಗೆ ಹೇಳಿಕೊಂಡರು. ಕನಸಿನ ಪ್ರಶಸ್ತಿ ಪಡೆಯಲು ಈಗಾಗಲೇ ಒಂದು ವರ್ಷದಿಂದ ಕಥೆ ಮಾಡೋದ್ರಲ್ಲಿ ಬ್ಯುಸಿಯಾಗಿದ್ದಾರಂತೆ. ನಾಲ್ಕು ದೇಶಗಳಲ್ಲಿ ಈ ಸಿನಿಮಾ ಕಥೆ ನಡೆಯಲಿದೆ. ಈ ಹಿಂದೆ ಹಗ್ಗದ ಕೊನೆ, ಆ್ಯಕ್ಟರ್, ಆ ಕರಾಳ ರಾತ್ರಿ ಚಿತ್ರಗಳನ್ನು ಪನೋರಮಾಗೆ ಕಳುಹಿಸಲು ಯತ್ನಿಸಿ ವಿಫಲವಾದೆ. ಆದರೆ ಈಗ ರಂಗನಾಯಕಿ ಚಿತ್ರದ ಮೂಲಕ ಶ್ರಮ ಸಫಲವಾಯಿತು ಎಂದರು. ಈ ವೇಳೆ ಮನದಾಸೆ ತಿಳಿಸಿದ ದಯಾಳ್, ನನ್ನ ಆಸ್ಕರ್ ಪ್ರಶಸ್ತಿ ಗೆಲ್ಲೋದು ನನ್ನ ಆಸೆ. ಈ ಆಸೆ ಈಡೇರುತ್ತಾ ಅನ್ನೋದನ್ನು ಕಾಲ ನಿರ್ಧರಿಸಲಿದೆ ಎಂದರು.
