ಬ್ರಹ್ಮಚಾರಿ ಸಂಸಾರಿಯಾದ ಖುಷಿಯಲ್ಲಿ ಕ್ವಾಟ್ಲೆ ಸತೀಶನ ಸಖತ್​​ ಸ್ಟೆಪ್ಸ್​​​​

ನಿನಾಸಂ ಸತೀಶ್​ ಹಾಗೂ ಅದಿತಿ ಪ್ರಭುದೇವ ಅಭಿನಯಿಸಿರುವ ಬ್ರಹ್ಮಚಾರಿ ಚಿತ್ರ ತೆರೆ ಕಂಡಿದ್ದು, ಅಭಿಮಾನಿ ದೇವರುಗಳಿಂದ ಉತ್ತಮ ಪ್ರತಿಕ್ರಿಯೆ ದೊರೆತಿದೆ. ಇದೇ ಖುಷಿಯಲ್ಲಿ ಸತೀಶ್​ ಹಾಗೂ ಅದಿತಿ ಚಿತ್ರಮಂದಿರದ ಮುಂದೆ ಸ್ಟೆಪ್​ ಹಾಕಿ ತಮ್ಮ ಸಂತೋಷ ವ್ಯಕ್ತಪಡಿಸಿದರು.

ನಾನು 100 ಪರ್ಸೆಂಟ್ ವರ್ಜಿನ್ ಅಂತ ಕ್ಯಾಪ್ಷನ್ ಇಟ್ಟುಕೊಂಡು ಬಂದ ಬ್ರಹ್ಮಚಾರಿ ಸಿನಿಮಾ, ಇಂದು ರಾಜ್ಯಾದ್ಯಂತ ತೆರೆ ಕಂಡಿದೆ. ನೀನಾಸಂ ಸತೀಶ್ ಹಾಗೂ ಅದಿತಿ ಪ್ರಭುದೇವ ಜೋಡಿ ಪ್ರೇಕ್ಷಕರಿಗೆ ಇಷ್ಟ ಆಗಿದ್ದು, ಮೊದಲ ದಿನ ಪ್ರೇಕ್ಷಕರಿಂದ ಉತ್ತಮ ಪ್ರತಿಕ್ರಿಯೆ ವ್ಯಕ್ತವಾಗಿದೆ.

ಗಾಂಧಿನಗರದಲ್ಲಿರುವ ತ್ರಿವೇಣಿ ಚಿತ್ರಮಂದಿರದಲ್ಲಿ, ಪ್ರೇಕ್ಷಕರ ಜೊತೆ ಸಿನಿಮಾ ನೋಡಿದ ನೀನಾಸಂ ಸತೀಶ್ ಹಾಗು ಅದಿತಿ ಪ್ರಭುದೇವ ಖುಷಿಯಾಗಿದ್ದಾರೆ. ತ್ರಿವೇಣಿ ಚಿತ್ರಮಂದಿರದ ಮುಂದೆ ನೀನಾಸಂ ಸತೀಶ್ ಹಾಗೂ ಅದಿತಿ ಪ್ರಭುದೇವ ಸಖತ್ ಸ್ಟೆಪ್ ಹಾಕುವ ಮೂಲಕ ತಮ್ಮ ಸಂತೋಷವನ್ನ ವ್ಯಕ್ತಪಡಿಸಿದರು.

ಶ್ರೀ ರಾಮನಂತೆ ಏಕ ಪತ್ನಿ ವ್ರತಸ್ತನಾಗಿ ಇರುವ ವ್ಯಕ್ತಿ, ಮದುವೆ ಆದಮೇಲೆ ಹೆಂಡತಿ ಆಸೆಯನ್ನ ಪೂರೈಸದ ಸಮಸ್ಯೆಯಿಂದ ಏನೆಲ್ಲಾ ತೊಂದರೆ ಆಗುತ್ತೆ ಅನ್ನೋದು ಬ್ರಹ್ಮಚಾರಿ ಸಿನಿಮಾದ ಕಥೆ.

ಬಾಂಬೆ ಮಿಠಾಯಿ ಸಿನಿಮಾ ನಿರ್ದೇಶನ ಮಾಡಿದ್ದ ಚಂದ್ರ ಮೋಹನ್ ಈ ಚಿತ್ರಕ್ಕೆ ನಿರ್ದೇಶನ ಮಾಡಿದ್ದಾರೆ. ಕಾಮಿಡಿ ಜೊತೆಗೆ ಫ್ಯಾಮಿಲಿ ಎಂಟರ್​​ಟೈನ್​​ಮೆಂಟ್ ಇರುವ ಬ್ರಹ್ಮಚಾರಿ ಸಿನಿಮಾಗೆ, ಪ್ರೇಕ್ಷಕರು ಜೈ ಅಂದಿದ್ದಾರೆ.