ಬಾಲಿವುಡ್ ನಟ ಇರ್ಫಾನ್ ಇಂದು ಅನಾರೋಗ್ಯದಿಂದ ನಿಧನರಾಗಿದ್ದಾರೆ. ಇರ್ಫಾನ್ ಖಾನ್ಗೂ ಕರ್ನಾಟಕಕ್ಕೂ ಆತ್ಮೀಯ ಸಂಬಧ ಇತ್ತು. ಹೌದು ನಟ ಇರ್ಫಾನ್ ಖಾನ್ಗೆ ರಂಗಕರ್ಮಿ ಪ್ರಸನ್ನ ಗುರುಗಳಾಗಿದ್ದರು.
ಇರ್ಫಾನ್ ದೆಹಲಿಯ ರಾಷ್ಟ್ರೀಯ ನಾಟಕ ಶಾಲೆಯಲ್ಲಿ ವಿದ್ಯಾರ್ಥಿಯಾಗಿದ್ದಾಗ, ಪ್ರಸನ್ನರ ಶಿಷ್ಯರಾಗಿದ್ದರು. ಅಲ್ಲದೇ ನಟನೆಯಲಿ ಸ್ಪಷ್ಟತೆ ಬಂದಿದ್ದೇ ಗುರುಗಳಾದ ಪ್ರಸನ್ನ ಅವರಿಂದ ಅಂತಾ ಇರ್ಫಾನ್ ಈ ಹಿಂದೆ ತಿಳಿಸಿದ್ದರು.
ಇದಲ್ಲದೇ ರಂಗಕರ್ಮಿ ಪ್ರಸನ್ನ ನೇತೃತ್ವದಲ್ಲಿ ಬದನವಾಳು ಗ್ರಾಮದಲ್ಲಿ ನಡೆದ ಕೈ ಮಗ್ಗ ಉಳಿವು, ಸುಸ್ಥಿರ ಅಭಿವೃದ್ಧಿ ಹೋರಾಟದಲ್ಲಿ ಇರ್ಫಾನ್ ಖಾನ್ ಭಾಗಿಯಾಗಿದ್ರು.
ಇನ್ನು 2015 ರಲ್ಲಿ ನಡೆದ ಈ ಹೋರಾಟದಲ್ಲಿ ಬದನವಾಳು ಗ್ರಾಮದಲ್ಲಿ ಇರ್ಫಾನ್ ಉಳಿದಿದ್ದರು. ಅಲ್ಲದೇ ತಾವೇ ಸ್ವತಃ ಒಲೆಯಲ್ಲಿ ರಾಗಿ ಅಂಬಲಿ ಮಾಡಿಕೊಂಡು ಸೇವಿಸುತ್ತಿದ್ದರು. ಇನ್ನು ಈ ಹೋರಾಟದ ವೇಳೆ ಇರ್ಫಾನ್ ಜೊತೆಗೆ ಪತ್ನಿ ಸುಪತಾ ಸಿಕ್ದಾರ್ ಕೂಡ ಇದ್ದರು.
