ರಿಲೀಸ್​ಗೂ ಮುನ್ನವೇ ಭರಾಟೆಯ ಭರ್ಜರಿ ಸೌಂಡ್​: ಭಾರಿ ಮೊತ್ತಕ್ಕೆ ಹಿಂದಿಗೆ ಡಬ್ಬಿಂಗ್​ ರೈಟ್ಸ್​ ಸೇಲ್

ಸ್ಯಾಂಡಲ್​ವುಡ್​ನ ಮತ್ತೊಂದು ಚಿತ್ರ ಬಾಲಿವುಡ್​​ನಲ್ಲಿ ಸದ್ದು ಮಾಡಲು ಹೊರಟಿದೆ. ಶ್ರೀಮುರಳಿಯ ಭರಾಟೆ ಸಿನಿಮಾಗೆ ಭಾರಿ ಬೇಡಿಕೆ ಬಂದಿದೆ. ಈ ಚಿತ್ರದ ಡಬ್ಬಿಂಗ್​ ರೈಟ್ಸ್​​ ಹಿಂದಿಗೆ ದೊಡ್ಡ ಮೊತ್ತಕ್ಕೆ ಮಾರಾಟವಾಗಿದೆ.

ಭರಾಟೆ ಸದ್ಯ ಸ್ಯಾಂಡಲ್​​ವುಡ್​​​ಲ್ಲಿ ಸದ್ದು ಮಾಡುತ್ತಿರುವ ಚಿತ್ರ. ಅದ್ಧೂರಿ ಮೇಕಿಂಗ್, ಖಡಕ್​ ಡೈಲಾಗ್ ಇರುವ ಟ್ರೈಲರ್​ ನಿಂದಲೇ ಸೌಂಡ್ ಮಾಡ್ತಿರುವ ಸಿನಿಮಾ ಇದಾಗಿದೆ.

ಭರ್ಜರಿ ಹಾಗೂ ಬಹದ್ದೂರ್ ಸಿನಿಮಾಗಳ ನಂತ್ರ ನಿರ್ದೇಶಕ ಚೇತನ್ ಕುಮಾರ್ 'ಭರಾಟೆ' ಚಿತ್ರಕ್ಕೆ ಆ್ಯಕ್ಷನ್ ಕಟ್ ಹೇಳಿದ್ದಾರೆ. ಚಿತ್ರದಲ್ಲಿ ರೋರಿಂಗ್​ ಸ್ಟಾರ್​ ಶ್ರೀಮುರಳಿ ನಾಯಕನಾಗಿ ನಟಿಸಿದ್ದಾರೆ. ಈ ಮಾಸ್ ಜೋಡಿ ಒಂದಾದಾಗಲೇ ಈ ಸಿನಿಮಾ ಬಾಕ್ಸ್ ಆಫೀಸ್ ಚಿಂದಿ ಉಡಾಯಿಸುತ್ತೆ ಅಂತಾ ಗಾಂಧಿನಗರದ ಪಂಡಿತರು ಲೆಕ್ಕ ಹಾಕಿದ್ರು. ಅವರ ಲೆಕ್ಕ ಈಗ ಪಕ್ಕಾ ಆಗಿದ್ದು, ಭರಾಟೆ ಚಿತ್ರ ರಿಲೀಸ್​ಗೂ ಮುನ್ನವೇ ಭರ್ಜರಿ ಸೌಂಡ್​​ ಶುರುಮಾಡಿದೆ. ಮೂಲಗಳ ಪ್ರಕಾರ ಈ ಚಿತ್ರದ ಹಿಂದಿ ಡಬ್ಬಿಂಗ್​ ರೈಟ್ಸ್​ ಬರೋಬ್ಬರಿ 5 ಕೋಟಿಗೆ ಸೇಲ್ ಆಗಿದೆಯಂತೆ.