ಡಾ. ರಾಜ್ಕುಮಾರ್ ಅಪ್ಪಟ ಅಭಿಮಾನಿ ಹಾಗೂ ಸಿನಿಮಾ ವಿತರಕನಾಗಿರುವ ಮುನಿರಾಜ್ ಕಳೆದ 45 ವರ್ಷಗಳಿಂದ ಡಾ. ರಾಜ್ ಕುಮಾರ್ ಕೆಲ ಸಿನಿಮಾಗಳನ್ನ ರಿ ರಿಲೀಸ್ ಮಾಡುತ್ತಿದ್ದಾರೆ. ಇದೀಗ ಭಾಗ್ಯವಂತರು ಸಿನಿಮಾವನ್ನು ರಿ ರಿಲೀಸ್ ಮಾಡಲು ನಿರ್ಧರಿಸಿದ್ದಾರೆ.
ಆಪರೇಷನ್ ಡೈಮಂಡ್ ರಾಕೆಟ್, ರಾಜ ನನ್ನ ರಾಜ, ನಾನೊಬ್ಬ ಕಳ್ಳ ಸಿನಿಮಾಗಳನ್ನ ತೆಗೆದುಕೊಂಡು, ಹೊಸ ತಂತ್ರಜ್ಞಾನದಲ್ಲಿ ಅಂದ್ರೆ ಸಿನಿಮಾಸ್ಕೋಪ್ 7.1 ಮತ್ತು ಡಿಐ ಅಳವಡಿಸಿ ಕಲರ್ ಕರೆಕ್ಷನ್ ಮಾಡಿಸಿ ಮರು ಬಿಡುಗಡೆ ಮಾಡಿ ತೆರೆ ಮೇಲೆ ತರುತ್ತಿದ್ದಾರೆ.
ಆಪರೇಷನ್ ಡೈಮಂಡ್ ರಾಕೆಟ್ ಹಳೆಯ ಸಿನಿಮಾವನ್ನ 13 ಲಕ್ಷ ರೂಪಾಯಿ ಖರ್ಚು ಮಾಡಿ ಡಿಟಿಎಸ್ ಹಾಗೂ ಕಲರ್ ಕರೆಕ್ಷನ್ ಮಾಡಿ ರಿಲೀಸ್ ಮಾಡಿದ್ರು. ಈ ಸಿನಿಮಾ ಕಲೆಕ್ಷನ್ ಮಾಡಿದ್ದು ಬರೋಬ್ಬರಿ ₹80 ಲಕ್ಷಕ್ಕೂ ಹೆಚ್ಚು ಅಂತಾರೆ ಮುನಿರಾಜ್.
ಮುಂದಿನ ದಿನಗಳಲ್ಲಿ ನಿರ್ಮಾಪಕ ಮುನಿರಾಜ್, ಹುಲಿ ಹಾಲಿನ ಮೇವು, ಬಹದ್ದೂರ್ ಗಂಡು, ಪ್ರೇಮದ ಕಾಣಿಕೆ ಸಿನಿಮಾಗಳನ್ನು ತೆರೆ ಮೇಲೆ ತರುತ್ತಿದ್ದಾರಂತೆ.
ಅಣ್ಣಾವ್ರ 'ಭಾಗ್ಯವಂತರು' ಚಿತ್ರವನ್ನ ರಿ ರಿಲೀಸ್ ಮಾಡಲು ಮುಂದಾದ ಮುನಿರಾಜ್..
