ಬಾಲಿವುಡ್ ಲೆಜೆಂಡ್‌ಗಳು ಅಂದ್ರೆ ನಮಗೆ ನೆನಪಾಗೋದು ಬಿಗ್ ಬಿ ಅಮಿತಾಬ್ ಬಚ್ಚನ್. ಇಳಿ ವಯಸ್ಸಿನಲ್ಲೂ ಯುವಕರು ನಾಚುವಂತೆ ಅವರು ತಮ್ಮ ಕೆಲಸದಲ್ಲಿ ತೋರುವ ಅದಮ್ಯ ಉತ್ಸಾಹ, ಆಸಕ್ತಿ ನಿಜಕ್ಕೂ ಬೆರಗು ಹುಟ್ಟಿಸುವಂಥದ್ದು. ಅದಿರಲಿ, ಕಾಲೇಜು ದಿನಗಳಲ್ಲಿ ಅವರ ಸೈಕಲ್ ಪಯಣವನ್ನು ವೀಕ್ಷಕರು, ಅಭಿಮಾನಿಗಳ ಮುಂದೆ ತೆರೆದಿಟ್ಟಿದ್ದಾರೆ.
ಖಂಡಿತ ಇದು ನಂಬಲೇ ಬೇಕಾದ ವಿಚಾರವೇ. ಯಾಕಂದ್ರೆ, ಅಮಿತಾಬ್ ಬಚ್ಚನ್ ತಮ್ಮ ಕಾಲೇಜು ದಿನಗಳಲ್ಲಿ ದೆಹಲಿಯಿಂದ ಛತ್ತೀಸ್ಘಡಕ್ಕೆ ಸೈಕಲ್ನಲ್ಲಿಯೇ ಪ್ರಯಾಣ ಮಾಡ್ತಿದ್ದರಂತೆ. ಅಮಿತಾಬ್ ಕೆಲಕಾಲ ಛತ್ತೀಸ್ಘಡದ ಸರ್ಕಾರಿ ಕಾಲೇಜೊಂದರಲ್ಲಿ ವಿದ್ಯಾಭ್ಯಾಸ ಮಾಡಿದ್ರಂತೆ. ಆ ಸಮಯದಲ್ಲಿ ಇವರಿಗೆ ದೆಹಲಿ ಕಾಲೇಜಿನಲ್ಲಿ ಸೀಟು ಸಿಗದ ಕಾರಣ ಛತ್ತೀಸ್ಘಡಕ್ಕೆ ತೆರಳುವ ಅನಿವಾರ್ಯ ಬಂದಿದೆ. ಆ ಸಂದರ್ಭದಲ್ಲಿ ಗೆಳೆಯರ ಜೊತೆ ಸೈಕಲ್ನಲ್ಲಿಯೇ ತೆರಳಿದ್ದರಂತೆ.
'ಕೌನ್ ಬನೇಗಾ ಕರೋಡ್ ಪತಿ' ಕಾರ್ಯಕ್ರಮದ 11 ನೇ ಆವೃತ್ತಿಯಲ್ಲಿ ಮಾತನಾಡುತ್ತ, ತಮ್ಮ ಕಾಲೇಜು ಹಾಗೂ ಬಾಲ್ಯ ಜೀವನವನ್ನು ಬಚ್ಚನ್ ಮೆಲುಕು ಹಾಕಿದ್ರು.
