ರಾಜಮೌಳಿ ಸಾರಥ್ಯದ ಆರ್ಆರ್ಆರ್ ಸಿನಿಮಾದ ಶೂಟಿಂಗ್ ಭರದಿಂದ ಸಾಗುತಿದೆ. ನಿನ್ನೆಯಷ್ಟೇ ಬಾಲಿವುಡ್ ಬೆಡಗಿ ಆಲಿಯಾ ಭಟ್ ಚಿತ್ರತಂಡವನ್ನು ಸೇರಿಕೊಂಡಿದ್ದು, ಈ ಬಗ್ಗೆ ನಿರ್ದೇಶಕ ರಾಜಮೌಳಿ, ಆಲಿಯಾ ಜೊತೆ ಇರುವ ಫೋಟೋ ಹಂಚಿಕೊಂಡಿದ್ದು, ಇದೀಗ ಎಲ್ಲಡೆ ವೈರಲ್ ಆಗುತ್ತಿದೆ. ಇದರ ಬೆನ್ನಲ್ಲೇ ಆಶ್ಚರ್ಯಕರ ಸುದ್ದಿಯೊಂದು ಹೊರ ಬಿದ್ದಿದೆ.
ಇದನ್ನೂ ಓದಿ : ಹೈದರಾಬಾದ್ಗೆ ಆಲಿಯಾ ಆಗಮನ: "ಸೀತೆ"ಗೆ ಸ್ವಾಗತ ಕೋರಿದ ಆರ್ಆರ್ಆರ್ ಚಿತ್ರತಂಡ
ಈಗಾಗಲೇ ನಟಿ ಆಲಿಯಾ ಭಟ್ ಆರ್ಆರ್ಆರ್ ಚಿತ್ರೀಕರಣದಲ್ಲಿ ಪಾಲ್ಗೊಳ್ಳಲು ಹೈದ್ರಾಬಾದ್‌ಗೆ ತಲುಪಿದ್ದಾರೆ. ಇವರ ಜೊತೆ ಹತ್ತು ಜನ ಸಹಾಯಕರು ಬಂದಿದ್ದಾರೆ. ಈ ಸಹಾಯಕರಿಗೆ ಒಂದು ದಿನಕ್ಕೆ ಚಿತ್ರ ತಂಡ ಬರೋಬ್ಬರಿ ಒಂದು ಲಕ್ಷ ಹಣವನ್ನು ಖರ್ಚು ಮಾಡುತ್ತಿದೆಯಂತೆ.
ಆಶ್ಚರ್ಯ ಆದ್ರೂ ಈ ಸುದ್ದಿ ನಿಜ. ಈಗ ನಟಿ ಆಲಿಯಾ ಜೊತೆ 4 ಜನ ಬೌನ್ಸರ್ಸ್, ಓರ್ವ ಹೇರ್ ಸ್ಟೈಲಿಸ್ಟ್, ಕಾಸ್ಟ್ಯೂಮ್ ಅಸಿಸ್ಟಂಟ್, ಮ್ಯಾನೇಜರ್, ಪರ್ಸನಲ್ ಡ್ರೈವರ್ ಹಾಗೂ ಆಲಿಯಾಳ ಆಹಾರ, ವಸತಿ ಖರ್ಚು, ಸಂಭಾವನೆ ನೋಡಿಕೊಳ್ಳಲು ಇನ್ನೊಬ್ಬ ಹೈದರಾಬಾದ್ಗೆ ಬಂದಿಳಿದಿದ್ದಾರೆ.
ಆಲಿಯಾ ಜೊತೆ ಬಂದಿರುವ ಸಹಾಯಕರಿಗೆ ಒಂದು ದಿನದ ಖರ್ಚು ಒಂದು ಲಕ್ಷ ಬರುತ್ತಿದೆಯಂತೆ. ಈ ಎಲ್ಲಾ ಸಹಾಯಕರು ಇದೀಗ ಹೈದ್ರಾಬಾದ್ನ ಸ್ಟಾರ್ ಹೋಟೆಲ್ನಲ್ಲಿದ್ದು, ಆಲಿಯಾಳ ಆಗು-ಹೋಗುಗಳನ್ನು ನೋಡಿಕೊಳ್ಳುತ್ತಿದ್ದಾರೆ.
ಆಲಿಯಾ ಭಟ್ ಆರ್ಆರ್ಆರ್ ಸಿನಿಮಾದಲ್ಲಿ ಸೀತಾ ಪಾತ್ರಕ್ಕೆ ಬಣ್ಣ ಹಚ್ಚುತ್ತಿದ್ದು, ರಾಮ್ ಚರಣ್ ಜೋಡಿಯಾಗಿ ನಟಿಸುತ್ತಿದ್ದಾರೆ.
