ಮುಂಬೈ : ಬಾಲಿವುಡ್ ನಟಿ ಆಲಿಯಾ ಭಟ್ ತಾವು ಹೇರ್ ಟ್ರಿಮ್ ಮಾಡಿರುವ ಹೊಸ ಪೋಟೋವೊಂದನ್ನು ತಮ್ಮ ಇನ್ಸ್ಟಾಗ್ರಾಮ್ನಲ್ಲಿ ಹಂಚಿಕೊಂಡಿದ್ದು ಬಹು ಪ್ರತಿಭಾವಂತ ಪ್ರೀತಿಪಾತ್ರರೊಬ್ಬರು ನನಗೆ ಹೇರ್ ಕಟ್ ಮಾಡಲು ನೆರವಾದರು ಎಂದು ಬರೆದುಕೊಂಡಿದ್ದಾರೆ.
- " class="align-text-top noRightClick twitterSection" data="
">
ಸೆಲ್ಫಿ ಫೋಟೋವನ್ನು ಹಂಚಿಕೊಂಡಿರುವ ಆಲಿಯಾ, 'ಮನೆಯಲ್ಲೇ ನನ್ನ ಕೂದಲನ್ನು ಕತ್ತರಿಸಿದ್ದೇನೆ. ಈ ವೇಳೆ ನನಗೆ ಹೇರ್ ಕಟ್ ಮಾಡಲು ಸಹಾಯ ಮಾಡಿದ ಬಹು ಪ್ರತಿಭಾವಂತ ಪ್ರೀತಿಪಾತ್ರರಿಗೆ ನನ್ನ ಧನ್ಯವಾದ' ಎಂದು ಕ್ಯಾಪ್ಷನ್ ನೀಡಿದ್ದಾರೆ. ಆಲಿಯಾ ಅವರ ಈ ಪೋಸ್ಟ್ ನೋಡಿ ನೆಟಿಜನ್ಸ್ 'ನಿಮ್ಮ ಹೇರ್ ಟ್ರಿಮ್ ಮಾಡಿದ್ದು ರಣಬೀರ್ ಕಪೂರ್ ' ಎಂದು ಕಮೆಂಟ್ ಮಾಡಿದ್ದಾರೆ. ಮತ್ತೊಬ್ಬರು ಆ 'ಪ್ರತಿಭಾವಂತ ಪ್ರೀತಿಪಾತ್ರರು ರಣಬೀರ್ ಅವರೇನಾ..?' ಎಂದು ಕಮೆಂಟ್ ಮಾಡಿದ್ದಾರೆ. ಮತ್ತೊಬ್ಬರು ಕಮೆಂಟ್ ಮಾಡಿ, 'ನಿಮ್ಮ ಪ್ರೀತಿಪಾತ್ರರ ಬಗ್ಗೆ ನಾವು ಮತ್ತಷ್ಟು ತಿಳಿದುಕೊಳ್ಳಲು ಬಯಸುತ್ತೇವೆ' ಎಂದಿದ್ದಾರೆ.
ಹೇರ್ ಕಟ್ ಬಗ್ಗೆ ಮಾತ್ರವಲ್ಲದೆ ಫಿಟ್ನೆಸ್ ಬಗ್ಗೆ ಬರೆದುಕೊಂಡಿರುವ ಆಲಿಯಾ, ಈ ಲಾಕ್ಡೌನ್ ದಿನಗಳಲ್ಲಿ ಸರಿಯಾದ ಸಮಯಕ್ಕೆ ತಿಂಡಿ ತಿಂದು, ವರ್ಕೌಟ್ ಮಾಡುತ್ತಾ ಮೊದಲಿಗಿಂತ ಬಹಳ ಸ್ಟ್ರಾಂಗ್ ಹಾಗೂ ಫಿಟ್ ಆಗಿದ್ದಾರಂತೆ. ಆಲಿಯಾ ಕರಿಯರ್ ವಿಚಾರಕ್ಕೆ ಬರುವುದಾದರೆ ರಣಬೀರ್ ಕಪೂರ್ ಜೊತೆ ಅವರು 'ಬ್ರಹ್ಮಾಸ್ತ್ರ' ಚಿತ್ರದಲ್ಲಿ ನಟಿಸುತ್ತಿದ್ದಾರೆ. ಲಾಕ್ಡೌನ್ ನಂತರ ಶೂಟಿಂಗ್ ಮುಂದುವರೆಯಲಿದೆ.
