ಬಾಲಿವುಡ್ ಕ್ಯೂಟ್ ಕಪಲ್ಗಳ ಪೈಕಿ ರಣಬೀರ್ ಕಪೂರ್ ಮತ್ತು ಆಲಿಯಾ ಭಟ್ ಕೂಡ ಇದ್ದಾರೆ. ಸದಾ ಸುದ್ದಿಯಲ್ಲಿರುವ ಇವರ ಮದುವೆ ವಿಷಯ ಇದೀಗ ಮತ್ತೆ ಚರ್ಚೆಯಾಗುತ್ತಿದೆ.
ಹೌದು ಬಿ-ಟೌನ್ನಲ್ಲಿ ಸಖತ್ ಹಲ್ಚಲ್ ಸೃಷ್ಟಿಸಿದ ಜೋಡಿ ರಣಬೀರ್ ಮತ್ತು ಆಲಿಯಾ ಭಟ್. ಇವರು ಕೆಲ ವರ್ಷಗಳಿಂದ ಜೊತೆಯಲ್ಲಿ ಸುತ್ತಾಡುತ್ತ, ಡೇಟಿಂಗ್ ಮಾಡುತ್ತಾ ಕಾಲ ಕಳೆದಿದ್ದಾರೆ. ಇದೀಗ ಒಂದು ಹೆಜ್ಜೆ ಮುಂದೆ ಹೋಗಿರುವ ಈ ಜೋಡಿ ಮದುವೆ ನಿರ್ಧಾರಕ್ಕೆ ಬಂದಿದ್ದಾರೆ.
ರಣಬೀರ್- ಆಲಿಯಾ ಜೋಡಿ ಮುಂಬರುವ ಡಿಸೆಂಬರ್ನಲ್ಲಿ ಹಸೆಮಣೆ ಏರುವ ಸಾಧ್ಯತೆಗಳಿವೆ ಎಂದು ಬಿಟೌನ್ ಮೂಲಗಳು ಮಾಹಿತಿ ನೀಡಿವೆ. ಡಿಸೆಂಬರ್ ತಿಂಗಳಲ್ಲಿ ಆಲಿಯಾ ಮತ್ತು ರಣಬೀರ್ ಜೊತೆಯಾಗಿ ನಟಿಸಿ ಬ್ರಹ್ಮಾಸ್ತ್ರ ಸಿನಿಮಾ ರಿಲೀಸ್ ಆಗುತ್ತಿದೆ. ಈ ಸಿನಿಮಾ ರಿಲೀಸ್ ಬಳಿಕ ನಾವು ಮದುವೆಯಾಗುತ್ತೇವೆ ಎಂದು ಕ್ಯೂಟ್ ಕಪಲ್ ಹೇಳಿಕೊಂಡಿದ್ದಾರಂತೆ. ಆದ್ರೆ ಈ ಬಗ್ಗೆ ರಣಬೀರ್ ಆಗಲೀ, ಆಲಿಯಾ ಆಗಲಿ ಅಧಿಕೃತವಾಗಿ ಮಾಹಿತಿ ಹಂಚಿಕೊಂಡಿಲ್ಲ.
