ಲಾಕ್​ಡೌನ್​ ನಡ್ವೆ ಹೊಸಲುಕ್​ನಲ್ಲಿ ಮಿಂಚಿದ ವಿಜಯ್ ಸೂರ್ಯ: ಇದು ಅಮ್ಮನ ಕೈಚಳಕ

ಹೋಮ್​ ಕ್ವಾರಂಟೈನ್​ನಲ್ಲಿ ಕಾಲ ಕಳೆಯುತ್ತಿರುವ ನಟ ವಿಜಯ್​ ಸೂರ್ಯ ಅವರ ತಲೆಕೂದಲಿಗೆ ತಾಯಿ ಕತ್ತರಿ ಹಾಕಿದ್ದು ಹೊಸ ಲುಕ್ ಕೊಟ್ಟಿದ್ದಾರೆ.

ಕೊರೊನಾ ವೈರಸ್​ ಭೀತಿಯಿಂದ ದೇಶವೇ ಕ್ವಾರಂಟೈನ್​ನಲ್ಲಿದೆ. ಕ್ರೀಡೆ, ಸಿನಿಮಾ ಚಟುವಟಿಕೆಗಳು ಸಂಪೂರ್ಣ ಸ್ಥಗಿತಗೊಂಡಿವೆ.ಈ ಸಮಯದಲ್ಲಿ ಮನೆಯಲ್ಲೇ ಇರುವ ಗುಳಿಕೆನ್ನೆ ಚೆಲುವ ಸಿದ್ದಾರ್ಥ್ ಹೇರ್ ಕಟ್ ಮಾಡಿಸಿಕೊಂಡಿದ್ದಾರೆ. ಅಮ್ಮನ ಕೈಚಳಕದಿಂದಾದ ಹೊಸ ಅವತಾರದ ಫೋಟೋವನ್ನು ಅವರು ಇನ್ ಸ್ಟಾಗ್ರಾಂನಲ್ಲಿ ಶೇರ್ ಮಾಡಿದ್ದಾರೆ.

ಅಮ್ಮನ ಕೈಯಿಂದ ಹೇರ್​ಕಟ್​ ಮಾಡಿಸಿಕೊಳ್ಳುತ್ತಿರುವ ನಟ ವಿಜಯ್ ಸೂರ್ಯ

ನಟನೆಯ ಮೂಲಕ ಕಿರುತೆರೆ ವೀಕ್ಷಕರ ಮನ ಗೆದ್ದಿರುವ ವಿಜಯ್ ಸೂರ್ಯ ಲಾಕ್ ಡೌನ್ ಸಮಯದಲ್ಲಿ ಜೀರೋ ಹೇರ್ ಕಟ್​ ಮೊರೆ ಹೋಗಿದ್ದಾರೆ.

ಮಗನ ಜೊತೆ ವಿಜಯ್ ಸೂರ್ಯ

ವಿಜಯ್ ಸೂರ್ಯ ಕ್ವಾರಂಟೈನ್ ಸಮಯದಲ್ಲಿ ತಮ್ಮ ಎರಡು ತಿಂಗಳ ಮಗ ಸೋಹನ್ ಸೂರ್ಯ ಅವರೊಂದಿಗೆ ಕಾಲ ಕಳೆಯುತ್ತಿದ್ದಾರೆ.