ಕೊಳ್ಳೇಗಾಲ: ಹೆಚ್.ಕೆ.ಟ್ರಸ್ಟ್ ವತಿಯಿಂದ ದಿ. ಕೃಷ್ಣಸ್ವಾಮಿ ಅವರ 17ನೇ ವರ್ಷದ ಪುಣ್ಯಸ್ಮರಣೆಯ ಅಂಗವಾಗಿ ನಡೆಸಲಾಗಿದ್ದ ವಿವಿಧ ಬೃಹತ್ ಆರೋಗ್ಯ ಶಿಬಿರ ಕಾರ್ಯಕ್ರಮಕ್ಕೆ ಆಗಮಿಸಿದ ಚಿತ್ರ ನಟ ದುನಿಯಾ ವಿಜಯ್ ಅವರನ್ನು ನೋಡಲು ಅಭಿಮಾನಿಗಳು ಹಾಗೂ ವಿದ್ಯಾರ್ಥಿಗಳು ಮುಗಿಬಿದ್ದರು.
ಕೊಳ್ಳೇಗಾಲಕ್ಕೆ ದುನಿಯಾ ವಿಜಯ್ ಭೇಟಿ
ಸಾಮಾಜಿಕ ಅಂತರ ಮರೆತ ಅಭಿಮಾನಿಗಳು ನಟನಿಗೆ ಜೈಕಾರ ಹಾಕುತ್ತಾ ಅವರೊಡನೆ ಸೆಲ್ಫಿ ಕ್ಲಿಕ್ಕಿಸಿಕೊಂಡರು. ಪರಿಸ್ಥಿತಿ ನಿಭಾಯಿಸಲು ಪೊಲೀಸರು ಹರಸಾಹಸ ಪಡಬೇಕಾಯಿತು.
ಸ್ವತಃ ನಟ ವಿಜಯ್ ಅವರು ವಿದ್ಯಾರ್ಥಿಗಳು ಹಾಗೂ ಅಭಿಮಾನಿಗಳಿಗೆ ಕಾರ್ಯಕ್ರಮ ನಡೆಯುವುದಕ್ಕೆ ಸ್ವಲ್ಪ ಅವಕಾಶ ಕೊಡಿ ನಂತರ ನಿಮ್ಮೊಂದಿಗೆ ಮಾತನಾಡುತ್ತೇನೆ ಎಂದರೂ ಕೇಳದ ಫ್ಯಾನ್ಸ್‌ 'ಸಲಗ ಸಲಗ..' ಎಂದು ಕೂಗುತ್ತಿದ್ದರು. ಬಳಿಕ ಬೃಹತ್ ಆರೋಗ್ಯ ಶಿಬಿರ ಕಾರ್ಯಕ್ರಮವನ್ನು ವಿಜಯ್ ಉದ್ಘಾಟಿಸಿದರು.
