ಬೆಂಗಳೂರು: ಕೊರೊನಾ ವೈರಸ್ ಭೀತಿಯಿಂದಾಗಿ ಕಳೆದ ಹತ್ತು ದಿನಗಳಿಂದ, ಇಡೀ ಚಿತ್ರರಂಗವೇ ಬಂದ್ ಆಗಿದೆ. ಚಿತ್ರ ಮಂದಿರಗಳು, ಶೂಟಿಂಗ್, ಪೋಸ್ಟ್ ಪ್ರೋಡಕ್ಷನ್ ಸೇರಿದಂತೆ, ಎಲ್ಲಾ ಕೆಲಸಕ್ಕೆ ಬ್ರೇಕ್ ಹಾಕಿ ಸಿನಿಮಾ ಮಂದಿ ಮನೆ ಸೇರಿದ್ದಾರೆ.
ಸದಾ ಶೂಟಿಂಗ್ ನಲ್ಲಿ ಬ್ಯುಸಿಯಾಗಿರ್ತಿದ್ದ ಸ್ಯಾಂಡಲ್ವುಡ್ ಸ್ಟಾರ್ಗಳು, ಎಲ್ಲೂ ಹೊರ ಬರದೇ ಮನೆ ಸೇರಿದ್ದು, ಟೈಂ ಪಾಸ್ ಮಾಡಲು ಫ್ಯಾಮಿಲಿ ಜೊತೆ ಕಾಲ ಕಳೆಯುತಿದ್ದಾರೆ. ಇನ್ನು ಆ್ಯಕ್ಷನ್ ಪ್ರಿನ್ಸ್ ಧ್ರುವ ಸರ್ಜಾ ಅವರು ಸಿನಿಮಾ ಕೆಲಸ ಇಲ್ಲದೇ ಮನೆ ಸೇರಿದ್ದು, ಫ್ಯಾಮಿಲಿ ಜೊತೆ ಚೌಕಾಬಾರ ಆಡುತ್ತಾ ಕಾಲ ಕಳೆಯುತ್ತಿದ್ದಾರೆ.
ಚೌಕಾಬಾರ ಆಡಿದ ಸರ್ಜಾ ಬ್ರದರ್ಸ್
ಅಣ್ಣ ನಟ ಚಿರಂಜೀವಿ ಸರ್ಜಾ, ಅತ್ತಿಗೆ ಮೇಘನಾರಾಜ್, ಮಡದಿ ಪ್ರೇರಣಾ, ಅಜ್ಜಿ ಹಾಗೂ ಅಪ್ಪನ ಜೊತೆ ಮನೆಯಲ್ಲಿ ಚೌಕಾಬಾರ ಆಡಿ ಟೈಂಪಾಸ್ ಮಾಡ್ತಿದ್ದಾರೆ. ಈ ವಿಡಿಯೋ ಸೋಷಿಯಲ್ ಮೀಡಿಯಾದಲ್ಲಿ ಸಖತ್ ವೈರಲ್ ಆಗಿದೆ.
