ಸರ್ಕಾರ ಲಾಕ್ಡೌನ್ ಸಡಿಲಿಕೆ ಮಾಡುತ್ತಿದ್ದಂತೆ ಬಾಲಿವುಡ್ ನಟ-ನಟಿಯರು ಬಾಕಿ ಉಳಿದಿರುವ ಚಿತ್ರೀಕರಣದಲ್ಲಿ ಪಾಲ್ಗೊಳ್ಳಲು ಬಹಳ ದಿನಗಳ ನಂತರ ಮತ್ತೆ ಮನೆಯಿಂದ ಹೊರ ಬಂದಿದ್ದಾರೆ.
ಬಾಲಿವುಡ್ ನಟಿ ವಿದ್ಯಾಬಾಲನ್ ಕೂಡಾ ಶೂಟಿಂಗ್ಗೆ ಹಾಜರಾಗಿದ್ದು ಶೂಟಿಂಗ್ ಸೆಟ್ನಲ್ಲಿ ಇರುವ ಪೋಟೋವೊಂದನ್ನು ತಮ್ಮ ಸೋಷಿಯಲ್ ಮೀಡಿಯಾದಲ್ಲಿ ಹಂಚಿಕೊಂಡಿದ್ದಾರೆ. ಇನ್ಸ್ಟಾಗ್ರಾಮ್ ಸ್ಟೇಟಸ್ನಲ್ಲಿ ಈ ಬಗ್ಗೆ ಹೇಳಿಕೊಂಡಿರುವ ವಿದ್ಯಾ ಬಾಲನ್, ಮೇಕಪ್ ಮುಗಿಸಿ ತಮ್ಮ ಚಿತ್ರತಂಡದ ಜೊತೆ ಇರುವ ಪೋಟೋವನ್ನು ಷೇರ್ ಮಾಡಿಕೊಂಡು ಬ್ಯಾಕ್ ಟು ವರ್ಕ್ ಎಂದು ಕ್ಯಾಪ್ಷನ್ ನೀಡಿದ್ದಾರೆ.
ಅಲ್ಲದೆ ನಿರ್ಮಾಪಕರಾದ ಶಾಂತಿ ಶಿವರಾಮ್ ಮಗಳ ಮುದ್ದಾದ ವಿಡಿಯೋ ಕ್ಲಿಪ್ಪಿಂಗ್ ಒಂದನ್ನು ಹಂಚಿಕೊಂಡಿದ್ದಾರೆ. ಇದರಲ್ಲಿ ವಿದ್ಯಾ ಬಾಲನ್ ಆ ಮಗು ಜೊತೆ ತಮಿಳಿನಲ್ಲಿ ಮಾತನಾಡಿದ್ದಾರೆ. ಕೆಲವು ದಿನಗಳ ಹಿಂದಿ ತಾಪ್ಸಿ ಪನ್ನು ಕೂಡಾ ತಾವು ಕ್ಯಾರವಾನ್ನಲ್ಲಿದ್ದ ಪೋಟೋವೊಂದನ್ನು ಹಂಚಿಕೊಂಡು ಮತ್ತೆ ಶೂಟಿಂಗ್ಗೆ ಹಾಜರಾಗಿರುವುದಾಗಿ ಹೇಳಿಕೊಂಡಿದ್ದರು.
ಇನ್ನು ವಿದ್ಯಾಬಾಲನ್ ಕರಿಯರ್ ವಿಚಾರಕ್ಕೆ ಬರುವುದಾದರೆ ಅನು ಮೆನನ್ ಅವರ 'ಶಕುಂತಲಾ ದೇವಿ' ಬಯೋಪಿಕ್ ಹಾಗೂ 'ಶೆರ್ನಿ' ಸಿನಿಮಾದಲ್ಲಿ ನಟಿಸಲಿದ್ದಾರೆ.
