How's the josh ಎಂದು ಬಾಲಿವುಡ್ಲ್ಲಿ ಅಬ್ಬರಿಸಿದ್ದ ನಟ ವಿಕ್ಕಿ ಕೌಶಾಲ್ ಭಾರತೀಯ ಸೈನಿಕರ ಜತೆಗಿನ ನಂಟು ಗಟ್ಟಿಗೊಳಿಸಿದ್ದಾರೆ. ಕಳೆದ ವರ್ಷ ತೆರೆಕಂಡಿದ್ದ ಉರಿ ಚಿತ್ರದ ಮೂಲಕ ವೀರ ಯೋಧರ ತಾಕತ್ತು ಸಾರಿ ಹೇಳಿದ್ದ ಈ ನಟ, ಸದ್ಯ ಸೈನಿಕರ ಸೇವೆ ಮಾಡಿದ್ದಾರೆ. ಭಾರತೀಯ ಯೋಧರಿಗೆ ರೊಟ್ಟಿ ತಯಾರಿಸಿ ಉಣಬಡಿಸಿದ್ದಾರೆ.
- " class="align-text-top noRightClick twitterSection" data="
">
ವಿಕ್ಕಿ, ನಿನ್ನೆಯಷ್ಟೆ ಅರುಣಾಚಲ ಪ್ರದೇಶದ ಇಂಡೋ-ಚೀನಾ ಗಡಿ ಪ್ರದೇಶ ತವಾಂಗ್ನ ಸೇನಾ ಕ್ಯಾಂಪ್ಗೆ ಭೇಟಿ ನೀಡಿದ್ದರು. ಕೆಲ ಹೊತ್ತು ಅಲ್ಲಿಯ ಸೈನಿಕರ ಜತೆ ಕಾಲ ಕಳೆದಿದ್ದಾರೆ. ಈ ವೆಳೆ ಯೋಧರ ಊಟಕ್ಕೆ ತಾವೇ ರೊಟ್ಟಿ ತಯಾರಿಸಿದ್ದಾರೆ. ಈ ಕ್ಷಣಗಳನ್ನು ತಮ್ಮ ಇನ್ಸ್ಟಾಗ್ರಾಂನಲ್ಲಿ ಹಂಚಿಕೊಂಡಿರುವ ಅವರು, ಇದೇ ಮೊದಲ ಬಾರಿಗೆ ರೊಟ್ಟಿ ಮಾಡಿದೆ, ಅದು ನಮ್ಮ ಸೈನಿಕರಿಗೆ ಅನ್ನೋದು ಹೆಮ್ಮೆ ತರಿಸಿದೆ ಎಂದು ಬರೆದುಕೊಂಡಿದ್ದಾರೆ.
ಇನ್ನು 'ಉರಿ-ದಿ ಸರ್ಜಿಕಲ್ ಸ್ಟ್ರೈಕ್' ಸಿನಿಮಾ ಮೂಲಕ ಭಾರತೀಯ ಸಿನಿ ಪ್ರೇಮಿಗಳ ಮನಸ್ಸು ಕದ್ದ ವಿಕ್ಕಿ ಕೌಶಾಲ್, ಈಗ ಮತ್ತೊಂದು ಭಾರತೀಯ ಸೇನೆ ಕಥಾಹಂದರದ ಮತ್ತೊಂದು ಸಿನಿಮಾ ಒಪ್ಪಿಕೊಂಡಿದ್ದಾರೆ.
