ನವದೆಹಲಿ: ಭಾರತದಲ್ಲಿ ಚಿಲ್ಲರೆ ಡಿಜಿಟಲ್ ಪಾವತಿಗಳು 2012-13ರ ಆರ್ಥಿಕ ವರ್ಷದಲ್ಲಿ ಇದ್ದ 162 ಕೋಟಿ ವಹಿವಾಟುಗಳಿಂದ 2023-24ರ ಆರ್ಥಿಕ ವರ್ಷದಲ್ಲಿ 16,416 ಕೋಟಿ ವಹಿವಾಟುಗಳಿಗೆ ಏರಿಕೆಯಾಗಿವೆ ಎಂದು ಆರ್ಬಿಐನ ಹೊಸ ವರದಿ ಬಹಿರಂಗಪಡಿಸಿದೆ. ಇದು 12 ವರ್ಷಗಳಲ್ಲಿ ಸರಿಸುಮಾರು 100 ಪಟ್ಟು ಹೆಚ್ಚಳವಾಗಿದೆ.
ಪಾವತಿ ಮೂಲಸೌಕರ್ಯದಲ್ಲಿ ಭಾರಿ ಬದಲಾವಣೆ: ಆರ್ಬಿಐ ಪ್ರಕಟಿಸಿದ ಡಿಜಿಟಲ್ ಪಾವತಿ ಸೂಚ್ಯಂಕದಲ್ಲಿ ಪಾವತಿ ಮೂಲಸೌಕರ್ಯ ಮತ್ತು ಪಾವತಿ ಕಾರ್ಯಕ್ಷಮತೆಯು ಗಮನಾರ್ಹವಾಗಿ ಬೆಳವಣಿಗೆಯಾಗಿರುವುದು ಸ್ಪಷ್ಟವಾಗಿದೆ. ಇದು ಕಳೆದ ಆರು ವರ್ಷಗಳಲ್ಲಿ ನಾಲ್ಕು ಪಟ್ಟು ಹೆಚ್ಚಾಗಿದೆ (ಮಾರ್ಚ್ 2024 ಕ್ಕೆ 445.50, ಮಾರ್ಚ್ 2018 ರ ವೇಳೆಗೆ ಮೂಲ 100) ಎಂದು ಕೇಂದ್ರ ಬ್ಯಾಂಕಿನ 'ಪಾವತಿ ವ್ಯವಸ್ಥೆಗಳ ವರದಿ' ತಿಳಿಸಿದೆ. ಕಳೆದ ದಶಕದಲ್ಲಿ ಭಾರತದಲ್ಲಿ ಒಟ್ಟಾರೆ ಡಿಜಿಟಲ್ ಪಾವತಿಗಳು ಎಷ್ಟೋ ಪಟ್ಟು ಹೆಚ್ಚಳವಾಗಿವೆ.
ಕ್ಯಾಲೆಂಡರ್ ವರ್ಷ 2013 ರಲ್ಲಿ 772 ಲಕ್ಷ ಕೋಟಿ ರೂ.ಗಳ ಮೌಲ್ಯದ 222 ಕೋಟಿ ಡಿಜಿಟಲ್ ವಹಿವಾಟುಗಳು ನಡೆದಿದ್ದರೆ, ಇದು 2024ರಲ್ಲಿ ಪರಿಮಾಣದಲ್ಲಿ 94 ಪಟ್ಟು ಏರಿಕೆಯಾಗಿ 2,758 ಲಕ್ಷ ಕೋಟಿ ರೂ.ಗಳ ಮೌಲ್ಯದ 20,787 ಕೋಟಿ ವಹಿವಾಟುಗಳಿಗೆ 3.5 ಪಟ್ಟು ಹೆಚ್ಚಾಗಿದೆ ಎಂದು ವರದಿ ಒತ್ತಿಹೇಳಿದೆ.
ಕಳೆದ ಐದು ವರ್ಷಗಳಲ್ಲಿ ಭಾರತದಲ್ಲಿ ಡಿಜಿಟಲ್ ಪಾವತಿಗಳ ಪ್ರಮಾಣವು 6.7 ಪಟ್ಟು ಮತ್ತು ಮೌಲ್ಯದಲ್ಲಿ 1.6 ಪಟ್ಟು ಹೆಚ್ಚಾಗಿದೆ. ಇದು ಐದು ವರ್ಷಗಳ ಸಿಎಜಿಆರ್ ಡಿಜಿಟಲ್ ಪಾವತಿ ಪ್ರಮಾಣಕ್ಕೆ ಸಂಬಂಧಿಸಿದಂತೆ ಶೇಕಡಾ 45.9 ಮತ್ತು ಡಿಜಿಟಲ್ ಪಾವತಿ ಮೌಲ್ಯದ ದೃಷ್ಟಿಯಿಂದ ಶೇಕಡಾ 10.2 ರಷ್ಟಿದೆ.
ಭಾರತೀಯ ಗ್ರಾಹಕರ ಪ್ರತಿ ಅಗತ್ಯ ಪೂರೈಸುವಲ್ಲಿ ಸಫಲ: ಸಾಂಪ್ರದಾಯಿಕ ಕಾರ್ಡ್ ಆಧಾರಿತ ಡಿಜಿಟಲ್ ಪಾವತಿಗಳನ್ನು ಒಳಗೊಂಡಿರುದ್ದ ಪಾವತಿ ಪರಿಸರ ವ್ಯವಸ್ಥೆಯಿಂದ, ಡಿಜಿಟಲ್ ಪೇಮೆಂಟ್ ವ್ಯವಸ್ಥೆಯು ಭಾರತೀಯ ಗ್ರಾಹಕರ ಪ್ರತಿಯೊಂದು ಅಗತ್ಯವನ್ನು ಪೂರೈಸುವ ಡಿಜಿಟಲ್ ಪಾವತಿ ಆಯ್ಕೆಗಳ ಗುಚ್ಛವನ್ನು ನೀಡುವ ಪರಿಸರ ವ್ಯವಸ್ಥೆಯಾಗಿ ರೂಪಾಂತರಗೊಂಡಿದೆ.
ತ್ವರಿತ ಪಾವತಿ ವ್ಯವಸ್ಥೆಗಳು (ಯುಪಿಐ, ಐಎಂಪಿಎಸ್), ಸಣ್ಣ ಮೌಲ್ಯ ಪಾವತಿ ವ್ಯವಸ್ಥೆಗಳು (ಪಿಪಿಐ, ಯುಪಿಐ ಲೈಟ್), ದೊಡ್ಡ ಮೌಲ್ಯದ ಪಾವತಿ (ಆರ್ಟಿಜಿಎಸ್), ಬಿಲ್ ಪಾವತಿ (ಬಿಬಿಪಿಎಸ್), ಬೃಹತ್ ಪಾವತಿ (ಎನ್ಎಸಿಎಚ್), ಆಫ್ ಲೈನ್ ಪಾವತಿ (ಯುಪಿಐ ಲೈಟ್ ಎಕ್ಸ್), ಸರ್ಕಾರಿ ಪಾವತಿಗಳು (ಎನ್ಎಸಿಎಚ್, ಎಪಿಬಿಎಸ್), ಟೋಲ್ ಪಾವತಿಗಳು (ಎನ್ಇಟಿಸಿ) ಮತ್ತು ಇನ್ನೂ ಅನೇಕ ರೀತಿಯ ಡಿಜಿಟಲ್ ಪಾವತಿ ವ್ಯವಸ್ಥೆಗಳು ಭಾರತದಲ್ಲಿ ಜಾರಿಯಲ್ಲಿವೆ.
ಇದನ್ನೂ ಓದಿ : ಫೆ.28ಕ್ಕೆ ಸೆಬಿ ಅಧ್ಯಕ್ಷೆ ಮಾಧಬಿ ಅಧಿಕಾರಾವಧಿ ಅಂತ್ಯ: ಹೊಸ ಅಧ್ಯಕ್ಷರ ನೇಮಕಾತಿ ಪ್ರಕ್ರಿಯೆ ಆರಂಭ - SEBI CHIEF
