ಮುಂಬೈ: ಬಾಲಿವುಡ್ ನಟಿ ತಾಪ್ಸಿ ಪನ್ನು ಅವರ ಬಹು ನಿರೀಕ್ಷಿತ ಚಿತ್ರ ಹಸೀನ್ ದಿಲ್‌ರುಬಾ ಸಿನಿಮಾದ ಟೀಸರ್ ಔಟ್ ಆಗಿದೆ.
ಇನ್ಸ್ಟಾಗ್ರಾಮ್ನಲ್ಲಿ ಟೀಸರ್ ಅನ್ನು ಹಂಚಿಕೊಂಡ ನೆಟ್ಫ್ಲಿಕ್ಸ್ ಇಂಡಿಯಾ,"ಪ್ಯಾರ್ ಕೆ ತೀನ್ ರಂಗ್, ಖೂನ್ ಕೆ ಚೀತೋ ಕೆ ಸಂಗ್ # ಹಸೀನ್ ದಿಲ್‌ರುಬಾ #TheUltimateKaunspiracy." ಎಂದು ಬರೆದಿದೆ.
ಈ ಚಿತ್ರವು ಶೀಘ್ರದಲ್ಲೇ ನೆಟ್‌ಫ್ಲಿಕ್ಸ್‌ನಲ್ಲಿ ಬಿಡುಗಡೆ ಆಗಲಿದೆ. ವಿಕ್ರಾಂತ್ ಮ್ಯಾಸಿ ಮತ್ತು ಹರ್ಷವರ್ಧನ್ ರಾಣೆ ನಟಿಸಿರುವ ಈ ಚಿತ್ರವು ಜುಲೈ 2 ರಿಂದ ಸ್ಟ್ರೀಮರ್‌ನಲ್ಲಿ ವೀಕ್ಷಿಸಲು ಲಭ್ಯವಿರುತ್ತದೆ.
ನಿರ್ಮಾಪಕ ಆನಂದ್ ಎಲ್ ರೈ ಅವರು ಎರೋಸ್ ಇಂಟರ್ನ್ಯಾಷನಲ್ ಮತ್ತು ಹಿಮಾಂಶು ಶರ್ಮಾ ಅವರ ಸಹಯೋಗದೊಂದಿಗೆ ಕಲರ್ ಯೆಲ್ಲೋ ಪ್ರೊಡಕ್ಷನ್ ಎಂಬ ಬ್ಯಾನರ್ ಮೂಲಕ ಈ ಚಿತ್ರ ನಿರ್ಮಾಣ ಮಾಡ್ತಿದ್ದಾರೆ. ಕಳೆದ ಸೆಪ್ಟೆಂಬರ್ 18 ರಂದು ಬಿಡುಗಡೆಯಾಗಬೇಕಿದ್ದ ಈ ಚಿತ್ರದ ಹಾಡುಗಳನ್ನು ಕೋವಿಡ್ ಕಾರಣಕ್ಕೆ ಮುಂದೂಡಲಾಗಿತ್ತು.
ಈ ಚಿತ್ರದಲ್ಲಿ ತಾಪ್ಸಿ ಜೊತೆಗೆ ವಿಕ್ಕಿ ಕೌಶಲ್ ಮತ್ತು ಅಭಿಷೇಕ್ ಬಚ್ಚನ್ ನಟಿಸಿದ್ದಾರೆ. ಹಸೀನ್ ದಿಲ್‌ರುಬಾ ಜೊತೆಗೆ ತಾಪ್ಸಿ ಭಾರತದ ಕ್ರಿಕೆಟ್ ಆಟಗಾರ್ತಿ ಮಿಥಾಲಿ ರಾಜ್ ಬಯೋಪಿಕ್ ನಲ್ಲಿಯೂ ಬಣ್ಣ ಹಚ್ಚಿದ್ದಾರೆ.
