ಹೈದರಾಬಾದ್(ತೆಲಂಗಾಣ) : ದೀಪಿಕಾ ಪಡುಕೋಣೆ, ಸಿದ್ಧಾಂತ್ ಚತುರ್ವೇದಿ, ಅನನ್ಯ ಪಾಂಡೆ ಮತ್ತು ಧೈರ್ಯ ಕರ್ವಾ ನಟಿಸಿರುವ ಬಹು ನಿರೀಕ್ಷಿತ 'ಗೆಹ್ರೈಯಾನ್‌' ಚಿತ್ರದ ಆಲ್ಬಂ ಹಾಡೊಂದು ಬಿಡುಗಡೆಯಾಗಿದೆ. ಟೀಸರ್ ಮತ್ತು ಟ್ರೈಲರ್ನಿಂದಲೇ ಗಮನ ಸೆಳೆದಿರುವ ಚಿತ್ರ ಇದೀಗ ವಿಡಿಯೋ ಹಾಡು ಬಿಡುಗಡೆ ಮಾಡುವ ಮೂಲಕ ಅಭಿಮಾನಿಗಳ ಕುತೂಹಲ ಹೆಚ್ಚಿಸಿದೆ.
ದೀಪಿಕಾ-ಸಿದ್ಧಾಂತ್ ಅವರ ರೊಮ್ಯಾಂಟಿಕ್ ಟ್ರ್ಯಾಕ್ನಿಂದ ಆರಂಭವಾಗುವ ಹಾಡು ಯುಟ್ಯೂಬ್ನಲ್ಲಿ ಭಾರಿ ಸದ್ದು ಮಾಡುತ್ತಿದೆ. ಲಿಪ್‌ಲಾಕ್ ಹಾಗೂ ಹಸಿ-ಬಿಸಿ ಸೀನ್ಗಳಿಂದಲೇ ಕೂಡಿರುವ ಹಾಡು ನೋಡುಗರ ತವಕ ಹೆಚ್ಚಿಸದೇ ಇರದು. ಈ ಹಾಡು ರಸಿಕತೆಗೆ ಉತ್ತೇಜನ ನೀಡುವ ಮತ್ತು ಯುವ ಸಮುದಾಯವನ್ನು ಟಾರ್ಗೆಟ್ ಮಾಡಿಕೊಂಡೇ ಬಿಡುಗಡೆ ಮಾಡಲಾಗಿದೆಯಂತೆ.
ಇದನ್ನೂ ಓದಿ: ಆ ಒಂದು ಸನ್ನಿವೇಶಕ್ಕೆ ಬರೋಬ್ಬರಿ 48 ರಿಟೇಕ್ ಪಡೆದರಂತೆ ದೀಪಿಕಾ!
ಯಾವಾಗಲೂ ಒಬ್ಬರಿಗೊಬ್ಬರು ಅಂಟಿಕೊಂಡೇ ಇರುವ ದೀಪಿಕಾ ಮತ್ತು ಸಿದ್ಧಾಂತ್ ನಡುವಿನ ದೃಶ್ಯ ಜಾಲತಾಣದಲ್ಲಿ ಈಗಾಗಲೇ ಜಾಗ ಪಡೆದಿವೆ. ಇದೀಗ ಈ ಹಾಡು ಸಹ ಅದೇ ಮಾರ್ಗ ಅನುಸರಿಸಿದೆ. ಕೇವಲ ಎರಡು ನಿಮಿಷಗಳಿರುವ ಈ ವಿಡಿಯೋದಲ್ಲಿ ಅವರ ನಡುವಿನ ಅಗಾಧ ಸಂಬಂಧದ ಬಗ್ಗೆ ಹೇಳುತ್ತದೆ.
- " class="align-text-top noRightClick twitterSection" data="">
ಕೌಸರ್ ಮುನೀರ್ ಎಂಬುವರು ಬರೆದಿರುವ ಈ ಹಾಡಿಗೆ ಲೋತಿಕಾ ಕಂಠ ದಾನ ನೀಡಿದ್ದಾರೆ. ಸವೇರಾ ನಿರ್ಮಿಸಿ ಸಂಯೋಜಿಸಿದ್ದಾರೆ. ಎಂಗೇಜ್‌ಮೆಂಟ್ ಮಾಡಿಕೊಂಡ ಯುವಕ, ಮದುವೆಯಾದ ಪರಸ್ತ್ರೀ ಜೊತೆ ಸಂಬಂಧ ಬೆಳೆಸುವ ಕಥೆ ಈ ಸಿನಿಮಾದಲ್ಲಿದೆ ಎನ್ನಲಾಗುತ್ತಿದೆ. ಅದನ್ನೇ ಈ ಹಾಡಿನ ಮೂಲಕ ಹೆಣೆಯಲಾಗಿದೆ.
ಆನಂದ್ ಎಲ್. ರಾಯ್ ನಿರ್ದೇಶನದ ಈ ಚಿತ್ರವನ್ನು ಕರಣ್ ಜೋಹರ್ ಅವರ ಧರ್ಮ ಪ್ರೊಡಕ್ಷನ್ಸ್ ಮತ್ತು ವಯಾಕಾಮ್ 18 ಸ್ಟುಡಿಯೋಸ್ ಮತ್ತು ಶಕುನ್ ಬಾತ್ರಾ ಅವರ ಜೌಸ್ಕಾ ಫಿಲ್ಮ್ ಸಹಯೋಗದೊಂದಿಗೆ ಜಂಟಿಯಾಗಿ ನಿರ್ಮಿಸಲಾಗಿದೆ. ಈ ಚಿತ್ರವು ಫೆಬ್ರವರಿ 11ರಂದು ಅಮೆಜಾನ್ ಪ್ರೈಮ್‌ನಲ್ಲಿ ತೆರೆ ಕಾಣಲಿದೆ.
ನಿಮ್ಮ ಸೂಕ್ತ ಸಂಗಾತಿ ಹುಡುಕುತ್ತಿರುವಿರಾ? ಕನ್ನಡ ಮ್ಯಾಟ್ರಿಮೋನಿಯಲ್ಲಿ ನೋಂದಣಿ ಉಚಿತ
ಸಿನಿಮಾ ಬಗ್ಗೆ ದೀಪಿಕಾ ಪಡುಕೋಣೆ ಸಖತ್ ನಿರೀಕ್ಷೆ ಇಟ್ಟುಕೊಂಡಿದ್ದು, ಅಭಿಮಾನಿಗಳು ಸಹ ತುದಿಗಾಲಲ್ಲಿ ನಿಂತು ಕಾಯುತ್ತಿದ್ದಾರೆ. ನಾಸಿರುದ್ದೀನ್ ಶಾ ಮತ್ತು ರಜತ್ ಕಪೂರ್ ಪ್ರಮುಖ ಪಾತ್ರಗಳಲ್ಲಿ ನಟಿಸಿದ್ದಾರೆ. ಸಂಬಂಧಗಳ ಸಂಕೀರ್ಣತೆಯ ಬಗ್ಗೆ ಈ ಸಿನಿಮಾ ಬೆಳಕು ಚೆಲ್ಲಲಿದೆ ಎನ್ನಲಾಗುತ್ತಿದೆ.
