ಬಾಲಿವುಡ್ನಿಂದ ಹಾಲಿವುಡ್ಗೆ ಹಾರಿರುವ ರಾಧಿಕಾ 'ದಿ ವೆಡ್ಡಿಂಗ್ ಗೆಸ್ಟ್' ಸಿನಿಮಾದಲ್ಲಿ ಮೇನ್ ರೋಲ್ ಪ್ಲೇ ಮಾಡ್ತಿದ್ದಾರೆ. ಈ ಚಿತ್ರದಲ್ಲಿ ನಾಯಕ ದೇವ್ ಜತೆಗಿರುವ ಕೆಲವು ಹಸಿಬಿಸಿ ಸೀನ್ಗಳು, ಬೋಲ್ಡ್ ಫೋಟೋಗಳು ಲೀಕ್ ಆಗಿದ್ದವು. ಸೋಷಿಯಲ್ ಮೀಡಿಯಾದಲ್ಲಿ ಕಾಳ್ಗಿಚ್ಚಿನಂತೆ ಹರಿದಾಡುತ್ತಿದ್ದ ಈ ವಿಡಿಯೋ ತುಣುಕುಗಳು ರಾಧಿಕಾ ಬಗ್ಗೆ ನೆಗೆಟಿವ್ ವೈಬ್ಸ್ ಕ್ರಿಯೇಟ್ ಮಾಡಿದ್ದವು.
ಸದ್ಯ ಈ ಬಗ್ಗೆ ತುಟಿ ಬಿಚ್ಚಿರುವ ರಾಧಿಕಾ, ಇದು ಸಮಾಜದಲ್ಲಿ ಲೈಂಗಿಕತೆ ಬಗ್ಗೆ ಇರುವ ದೃಷ್ಟಿಕೋನ ಬಿಂಬಿಸುತ್ತದೆ. ಈ ಸಿನಿಮಾದಲ್ಲಿ ಸಾಕಷ್ಟು ಉತ್ತಮವಾದ ದೃಶ್ಯಗಳಿವೆ. ಅವುಗಳನ್ನು ಬಿಟ್ಟು ಕೇವಲ ಇಂತಹ ಸೀನ್ಗಳು ಲೀಕ್ ಆಗುತ್ತವೆ. ಇದಕ್ಕೆ ಕಾರಣ ಸಮಾಜದ ಮಾನಸಿಕ ಮನಸ್ಥಿತಿ ಎಂದು ಹರಿಹಾಯ್ದಿದ್ದಾರೆ.
ರಾಧಿಕಾ ನಡೆ - ನುಡಿಯಲ್ಲಿ ಸಿಕ್ಕಾಪಟ್ಟೆ ಬೋಲ್ಡ್. ಯಾವುದನ್ನೂ ಮುಚ್ಚುಮರೆಯಿಲ್ಲದೆ ಹೇಳಿಬಿಡುತ್ತಾರೆ. ಈ ಹಿಂದೆ ಅವರ ಬಿಕಿನಿ ಚಿತ್ರಗಳು ಟ್ರೋಲ್ಗೆ ತುತ್ತಾಗಿದ್ದಾಗ, ಖಡಕ್ ಉತ್ತರಗಳ ಮೂಲಕ ಟೀಕಾಕಾರರ ಬಾಯಿಗೆ ಬೀಗ ಜಡಿದಿದ್ದರು.
