ಮುಂಬೈ : ಕೊರೊನಾದಿಂದ ಸ್ಥಗಿತಗೊಂಡಿದ್ದ ಸಿನಿಮಾಗಳ ಚಿತ್ರೀಕರಣ ಇದೀಗ ಒಂದೊಂದಾಗಿ ಆರಂಭವಾಗುತ್ತಿವೆ. ಹಾಗಾಗಿ ನಟ ಅಮಿರ್ ಖಾನ್ ಕೂಡ ಶೂಟಿಂಗ್ಗಾಗಿ ಟರ್ಕಿಗೆ ತೆರಳಿದ್ದಾರೆ.
ಬಹು ನಿರೀಕ್ಷಿತ ಲಾಲ್ ಸಿಂಗ್ ಚಡ್ಡಾ ಚಿತ್ರದ ಶೂಟಿಂಗ್ಗಾಗಿ ಅಮಿರ್ ಖಾನ್ ಟರ್ಕಿಗೆ ತೆರಳಿದ್ದಾರೆ. ಕೋವಿಡ್ ನಂತರ ಇದೇ ಮೊದಲ ಬಾರಿಗೆ ಶೂಟಿಂಗ್ಗೆ ರೆಡಿಯಾಗಿರುವ ಅಮಿರ್ ಖಾನ್ ಅವರು ಟರ್ಕಿಗೆ ತೆರಳಿರುವ ಫೋಟೋಗಳು ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗಿವೆ.
ಕೋವಿಡ್ನಿಂದಾಗಿ ಈ ಮೊದಲು ಚಿತ್ರದ ದೆಹಲಿ ಶೆಡ್ಯೂಲ್ ಶೂಟಿಂಗ್ ಮುಂದೂಡಲಾಗಿತ್ತು. ಈ ಸಲ ಕ್ರಿಸ್ತ್ಮಸ್ ಹಬ್ಬಕ್ಕೆ ಚಿತ್ರವನ್ನು ರಿಲೀಸ್ ಮಾಡಲು ಈ ಮೊದಲು ಸಿದ್ಧತೆ ಮಾಡಿಕೊಳ್ಳಲಾಗಿತ್ತು. ಆದರೆ, ಕೊರೊನಾದಿಂದ ನಾಲ್ಕು ತಿಂಗಳ ಶೂಟಿಂಗ್ ಸ್ಥಗಿತಗೊಂಡಿದ್ದರಿಂದ ರಿಲೀಸ್ ಮುಂದಕ್ಕೆ ಹೋಗುವ ಸಾಧ್ಯತೆ ಇದೆ.
ಚಿತ್ರವನ್ನು ಅದ್ವೈತ್ ನಿರ್ದೇಶಿಸುತ್ತಿದ್ದು, ನಟಿ ಕರೀನಾ ಕಪೂರ್ ಖಾನ್ ಹಾಗೂ ಮೊನಾ ಸಿಂಗ್ ಪ್ರಮುಖ ಪಾತ್ರದಲ್ಲಿ ನಟಿಸುತ್ತಿದ್ದಾರೆ.
