ಇನ್ಸ್ಟಂಟ್ ಮೆಸೇಜಿಂಗ್ ಪ್ಲಾಟ್ಫಾರ್ಮ್ ವಾಟ್ಸ್ಆ್ಯಪ್ 2.22.15.8 ಹೊಸ ಅಪ್ಡೇಟ್ ಅನ್ನು ಶೀಘ್ರದಲ್ಲೇ ಬಿಡುಗಡೆ ಮಾಡಲಿದೆ. ಹೊಸ ಅಪ್ಡೇಟ್ನಲ್ಲಿ ಮೆಸೇಜ್ ಡಿಲೀಟ್ ಮಾಡುವ 'ಡಿಲೀಟ್ ಫಾರ್ ಎವರಿಒನ್' ಸಮಯಾವಧಿಯನ್ನು ಹೆಚ್ಚಿಸಲಾಗುತ್ತಿದೆ ಎಂದು ತಿಳಿದುಬಂದಿದೆ. 'ಡಿಲೀಟ್ ಫಾರ್ ಎವರಿಒನ್' ಕಾಲಾವಧಿ ಹೆಚ್ಚಿಸುವ ಬಗ್ಗೆ ಕಳೆದ ಫೆಬ್ರವರಿಯಿಂದಲೇ ಚರ್ಚೆಗಳು ನಡೆದಿದ್ದವು.
ಈಗ ಕಂಪನಿಯು ಹೊಸ ಅಪ್ಡೇಟ್ ಬಿಡುಗಡೆ ಮಾಡಲು ಆರಂಭಿಸಿದ್ದು, ಇದರಲ್ಲಿ 'ಡಿಲೀಟ್ ಫಾರ್ ಎವರಿಒನ್' ಆಪ್ಷನ್ ಅನ್ನು 2 ದಿನ 12 ಗಂಟೆಗಳಿಗೆ ಹೆಚ್ಚಿಸಲಾಗುತ್ತಿದೆ. ಈ ಮುನ್ನ 'ಡಿಲೀಟ್ ಫಾರ್ ಎವರಿಒನ್' ಇದು 1 ಗಂಟೆ 8 ನಿಮಿಷ 16 ಸೆಕೆಂಡ್ ಆಗಿತ್ತು. ಕೆಲ ಆ್ಯಂಡ್ರಾಯ್ಡ್ ಬೀಟಾ ಬಳಕೆದಾರರಿಗೆ ಹೊಸ ಅಪ್ಡೇಟ್ ಸಿಗಲಾರಂಭಿಸಿದೆ.
ಇದಲ್ಲದೆ 'ಡಿಲೀಟ್ ಫಾರ್ ಎವರಿಒನ್' ಆಪ್ಷನ್ ಅನ್ನು ಬಳಕೆದಾರರು 24 ಗಂಟೆ, 7 ದಿನ ಅಥವಾ 90 ದಿನ ಇದರಲ್ಲಿ ಯಾವುದನ್ನಾದರೂ ಸೆಟ್ ಮಾಡಬಹುದು ಎಂದು ತಿಳಿದು ಬಂದಿದೆ.
'ಡಿಲೀಟ್ ಫಾರ್ ಎವರಿಒನ್' ಮಾತ್ರವಲ್ಲದೆ ಗ್ರೂಪ್ನಲ್ಲಿ ಗ್ರೂಪ್ ಮೆಂಬರ್ ಒಬ್ಬರಿಂದ ಕಳಿಸಲಾದ ಮೆಸೇಜ್ ಅನ್ನು ಅಡ್ಮಿನ್ ಆದವರು ಡಿಲೀಟ್ ಮಾಡುವ ಆಪ್ಷನ್ ಬಗ್ಗೆಯೂ ವಾಟ್ಸ್ಆ್ಯಪ್ ಸಂಶೋಧನೆಗಳನ್ನು ನಡೆಸುತ್ತಿದೆ ಎನ್ನಲಾಗ್ತಿದೆ.
