ನವದೆಹಲಿ: ಮೆಟಾ ಮಾಲೀಕತ್ವದ ಮೆಸೇಜಿಂಗ್ ಪ್ಲಾಟ್‌ಫಾರ್ಮ್ ವಾಟ್ಸ್ಆ್ಯಪ್ ಮಂಗಳವಾರ ಹೊಸ ಫೀಚರ್ಸ್ ಪರಿಚಯಿಸಿದೆ. ಹೌದು, 'ವಾಯ್ಸ್ ಸ್ಟೇಟಸ್' ಮತ್ತು 'ಸ್ಟೇಟಸ್ ರಿಯಾಕ್ಷನ್ಸ್' ಸೇರಿದಂತೆ ಇನ್ನೂ ಅನೇಕ ವಿನೂತನ ಫೀಚರ್ಸ್ ಅನ್ನು ವಾಟ್ಸ್ಆ್ಯಪ್ ಪ್ರಕಟಿಸಿದೆ. ಜಾಗತಿಕವಾಗಿ ಬಳಕೆದಾರರಿಗೆ ಹೊಸ ವೈಶಿಷ್ಟ್ಯಗಳನ್ನು ಹೊರತರಲು ಪ್ರಾರಂಭಿಸಿದೆ. ಈ ಫೀಚರ್ಸ್ ಮುಂಬರುವ ವಾರಗಳಲ್ಲಿ ಎಲ್ಲರಿಗೂ ಬಳಕೆಗೆ ಲಭ್ಯವಾಗಲಿದೆ ಎಂದು ಕಂಪನಿಯು ತಿಳಿಸಿದೆ.
ವಾಯ್ಸ್ ಸ್ಟೇಟಸ್ ನ್ಯೂ ಫೀಚರ್: 'ವಾಯ್ಸ್ ಸ್ಟೇಟಸ್' ಫೀಚರ್ ವಾಟ್ಸ್ಆ್ಯಪ್ ಬಳಕೆದಾರರಿಗೆ ಸ್ಟೇಟಸ್‌ನಲ್ಲಿ 30 ಸೆಕೆಂಡುಗಳವರೆಗೆ ಧ್ವನಿ ಸಂದೇಶಗಳನ್ನು ರೆಕಾರ್ಡ್ ಮಾಡಲು ಮತ್ತು ಹಂಚಿಕೊಳ್ಳಲು ಅನುಮತಿ ನೀಡುತ್ತದೆ. ಮತ್ತೊಂದೆಡೆ, 'ಸ್ಟೇಟಸ್ ರಿಯಾಕ್ಷನ್‌ಗಳು' ಫೀಚರ್ ಅನ್ನು ಬಳಕೆದಾರರು ತಮ್ಮ ಸ್ನೇಹಿತರು ಮತ್ತು ನಿಕಟವರ್ತಿಗಳಿಂದ ಸ್ಟೇಟಸ್ ಅನ್ನು ನವೀಕರಣಕ್ಕೆ ತ್ವರಿತ ಮತ್ತು ಸುಲಭವಾದ ರೀತಿಯಲ್ಲಿ ಪ್ರತಿಕ್ರಿಯಿಸಲು ಸಹಕಾರಿಯಾಗುತ್ತದೆ.
ತ್ವರಿತವಾಗಿ ಪ್ರತ್ಯುತ್ತರ ನೀಡಲು ಅನುಕೂಲ: "ಕಳೆದ ವರ್ಷ ರಿಯಾಕ್ಷನ್‌ಗಳು ಪ್ರಾರಂಭದ ನಂತರ, ಬಳಕೆದಾರರು ಈ ಹೊಸ ಫಿಚರ್ ಅನ್ನು ಬಯಸಿದ್ದಾರೆ. ಇದೀಗ ಯಾವುದೇ ಸ್ಟೇಟಸ್ಗೆ ಸ್ವೈಪ್ ಮಾಡುವ ಮೂಲಕ ಮತ್ತು ಎಂಟು ಎಮೋಜಿಗಳಲ್ಲಿ ಒಂದನ್ನು ಟ್ಯಾಪ್ ಮಾಡಬಹುದು ಹಾಗೂ ತ್ವರಿತವಾಗಿ ಪ್ರತ್ಯುತ್ತರ ನೀಡಲು ಸಾಧ್ಯಗುತ್ತದೆ. ಮೆಸೇಜ್ ಹಾಗೂ ಧ್ವನಿಯೊಂದಿಗೆ ನೀವು ಖಂಡಿತವಾಗಿಯೂ ಸ್ಟೇಟಸ್ಗೆ ಉತ್ತರ ನೀಡಲು ಸಹಕಾರಿಯಾಗುತ್ತದೆ. ಸಂದೇಶಗಳು ಹಾಗೂ ಸ್ಟಿಕ್ಕರ್‌ಗಳ ಮೂಲಕ ಪ್ರತಿಕ್ರಿಯಿಸಲು ಅನುಕೂವಾಗುತ್ತದೆ'' ಎಂದು ವೇದಿಕೆ ಹೇಳಿದೆ.
ಪ್ರೈವೇಟ್ ಆಡಿಯನ್ಸ್ ಸೆಲೆಕ್ಟರ್: ಕಂಪನಿಯು 'ಪ್ರೈವೇೆಟ್ ಆಡಿಯನ್ಸ್ ಸೆಲೆಕ್ಟರ್' ಹಾಗೂ 'ಸ್ಟೇಟಸ್ ಪ್ರೊಫೈಲ್ ರಿಂಗ್ಸ್ ಫಾರ್ ನ್ಯೂ ಅಪ್ಡೇಟ್ಸ್' ಹಾಗೂ 'ಲಿಂಕ್ ಪ್ರಿವ್ಯೂಸ್ ಆನ್ ಸ್ಟೇಟಸ್' ಸೇರಿದಂತೆ ಇತರ ಫೀಚರ್ಸ್ ಅನ್ನು ಪರಿಚಯಿಸಿದೆ. ಪ್ರೈವೆಟ್ ಆಡಿಯನ್ಸ್ ಸೆಲೆಕ್ಟರ್' ಜೊತೆಗೆ, ಬಳಕೆದಾರರು ಪ್ರತಿ ಸ್ಟೇಟಸ್ಗೆ ತಮ್ಮ ಗೌಪ್ಯತೆಯ ಸೆಟ್ಟಿಂಗ್‌ಗಳನ್ನು ಅಪ್‌ಡೇಟ್ ಮಾಡಬಹುದು. ಇದರಿಂದ ಬಳಕೆದಾರರು ಪ್ರತಿಬಾರಿಯೂ ತಮ್ಮ ಸ್ಟೇಟಸ್ ಅನ್ನು ಯಾರು ವೀಕ್ಷಿಸಬೇಕು ಎಂಬುದನ್ನು ಆಯ್ಕೆ ಮಾಡಬಹುದು.
ಕಾಂಟ್ಯಾಕ್ಟ್ ಮಾಹಿತಿ ಕಾಣಿಸುತ್ತೆ: ಇತ್ತೀಚಿನ ಸ್ಟೇಟಸ್ ವೀಕ್ಷಕರ ಆಯ್ಕೆಯನ್ನು ಬಳಕೆದಾರರ ಮುಂದಿನ ಸ್ಟೇಟಸ್ ಡೀಫಾಲ್ಟ್ ಆಗಿ ಬಳಸಲು ಸಾಧ್ಯವಾಗುತ್ತದೆ. "ನ್ಯೂ ಸ್ಟೇಟಸ್ನ ಪ್ರೊಫೈಲ್ ರಿಂಗ್‌ನೊಂದಿಗೆ ನೀವು ಪ್ರೀತಿ ಪಾತ್ರರ ಸ್ಟೇಟಸ್ ಅನ್ನು ಎಂದಿಗೂ ಕಳೆದುಕೊಳ್ಳುವುದಿಲ್ಲ. ಅವರು ಸ್ಟೇಟಸ್ ಚೇಂಜ್ ಮಾಡಿದಾಗಲೆಲ್ಲ, ಈ ರಿಂಗ್ ನಿಮ್ಮ ಪ್ರೊಫೈಲ್ ಚಿತ್ರದ ಸುತ್ತಲೂ ಇರುತ್ತದೆ. ಅಂದ್ರೆ ಚಾಟ್ ಲಿಸ್ಟ್ಗಳು, ಗ್ರುಪ್ನಲ್ಲಿರುವವರು ಲಿಸ್ಟ್ಗಳು ಹಾಗೂ ಕಾಂಟ್ಯಾಕ್ಟ್ ಮಾಹಿತಿ ಕಾಣಿಸುತ್ತವೆ'' ಎಂದು ಸಂಸ್ಥೆ ತಿಳಿಸಿದೆ.
ಲಿಂಕ್ ಪ್ರೀವಿವ್ಯೂ ಫೀಚರ್: ಈಗ ಬಳಕೆದಾರರು ತಮ್ಮ ಸ್ಟೇಟಸ್‌ನಲ್ಲಿ ಲಿಂಕ್ ಅನ್ನು ಪೋಸ್ಟ್ ಮಾಡಿದಾಗ, ಬಳಕೆದಾರರು ಸಂದೇಶವನ್ನು ಕಳುಹಿಸಿದಾಗ, ವಿಷಯಗಳನ್ನು ಪ್ರೀವಿವ್ಯೂನ ಮೂಲಕ ಸ್ಟೇಟಸ್ ನೋಡಲು ಸಹಕಾರಿಯಾಗುತ್ತದೆ. 'ಸ್ಟೇಟಸ್‌ನಲ್ಲಿ ಲಿಂಕ್ ಪ್ರೀವಿವ್ಯೂ' ಫೀಚರ್ ಎಲ್ಲರನ್ನು ತನ್ನ ಸೆಳೆದಿದೆ. ವಾಟ್ಸ್‌ಆ್ಯಪ್‌ನಲ್ಲಿ ಸ್ನೇಹಿತರು ಮತ್ತು ನಿಕಟವರ್ತಿಗಳೊಂದಿಗೆ ಅಲ್ಪಕಾಲಿಕ ಅಪ್ಡೇಟ್ಗಳಿಗೆ ಸ್ಟೇಟಸ್ ಜನಪ್ರಿಯ ಮಾರ್ಗದಲ್ಲಿ ಒಂದಾಗಿದೆ. ಅವು 24 ಗಂಟೆಗಳಲ್ಲಿ ಅಂದ್ರೆ ಫೋಟೋಗಳು, ವೀಡಿಯೊಗಳು, ಗಿಫ್ ಫೈಲ್ಗಳು, ಮೆಸೇಜ್ಗಳು ಡಿಸ್ಅಪ್ಪೀಯರ್ ಆಗುತ್ತವೆ'' ಎಂದು ಕಂಪನಿ ಹೇಳಿದೆ.
"ನಿಮ್ಮ ವೈಯಕ್ತಿಕ ಚಾಟ್‌ಗಳು ಮತ್ತು ಕರೆಗಳಂತೆಯೇ, ನಿಮ್ಮ ವಾಟ್ಸ್ಆ್ಯಪ್ ಸ್ಟೇಟಸ್ ಅನ್ನು ಎಂಡ್ ಟು ಎಂಡ್ ಎನ್‌ಕ್ರಿಪ್ಶನ್‌ನಿಂದ ರಕ್ಷಿಸಲಾಗಿದೆ. ಆದ್ದರಿಂದ ನೀವು ಖಾಸಗಿಯಾಗಿ ಮತ್ತು ಸುರಕ್ಷಿತವಾಗಿ ಹಂಚಿಕೊಳ್ಳಬಹುದು" ಎಂದು ಸಂಸ್ಥೆ ತಿಳಿಸಿದೆ.
ಇದನ್ನೂ ಓದಿ: ಫೇಸ್ಬುಕ್, ಇನ್ಸ್ಟಾಗ್ರಾಂನಿಂದ ನಿಯಮಬಾಹಿರ ವಿಷಯಗಳನ್ನು ತೆಗೆದು ಹಾಕಿದ ಮೆಟಾ
