ತಪ್ಪಾಗಿ ಮಾಡಿದ ಟ್ವೀಟ್​​​​ ಡಿಲೀಟ್​ ಅಲ್ಲ ಎಡಿಟ್​ ಮಾಡಿ.. ಶೀಘ್ರವೇ ಸಿಗಲಿದೆ ಪರಿಷ್ಕರಿಸುವ ಫೀಚರ್​

ತಪ್ಪಾಗಿ ಟ್ವೀಟ್​ ಮಾಡಿದಲ್ಲಿ ಅದನ್ನು ಪರಿಷ್ಕರಣೆ ಮಾಡಲು ಸಾಧ್ಯವಿಲ್ಲ. ಇದರಿಂದ ಆ ಪೋಸ್ಟ್​ ಡಿಲೀಟ್​ ಮಾಡಲೇಬೇಕಾಗುತ್ತದೆ. ಇದನ್ನು ತಪ್ಪಿಸಲು ಕಂಪನಿ ಎಡಿಟ್​ ಬಟನ್​ ಅನ್ನು ಪರಿಚಯಿಸಲು ಮುಂದಾಗಿದೆ. ಇದರಿಂದ ಪೋಸ್ಟ್​ ಡಿಟೀಟ್​ ಮಾಡುವ ಬದಲು ಪರಿಷ್ಕರಣೆ ಮಾಡಬಹುದು.

ಜಗತ್ತಿನಲ್ಲಿಯೇ ಅತಿಹೆಚ್ಚು ಬಳಕೆಯಲ್ಲಿರುವ ಮೈಕ್ರೋಬ್ಲಾಗಿಂಗ್​ ಆದ ಟ್ವಿಟರ್​​​ ಹೊಸ ಫೀಚರ್​ವೊಂದನ್ನು ಪರಿಚಯಿಸುತ್ತಿದೆ. ಟ್ವಿಟರ್​ ಅನ್ನು ಇನ್ನಷ್ಟು ಬಳಕೆ ಸ್ನೇಹಿ ಮಾಡಲು ಎಡಿಟ್​(ಸಂಪಾದನೆ) ಬಟನ್​ ಅವಕಾಶ ಕಲ್ಪಿಸುತ್ತಿದೆ.

ಈ ಬಗ್ಗೆ ಟ್ವೀಟ್​ ಮಾಡಿ ತಿಳಿಸಿರುವ ಕಂಪನಿ, ಬಳಕೆದಾರರ ಮನವಿಯ ಮೇರೆಗೆ ಟ್ವಿಟರ್​​​​ನಲ್ಲಿ ಎಡಿಟ್​ ಬಟನ್​ ಆಪ್ಷನ್​ ಅನ್ನು ನೀಡಲು ಪರೀಕ್ಷೆಗಳು ನಡೆಯುತ್ತಿವೆ. ಶೀಘ್ರದಲ್ಲೇ ಅದು ಬಳಕೆದಾರರಿಗೆ ಸಿಗಲಿದೆ ಎಂದು ತಿಳಿಸಿದೆ.

ಪಾವತಿಸಿದವರಿಗೆ ಎಡಿಟ್ ಬಟನ್​ ಫೀಚರ್​: ಇನ್ನು ಟ್ವಿಟರ್​ ಪರಿಚಯಿಸುತ್ತಿರುವ ಎಡಿಟ್​ ಬಟನ್​ ಎಲ್ಲ ಬಳಕೆದಾರರಿಗೆ ಮುಕ್ತವಾಗಿ ಲಭ್ಯವಿರುವುದಿಲ್ಲ ಎಂಬುದು ಗೊತ್ತಾಗಿದೆ. ಈ ಬಟನ್​ ಬೇಕಾದಲ್ಲಿ ಹಣ ಪಾವತಿಸಿ ಚಂದಾದಾರಿಕೆ ಪಡೆಯಬೇಕು. ಆರಂಭದಲ್ಲಿ ಇದನ್ನು ಬ್ಲೂ ಚಂದಾದಾರರಿಗೆ ಮಾತ್ರ ನೀಡಲಾಗುತ್ತದೆ ಎಂದು ಕಂಪನಿ ಹೇಳಿದೆ.

• if you see an edited Tweet it's because we're testing the edit button
  
  this is happening and you'll be okay

  — Twitter (@Twitter) September 1, 2022 " class="align-text-top noRightClick twitterSection" data="

  if you see an edited Tweet it's because we're testing the edit button
  
  this is happening and you'll be okay

  — Twitter (@Twitter) September 1, 2022

  ">

  if you see an edited Tweet it's because we're testing the edit button
  
  this is happening and you'll be okay

  — Twitter (@Twitter) September 1, 2022

ಒಮ್ಮೆ ಟ್ವೀಟ್​ ಮಾಡಿದ್ದನ್ನು ಮತ್ತೆ ಎಡಿಟ್​ ಮಾಡಲು ನಮ್ಮ ತಂಡ ಈ ಬಗ್ಗೆ ಪರೀಕ್ಷೆ ನಡೆಸುತ್ತಿದೆ. ಬಟನ್​ ಅನ್ನು ಪರಿಚಯಿಸುವ ಕಾರ್ಯ ಪ್ರಗತಿಯಲ್ಲಿದೆ. ಇದನ್ನು ಮುಂದಿನ ವಾರಗಳಲ್ಲಿ ಬ್ಲೂ ಚಂದಾದಾರರಿಗೆ ವಿಸ್ತರಿಸಲಾಗುವುದು. ಈ ಕುರಿತು ಅಪ್‌ಡೇಟ್ ನೀಡಲಾಗುವುದು ಎಂದು ಕಂಪನಿ ಟ್ವೀಟ್​ ಮಾಡಿದೆ.

ಎಡಿಟ್​ ಬಟನ್​ನಿಂದ ಏನು ಲಾಭ: ಸದ್ಯ ಟ್ವಿಟರ್​​​​ನಲ್ಲಿ ನಾವು ಯಾವುದಾದರೂ ಪೋಸ್ಟ್​ ಮಾಡಿದಾಗ ಅದರಲ್ಲಿ ಏನಾದರೂ ದೋಷವಿದ್ದಲ್ಲಿ ಮತ್ತೆ ಅದನ್ನು ಎಡಿಟ್​ ಮಾಡಲು ಸಾಧ್ಯವಿಲ್ಲ. ಅಕ್ಷರ ದೋಷವಿದ್ದರೂ ಬದಲಿಸುವ ಅವಕಾಶವಿಲ್ಲ. ಇದರಿಂದ ಕೆಲವೊಮ್ಮೆ ಆ ಟ್ವೀಟ್​ ಅನ್ನೇ ಡಿಲಿಟ್​ ಮಾಡಬೇಕಾದ ಅನಿವಾರ್ಯ ಇರುತ್ತದೆ.

ಹೀಗಾಗಿ ಟ್ವೀಟ್​ ಮಾಡಿದ ಪೋಸ್ಟ್​ ಅನ್ನು ದೋಷವಿದ್ದಲ್ಲಿ ಎಡಿಟ್​ ಮಾಡುವ ಅವಕಾಶ ನೀಡಲು ಬಳಕೆದಾರರು ಕಂಪನಿಗೆ ಒತ್ತಾಯ ಮಂಡಿಸಿದ್ದರು. ಬಳಕೆದಾರರ ಈ ಮನವಿಗೆ ಸ್ಪಂದಿಸಿರುವ ಟ್ವಿಟರ್​​​ ಎಡಿಟ್​ ಬಟನ್​ ನೀಡಲು ಮುಂದಾಗಿದೆ. ಈ ಬಗ್ಗೆ ಪರೀಕ್ಷೆಗಳನ್ನು ನಡೆಸುತ್ತಿದ್ದು, ಅತಿ ಶೀಘ್ರದಲ್ಲೇ ಬಳಕೆದಾರರಿಗೆ ಸಿಗಲಿದೆ.

ಟ್ವೀಟ್​ ಎಡಿಟ್​ ಮಾಡಲು ಸಮಯ ನಿಗದಿ: ಇನ್ನು ಎಡಿಟ್​ ಬಟನ್​ ಪರಿಚಯಿಸಿದಾಗ್ಯೂ ಕರಾರು ಹಾಕಿರುವ ಕಂಪನಿ, ಯಾವುದೇ ಟ್ವೀಟ್​ ಅನ್ನು ಪ್ರಕಟಿಸಿ ಅರ್ಧಗಂಟಯೊಳಗೆ (30 ನಿಮಿಷ) ಅದನ್ನು ಪರಿಷ್ಕರಿಸಲು ಸಾಧ್ಯ. ಪರಿಷ್ಕರಿಸಿದ ಬಳಿಕ ಅದು ಹಳೆಯ ಟ್ವೀಟ್ ಜೊತೆಗೆ ಗೋಚರಿಸುತ್ತದೆ ಎಂದು ಕಂಪನಿ ಹೇಳಿದೆ.

ಈ ಸಮಯ ಮಿತಿಯಿಂದ ಟ್ವೀಟ್​ ಮೊದಲು ಏನನ್ನು ಹೇಳಲಾಗಿದೆ. ಈಗ ಏನು ತಿದ್ದಲಾಗಿದೆ ಎಂಬುದನ್ನು ತಿಳಿಸುತ್ತದೆ. ಇದು ಪೋಸ್ಟ್​ನ ಸಮಗ್ರತೆಯನ್ನು ರಕ್ಷಿಸುವ ಸಲುವಾಗಿ ಇದನ್ನು ಉಳಿಸಿಕೊಳ್ಳಲಾಗಿದೆ. ಟ್ವೀಟ್​ ಸಾರ್ವಜನಿಕ, ಮುಕ್ತವಾಗಿರುತ್ತದೆ ಎಂದು ಅದು ಹೇಳಿದೆ.

ಈ ತಿಂಗಳ ಕೊನೆಯಲ್ಲಿ ಟ್ವಿಟರ್ ಬ್ಲೂ ಚಂದಾದಾರರಿಗೆ ಎಡಿಟ್ ಬಟನ್​ ಆಯ್ಕೆಯನ್ನು ನೀಡಲಾಗುವುದು ಎಂದು ಸಾಮಾಜಿಕ ಮಾಧ್ಯಮ ಕಂಪನಿ ದೃಢಪಡಿಸಿದೆ. ಗಮನಿಸಬೇಕಾದ ಸಂಗತಿಯೆಂದರೆ ಟ್ವಿಟರ್ ಬ್ಲೂ ಇನ್ನೂ ಭಾರತದಲ್ಲಿ ಅಧಿಕೃತವಾಗಿ ಲಭ್ಯವಿಲ್ಲ. ಆದ್ದರಿಂದ, ಈ ಚಂದಾದಾರಿಕೆಯು ಶೀಘ್ರದಲ್ಲೇ ದೇಶದಲ್ಲಿ ಪ್ರಾರಂಭವಾಗುವ ಸಾಧ್ಯತೆ ಇದೆ.

ಓದಿ: WhatsApp ಹೊಸ ಫೀಚರ್‌: ಗ್ರೂಪ್​ ಅಡ್ಮಿನ್​ಗೆ ಇನ್ಮುಂದೆ ಈ ಆಯ್ಕೆ ಸಿಗುತ್ತೆ!