ಹೈದ್ರಾಬಾದ್: ಈ ವರ್ಷದ ಉತ್ತಮ ಆ್ಯಪ್ಗಳ ಪಟ್ಟಿಯನ್ನು ಗೂಗಲ್ ಬಿಡುಗಡೆ ಮಾಡಿದೆ. ಭಾರತದಲ್ಲಿ ಈ ವರ್ಷ ಬಹು ಮನ್ನಣೆ ಪಡೆದ ಮೊಬೈಲ್ ಅಪ್ಲಿಕೇಷನ್ ಪಟ್ಟಿ ಬಿಡುಗಡೆ ಮಾಡಿದೆ. ಇದರಲ್ಲಿ ಸಾಮಾನ್ಯ ಮತ್ತು ಗೇಮಿಂಗ್ ಆ್ಯಪ್ಗಳು ಕೂಡ ಸ್ಥಾನ ಪಡೆದಿದ್ದು, ಈ ಆ್ಯಪ್ ಅಭವೃದ್ಧಿ ಪಡೆದವರು ಕೂಡ ಇತ್ತೀಚೆಗೆ ಗೌರವಕ್ಕೆ ಪಾತ್ರರಾಗಿದ್ದರು.
ಫ್ಲಿಕ್ಕಾರ್ಟ್ನ ಶಾಪ್ಸೆ ಈ ವರ್ಷದ ಪ್ರಖ್ಯಾತಿ ಪಡೆದ ಆ್ಯಪ್ ಆಗಿದೆ. ಈ ಆ್ಯಪ್ ಮಾರಾಟಕ್ಕೆ ಯಾವುದೇ ಕಮಿಷನ್ ಪಡೆಯಲಾಗಿಲ್ಲ. ಇವರ ಸಾಮಾಜಿಕ ಮಾಧ್ಯಮದ ಖಾತೆ ಮೂಲಕ ಯಾರು ಬೇಕಾದರೂ ಕೂಡ ಮಾರಾಟ ಮಾಡಬಹುದಾಗಿದೆ. ಈ ಆ್ಯಪ್ನಲ್ಲಿ ಫ್ಯಾಷನ್ ಮೊಬೈಲ್ ಬ್ಯೂಟಿ, ಫುಟ್ವೇರ್ ಸೇರಿದಂತೆ ಹಲವು ಉತ್ಪನ್ನಗಳು ಸಿಗಲಿದೆ. ನಿತ್ಯದ ಅವಶ್ಯಕತೆಯಲ್ಲಿ ಈ ಆ್ಯಪ್ ಮೊದಲ ಸ್ಥಾನ ಪಡೆದಿದೆ.
ವಿದ್ಯಾರ್ಥಿಗಳಿಗಾಗಿ ರೂಪುಗೊಂಡ ಕ್ವೆಸ್ಟ್ ಆ್ಯಪ್ ಕೂಡ ಈ ವರ್ಷದ ಬೆಸ್ಟ್ ಆ್ಯಪ್ ಆಗಿದೆ. ಕೃತಕ ಬುದ್ದಿಮತೆ ಮತ್ತು ವಿದ್ಯಾರ್ಥಿಗಳಿಗೆ ಬೇಕಾದ ಪಾಠಗಳನ್ನು ನೀಡುವ ಮೂಲಕ ಅವರ ಕಲಿಕೆಗೆ ಸಹಾಯ ಮಾಡುತ್ತಿದೆ. ಇದರ ವಿಶೇಷತೆ ಎಂದರೆ ಕಲಿಕೆ ಹೊತೆ ಗೇಮಿಂಗ್ ಅನುಭವವನ್ನು ಈ ಆ್ಯಪ್ ನೀಡುತ್ತದೆ.
ಹಿರಿಯ ನಾಗರಿಕರಿಗಾಗಿ ರೂಪುಗೊಂಡಿರುವ ಖಾಯಾಲ್ ಉತ್ತಮ ವರ್ಗದ ಬೆಸ್ಟ್ ಆ್ಯಪ್ ಆಗಿದೆ. ಹಿರಿಯ ನಾಗರಿಕರಿಗೆ ಪ್ರಿಪೇಯ್ಡ್ ಕಾರ್ಡ್ ಹಾಗೂ ಅವರ ಅವಶ್ಯಕತೆಗೆ ಅನುಗುಣವಾದ ವಸ್ತುಗಳ ಮೇಲೆ ರಿಯಾಯಿತಿಯನ್ನು ನೀಡುತ್ತದೆ.
ಬೆಸ್ಟ್ ಹಿಡನ್ ಜೆಮ್ಸ್ ವರ್ಗದಲ್ಲಿ ಬೇಬಿಜಿ ಆ್ಯಪ್ ಉತ್ತಮ ಸ್ಥಾನ ಪಡೆದಿದೆ. ಮಕ್ಕಳ ಬೆಳವಣಿಗೆ ಪತ್ತೆ ಮಾಡುವ ಆ್ಯಪ್ ಇದಾಗಿದೆ. ಪೋಷಕರು ತಮ್ಮ ಮಗುವಿನ ಚಟುವಟಿಕೆಗಳನ್ನು ತಿಳಿಯಲು ಇದು ಸಹಾಯ ಮಾಡಲಿದ್ದು, ಮಕ್ಕಳಿಗೆ ಬೇಕಾದ ಕಥೆಗಳು ಕೂಡ ಇಲ್ಲಿದೆ.
2016ರಲ್ಲಿ ಬಿಡುಗಡೆಯಾದ ಲೂಡೊ ಕಿಂಗ್ ಆ್ಯಪ್ ಇಂದಿಗೂ ತನ್ನ ಜನಪ್ರಿಯತೆ ಉಳಿಸಿಕೊಂಡಿದ್ದು, ಇದು ಗೂಗಲ್ ಗೌರವಕ್ಕೆ ಕೂಡ ಪಾತ್ರವಾಗಿದೆ. ಇದೆ ವರ್ಗದಲ್ಲಿ ರಿಯಲ್ ಕ್ರಿಕೆಟ್ 20 ಕೂಡ ಕಾಣಬಹುದಾಗಿದೆ.
ಇದನ್ನೂ ಓದಿ: ಎಲೆಕ್ಟ್ರಿಕ್ ಸೆಮಿ ಟ್ರಕ್ ಬಿಡುಗಡೆ ಮಾಡಿದ ಟೆಸ್ಲಾ
