ನವದೆಹಲಿ: ಚೀನಾ ಮೂಲದ ಸ್ಮಾರ್ಟ್ಫೋನ್ ತಯಾರಕ ಕಂಪನಿ ಶಿಯೋಮಿಯ ಅಂಗಸಂಸ್ಥೆಯಾದ ರೆಡ್ಮಿ ಭಾರತದಲ್ಲಿ ತನ್ನ 'ಸಿ' ಸರಣಿಯ ಸ್ಮಾರ್ಟ್ಫೋನ್ಗಳ ಮುಂದಿನ ಸರಣಿಯ ರೆಡ್ಮಿ 13 ಸಿ (Redmi 13C) ಮತ್ತು ರೆಡ್ಮಿ 13 ಸಿ 5ಜಿ (Redmi 13C 5G) ಅನ್ನು ಬಿಡುಗಡೆ ಮಾಡಿದೆ. ರೆಡ್ಮಿ 13 ಸಿ ಡಿಸೆಂಬರ್ 12 ರಿಂದ ಮಾರಾಟವಾಗಲಿದ್ದು, ರೆಡ್ಮಿ 13 ಸಿ 5 ಜಿ ಯ ಮಾರಾಟ ಡಿಸೆಂಬರ್ 16 ರಂದು ಪ್ರಾರಂಭವಾಗಲಿದೆ.
4 ಜಿಬಿ ರ‍್ಯಾಮ್ + 128 ಜಿಬಿ ಇಂಟರ್ನಲ್ ಸ್ಟೋರೇಜ್, 6 ಜಿಬಿ + 128 ಜಿಬಿ ಮತ್ತು 8 ಜಿಬಿ + 256 ಜಿಬಿ ಹೀಗೆ ಮೂರು ಮಾದರಿಗಳಲ್ಲಿ ಫೋನ್ ಲಭ್ಯವಿದೆ. ರೆಡ್ಮಿ 13 ಸಿ ಬೆಲೆ 7999 ರೂ.ಗಳಿಂದ ಪ್ರಾರಂಭವಾಗುತ್ತದೆ. ಎರಡು ಮಾದರಿಗಳು ಕ್ರಮವಾಗಿ 8,999 ಮತ್ತು 10,499 ರೂ.ಗೆ ಲಭ್ಯವಿದೆ. ಹಾಗೆಯೇ ರೆಡ್ಮೀ 13 ಸಿ 5 ಜಿ ಬೆಲೆ ಅನುಕ್ರಮವಾಗಿ 9,999, 11,499 ಮತ್ತು 13,499 ರೂ. ಆಗಿರಲಿದೆ.
ಆರಂಭಿಕ ಆಫರ್: ರೆಡ್ಮಿ 13ಸಿ ಸ್ಮಾರ್ಟ್ಫೋನ್ಗಳನ್ನು Mi ಡಾಟ್ com, ಶಿಯೋಮಿ ರಿಟೇಲ್ ಮಳಿಗೆಗಳು ಮತ್ತು ಅಮೆಜಾನ್ ಮೂಲಕ ಖರೀದಿಸಬಹುದು. ಐಸಿಐಸಿಐ ಬ್ಯಾಂಕ್ ಕ್ರೆಡಿಟ್ ಮತ್ತು ಡೆಬಿಟ್ ಕಾರ್ಡ್ಗಳ ಮೂಲಕ ಖರೀದಿಸುವವರಿಗೆ 1000 ರೂ.ಗಳ ಹೆಚ್ಚುವರಿ ಡಿಸ್ಕೌಂಟ್ ಇರುತ್ತದೆ.
ರೆಡ್ಮಿ 13ಸಿ ವಿಶೇಷತೆಗಳು: ಇದು 6.74 ಇಂಚಿನ ಎಚ್ಡಿ ಪ್ಲಸ್ ಡಿಸ್ಪ್ಲೇ ಹೊಂದಿದ್ದು, 600 * 720 ಪಿಕ್ಸೆಲ್ಗಳ ರೆಸಲ್ಯೂಶನ್, 90 ಹೆರ್ಟ್ಜ್ ರಿಫ್ರೆಶ್ ರೇಟ್ ಮತ್ತು 450 ನಿಟ್ಸ್ ಪೀಕ್ ಬ್ರೈಟ್ನೆಸ್ ಹೊಂದಿದೆ. ಬಜೆಟ್ ಬೆಲೆಯ ಸ್ಮಾರ್ಟ್ಫೋನ್ ಆಗಿರುವ ಇದು ಗ್ರಾಫಿಕ್ಸ್ ಅವಶ್ಯಕತೆಗಳಿಗಾಗಿ Mali G-57 MP2 GPU ನೊಂದಿಗೆ ಜೋಡಿಸಲಾದ ಆಕ್ಟಾ-ಕೋರ್ ಮೀಡಿಯಾಟೆಕ್ ಹೆಲಿಯೊ ಜಿ 85 ಚಿಪ್ ಸೆಟ್ನಿಂದ ನಿಯಂತ್ರಿಸಲ್ಪಡುತ್ತದೆ.
ಸೆಲ್ಫಿಗಳು ಮತ್ತು ವೀಡಿಯೊ ಕರೆಗಳಿಗಾಗಿ ಮುಂಭಾಗದಲ್ಲಿ 50 ಎಂಪಿ ಕ್ಯಾಮೆರಾ ಇದೆ; ಹಿಂಭಾಗದ ಟ್ರಿಪಲ್ ಕ್ಯಾಮೆರಾ ಸೆಟಪ್ 50 ಎಂಪಿ ಪ್ರೈಮರಿ ಸೆನ್ಸರ್, 2 ಎಂಪಿ ಮ್ಯಾಕ್ರೋ ಲೆನ್ಸ್ ಮತ್ತು 2 ಎಂಪಿ ಲೆನ್ಸ್ ಅನ್ನು ಒಳಗೊಂಡಿದೆ. 18 ವ್ಯಾಟ್ ಚಾರ್ಜರ್ ಬಳಸಿ ಫೋನ್ ಚಾರ್ಜ್ ಮಾಡಬಹುದು.
ರೆಡ್ಮಿ 13ಸಿ 5ಜಿ ವಿಶೇಷತೆಗಳು: ಇದು 6.74-ಇಂಚಿನ ಎಚ್ಡಿ ಪ್ಲಸ್ ಡಿಸ್ಪ್ಲೇ ಹೊಂದಿದೆ. ಹೆಚ್ಚಿನ 600 ನಿಟ್ಸ್ ಪೀಕ್ ಬ್ರೈಟ್ನೆಸ್ ಹೊಂದಿದೆ. ಮೀಡಿಯಾಟೆಕ್ ಡೈಮೆನ್ಸಿಟಿ 6100 + ಎಸ್ಒಸಿ ಪ್ರೊಸೆಸರ್ ಇದರಲ್ಲಿದ್ದು, Mali-G57 M2 GPU ಗ್ರಾಫಿಕ್ಸ್ ಕೆಲಸಗಳನ್ನು ಮಾಡುತ್ತದೆ.
ಇದನ್ನೂ ಓದಿ : ಸಿಕ್ಕಾಪಟ್ಟೆ ಬಡ್ಡಿ ಪೀಕುವ 17 'ಸ್ಪೈ ಲೋನ್' ಆ್ಯಪ್ ತೆಗೆದು ಹಾಕಿದ ಗೂಗಲ್
