ನವದೆಹಲಿ: 2026ರ ಹೊತ್ತಿಗೆ ಭಾರತ ಡಿಜಿಟಲ್ ರೂಪಾಂತಾರಕ್ಕೆ ಸರಿಸುಮಾರು 85 ಬಿಲಿಯನ್ ಡಾಲರ್ ಖರ್ಚು ಮಾಡುವ ಸಾಧ್ಯತೆ ಇದೆ. ದೇಶದ ಸಂಸ್ಥೆಗಳ ದಕ್ಷತೆ ಹೆಚ್ಚಿಸುವ ಮೂಲಕ ವೆಚ್ಚವನ್ನು ಕಡಿಮೆ ಮಾಡುವ ಗುರಿಯನ್ನು ಹೊಂದಿದೆ ಭದ್ರತೆ, ಅಪಾಯದ ಸಾಮರ್ಥ್ಯಗಳನ್ನು ಸುಧಾರಿಸುವ ಮೂಲಕ ಮತ್ತು ಟೆಕ್ - ಎನೆಬಲ್ ಡಿಜಿಟಲ್ ರೂಪಾಂತರದ ಮೂಲಕ ಗ್ರಾಹಕರ ಅನುಭವವನ್ನು ಸುಧಾರಿಸುವ ಗುರಿಯನ್ನು ಭಾರತ ಸರ್ಕಾರ ಹಾಕಿಕೊಂಡಿದೆ.
ಐಡಿಸಿ ಪ್ರಕಾರ, 2023ರಲ್ಲಿ 95ಕ್ಕಿಂತ ಹೆಚ್ಚಿನ ಭಾರತದ ಸಂಸ್ಥೆಗಳು ಡಿಎಕ್ಸ್ ವೆಚ್ಚವನ್ನು ಹೆಚ್ಚು ಮಾಡುವ ಅಥವಾ ಅದೇ ಸ್ಥಿತಿಯಲ್ಲಿ ಮುಂದುವರೆಸುವ ಯೋಜನೆ ಹೊಂದಿವೆ. ಕೊರೋನಾ ಸಾಂಕ್ರಾಮಿಕದ ವೇಳೆ ಡಿಜಿಟಲ್ ರೂಪಾಂತರ ಭಾರತದ ಸವಾಲುಗಳನ್ನು ಎದುರಿಸಿ ಸುಸ್ಥಿತಿಯ ಸ್ಪರ್ಧೆ ಉಳಿಸಿಕೊಳ್ಳಲು ಸಹಾಯ ಮಾಡಿತು. ಲಾಕ್ಡೌನ್ ವೇಳೆ ಸಂಸ್ಥೆಗಳಿಗೆ ಡಿಜಿಟೈಸೆಷನ್ ಪ್ರಯತ್ನದ ಮೂಲಕ ಕೆಲಸ ಮಾಡುವಂತೆ ಒತ್ತಾಯಿಸಿದವು.
ಹಲವು ಕ್ಷೇತ್ರಗಳ ಡಿಜಿಟಲೀಕರಣಕ್ಕೆ ಹೆಚ್ಚಿನ ಒತ್ತು; ಉತ್ಪಾದನ, ವೃತ್ತಿಪರ ಸೇವೆ, ಬ್ಯಾಂಕಿಂಗ್, ಸರ್ಕಾರ, ಚಿಲ್ಲರೆ ಮತ್ತು ಟೆಲಿಕಮ್ಯೂನಿಕೇಷನ್ನಂತ ಪ್ರಮುಖ ಉದ್ಯಮಗಳು ಭಾರತದ ಡಿಎಸ್ ಮೇಲೆ ವೆಚ್ಚ ಮಾಡುತ್ತಿದೆ. ಡಿಎಕ್ಸ್ ಎಂಬುದು ಸರಿಯಾದ ತಂತ್ರಜ್ಞಾನವನ್ನು ಅಳವಡಿಸಿಕೊಳ್ಳುವುದು, ಜನರನ್ನು ಒಟ್ಟುಗೂಡಿಸುವುದು ಮತ್ತು ಮಾರುಕಟ್ಟೆ ಸಾಧ್ಯವಾದಷ್ಟು ಉತ್ತಮ ರೀತಿಯಲ್ಲಿ ವಿಕಸನ ಮತ್ತು ಪ್ರತಿಕ್ರಿಯಿಸುವ ಸಾಮರ್ಥ್ಯವನ್ನು ಸಂಸ್ಥೆಗಳಿಗೆ ನೀಡುವ ಕಾರ್ಯಾಚರಣೆಯಾಗಿದೆ ಎಂದು ಐಡಿಸಿ ಇಂಡಿಯಾ ಹಿರಿಯ ಸಂಶೋಧನಾ ನಿರ್ವಹಕ ನೇಹ ಗುಪ್ತಾ ಅಭಿಪ್ರಾಯಪಟ್ಟಿದ್ದಾರೆ.
ಕ್ಲೌಡ್ ಆಟೋಮೆಷನ್, ಕೃತಕ ಬುದ್ದಿಮತೆ(ಎಐ) ಮತ್ತು ನೆಟ್ವರ್ಕ್ ಇನ್ಫ್ರಾಸ್ಟ್ರಕ್ಚರ್, ಇಂಟರ್ನೆಟ್ ಆಫ್ ಥಿಂಕ್ಸ್ ಮತ್ತಿತ್ತರ ಡಿಜಿಟಲ್ ಆಗಿ ಪರಿವರ್ತಿಸಲು ಇತರ ಸುಧಾರಿತ ತಂತ್ರಜ್ಞಾನಗಳತ್ತ ಆಕರ್ಷಿತವಾಗಿವೆ. ಐಟಿ ಪೂರೈಕೆ ಸರಪಳಿ ಅಡೆತಡೆಗಳು, ಹಣದುಬ್ಬರ ಮತ್ತು ಜಾಗತಿಕ ಭೌಗೋಳಿಕ ರಾಜಕೀಯ ಸಮಸ್ಯೆಗಳಂತಹ ಪ್ರಸ್ತುತ ಹೆಡ್‌ವಿಂಡ್‌ಗಳು ಮುಂದುವರಿಯುವ ಸಾಧ್ಯತೆಯಿದೆ. ಭಾರತೀಯ ಸಂಸ್ಥೆಗಳು ಡಿಜಿಟಲ್ ರೂಪಾಂತರಗಳಂತ ಅಂಶಗಳತ್ತ ನೋಡಬೇಕಿದೆ ಎಂದು ಐಡಿಸಿ ಸಿನಿಯರ್ ಮಾರ್ಕೆಟ್ ಅನಾಲಿಸ್ಟ್ ರಿತಿಕ ಪೊನ್ನಲ ತಿಳಿಸಿದ್ದಾರೆ.
ಇದನ್ನೂ ಓದಿ: ವೈದ್ಯಕೀಯ ಕಲಿಕೆಗೂ ತಂತ್ರಜ್ಞಾನದ ಟಚ್; ಡಿಜಿಟೈಸನ್ ಮೂಲಕ ವೈದ್ಯಲೋಕದಲ್ಲೂ ಹಲವು ಬದಲಾವಣೆ
