ನವದೆಹಲಿ: ಮೊಬೈಲ್, ಇ-ಮೇಲ್, ಡಿಜಿಟಲ್ ಲಾಕರ್, ಸಾಮಾಜಿಕ ಮಾಧ್ಯಮಗಳಿಗೆ ನೀಡಿದ ಮಾಹಿತಿಯಿಂದ ಇಂದು ಯಾವುದೂ ವೈಯಕ್ತಿಕವಾಗಿ ಉಳಿದುಕೊಂಡಿಲ್ಲ. ಇದು ನಮ್ಮ ಭದ್ರತೆಯ ಬಗ್ಗೆ ಅನುಮಾನ ಮೂಡಿಸಿದೆ. ಇದನ್ನು ಹೋಗಲಾಡಿಸಲು ಗೂಗಲ್ ವೈಯಕ್ತಿಕ ಮಾಹಿತಿಯನ್ನು ಶಾಶ್ವತವಾಗಿ ಅಳಿಸಿ ಹಾಕುವ ಆಯ್ಕೆಯನ್ನು ನೀಡಿದೆ.
ಗೂಗಲ್ನಲ್ಲಿ ಸೋರಿಕೆಯಾದ ಮಾಹಿತಿಯನ್ನು ಸ್ವತಃ ನಾವೇ ಅದನ್ನು ಅಳಿಸಿ ಹಾಕಬಹುದು. ಇಲ್ಲವೇ ಇಂತಹದ್ದನ್ನು ಡಿಲಿಟ್ ಮಾಡಿ ಎಂದು ಕೋರಿಕೆ ಸಲ್ಲಿಸಬಹುದು. ರಿಸಲ್ಟ್ ಅಬೌಟ್ ಯು ಎಂಬ ಆಯ್ಕೆಯನ್ನು ನೀಡುವುದಾಗಿ ಗೂಗಲ್ ತನ್ನ ವಾರ್ಷಿಕ ಡೆವಲಪರ್ ಸಮ್ಮೇಳನದಲ್ಲಿ ಈ ಹಿಂದೆ ಘೋಷಿಸಿತ್ತು.
ಈ ವರ್ಷಾರಂಭದಲ್ಲಿ ಘೋಷಿಸಲಾದ ನಿಮ್ಮ ಬಗೆಗಿನ ಮಾಹಿತಿ ಆಯ್ಕೆಯನ್ನು ಬಳಕೆದಾರರಿಗೆ ನೀಡಲಿದೆ. ಈ ಹೊಸ ಆಯ್ಕೆಯಿಂದ ವೈಯಕ್ತಿಕ ಮಾಹಿತಿಯಾದ ಮನೆ ವಿಳಾಸ, ಇಮೇಲ್ ವಿಳಾಸ, ಫೋನ್ ಸಂಖ್ಯೆ ಅಥವಾ ಗೂಗಲ್ನಲ್ಲಿ ನಮ್ಮ ಬಗ್ಗೆ ಹುಡುಕಾಟಕ್ಕಿರುವ ಯಾವುದೇ ಇತರ ಮಾಹಿತಿಯನ್ನು ಅಲ್ಲಿಂದ ಅಳಿಸಿ ಹಾಕಬಹುದು.
ಮಾಹಿತಿ ಅಳಿಸುವುದು ಹೇಗೆ?: ಗೂಗಲ್ನಲ್ಲಿ ನಮ್ಮ ಬಗ್ಗೆ ಯಾವುದೇ ಮಾಹಿತಿ ಕಂಡು ಬಂದಲ್ಲಿ ಆ ಪರದೆಯ ಮೂಲೆಯಲ್ಲಿರುವ ಮೂರು ಡಾಟ್ ಇರುವ ಓವರ್ಫ್ಲೋ ಮೆನುವನ್ನು ಕ್ಲಿಕ್ ಮಾಡಬೇಕು. ಆಗ ಅಲ್ಲಿ ಅಬೌಟ್ ದಿಸ್ ರಿಸಲ್ಟ್ ಎಂಬ ಆಯ್ಕೆ ಬರುತ್ತದೆ. ಅದರಲ್ಲಿ "ರಿಮೂವ್ ರಿಸಲ್ಟ್" ಇರುತ್ತದೆ. ಅದನ್ನು ಒತ್ತಬೇಕು.
ನಮ್ಮ ಯಾವುದೇ ವೈಯಕ್ತಿಕ ಗುರುತುಳ್ಳ ಮಾಹಿತಿಯನ್ನು (ಪಿಐಐ) ಅಳಿಸಲು ಗೂಗಲ್ ಸಪೋರ್ಟ್ ಪೇಜ್ಗೆ ಹೋಗಬೇಕು. ಅಲ್ಲಿ ನೀವು ತೆಗೆದುಹಾಕಲು ಬಯಸುವ URL ಅನ್ನು ಹೊಂದಿರುವ ಫಾರ್ಮ್ ಅನ್ನು ಭರ್ತಿ ಮಾಡಬೇಕಾಗುತ್ತದೆ. ಅದನ್ನು ಭರ್ತಿ ಮಾಡಿ ಸಬ್ಮಿಟ್ ಮಾಡಿದ ಬಳಿಕ "ರಿಸಲ್ಟ್ ಅಬೌಟ್ ಯೂ" ಮೆನುವನ್ನು ಬಳಸಲು ಸಾಧ್ಯವಾಗುತ್ತದೆ.
ಜೊತೆಗೆ ಆಲ್ ರಿಕ್ವೆಸ್ಟ್ ತುಂಬಿದ ಬಳಿಕ ಇನ್ ಪ್ರೋಗ್ರಸ್ ಅಂಡ್ ಅಪ್ರೋವ್ಡ್ ಮಾಹಿತಿ ಕಾಣ ಸಿಗಲಿದೆ. ಬಳಿಕ "ಈ ಮಾಹಿತಿಯನ್ನು ಏಕೆ ತೆಗೆದುಹಾಕಲು ಬಯಸುತ್ತೀರಿ?" ಎಂಬ ಪರದೆ ತೆರೆದುಕೊಳ್ಳುತ್ತದೆ. ಮಾಹಿತಿಯನ್ನು ಅಳಿಸುವ ಕೋರಿಕೆಗಳನ್ನು ಸ್ವೀಕರಿಸಿದಾಗ ಉಳಿದ ಮಾಹಿತಿಯನ್ನು ನೋಡುಗರಿಂದ ಬಚ್ಚಿಡಲಾಗದು. ವೆಬ್ ಪುಟದಲ್ಲಿನ ಎಲ್ಲ ಮಾಹಿತಿಗಳು ಮೌಲ್ಯಮಾಪನ ಮಾಡಿದ ಬಳಿಕ ಅವುಗಳು ಮತ್ತೆ ಎಲ್ಲರಿಗೂ ಕಾಣ ಸಿಗುತ್ತದೆ (ಉದಾಹರಣೆಗೆ ಲೇಖನಗಳಲ್ಲಿ ಪ್ರಕಟವಾದ ಮಾಹಿತಿ) ಎಂದು ಗೂಗಲ್ ಹೇಳಿದೆ.
ಗೂಗಲ್ ಸರ್ಚ್ನಲ್ಲಿ ಅಳಿಸಿ ಹಾಕಲಾದ ಮಾಹಿತಿ ವೆಬ್ ಪುಟದಿಂದಲೂ ಕೂಡ ಕಾಣೆಯಾಗದು. ಅದಕ್ಕಾಗಿ ಹೋಸ್ಟಿಂಗ್ ಸೈಟ್ ಅನ್ನು ನೇರವಾಗಿ ಸಂಪರ್ಕಿಸಬಹುದು ಎಂದು ಗೂಗಲ್ ತಿಳಿಸಿದೆ.
