ನವದೆಹಲಿ: ಟೆಕ್ ಕಂಪನಿ ಆಪಲ್ ‘ವಾಚ್ ಫಾರ್ ಬ್ಲ್ಯಾಕ್ ಹಿಸ್ಟರಿ ಮಾಸ’ಕ್ಕಾಗಿ ಯುನಿಕ್ ವಾಚ್ ಬ್ಯಾಂಡ್ ಮತ್ತು ಹೊಸ ವಾಚ್‌ಫೇಸ್‌ನೊಂದಿಗೆ ಸೀಮಿತ ಆವೃತ್ತಿಯ ವಾಚ್ ಬಿಡುಗಡೆ ಮಾಡುತ್ತಿದೆ.
ದಿ ವರ್ಜ್ ಪ್ರಕಾರ, ಗಡಿಯಾರದಿಂದ ಬರುವ ಕೆಲವು ಆದಾಯವು ನಾಗರಿಕ ಹಕ್ಕುಗಳ ಸಂಸ್ಥೆಗಳ ಕಡೆಗೆ ಹೋಗುತ್ತದೆ. ಉತ್ಪನ್ನಗಳ ಹೊಸ ಕಪ್ಪು ಯೂನಿಟಿ ಸಂಗ್ರಹದ ಭಾಗವಾಗಿರುವ ಗಡಿಯಾರವು ಕಪ್ಪು, ಹಸಿರು ಮತ್ತು ಕೆಂಪು ಪಟ್ಟೆ ಬ್ಯಾಂಡ್ ಮತ್ತು ಫೇಸ್ನೊಂದಿಗೆ ಬರುತ್ತದೆ, ಇದು ಪ್ಯಾನ್- ಆಫ್ರಿಕನ್ ಧ್ವಜವನ್ನು ಪ್ರತಿಬಿಂಬಿಸುತ್ತದೆ. ಆಪಲ್ ವಾಚ್ ಸರಣಿ 6 ರ ಸ್ಟ್ಯಾಂಡರ್ಡ್ ಅಲ್ಯೂಮಿನಿಯಂ ಆವೃತ್ತಿಯಂತೆ ಕಂಡುಬರುತ್ತದೆ.
ಇದರ ಬೆಲೆ USD 399 ಅಂದರೆ ಅಂದಾಜು 29,127 ರೂಪಾಯಿಯಿಂದ ಪ್ರಾರಂಭವಾಗುತ್ತದೆ. ಬ್ಯಾಂಡ್ USD 49 ಅಂದರೆ 3,577 ರೂಪಾಯಿ ಪ್ರತ್ಯೇಕವಾಗಿ ಲಭ್ಯವಿರುತ್ತದೆ. ಈ ಉತ್ಪನ್ನಗಳು ಫೆಬ್ರವರಿ 1 ರಿಂದ ಮಾರಾಟವಾಗುತ್ತವೆ ಎಂದು ದಿ ವರ್ಜ್ ವರದಿ ಮಾಡಿದೆ.
ಇದನ್ನೂ ಓದಿ: 2021ರಲ್ಲಿ ಭಾರತದ ಜಿಡಿಪಿ ಶೇ. 11.5ರಷ್ಟು ಬೆಳವಣಿಗೆ: ಐಎಂಎಫ್
ಬ್ಲ್ಯಾಕ್ ಲೈವ್ಸ್ ಮ್ಯಾಟರ್ ಸಪೋರ್ಟ್ ಫಂಡ್, ಎನ್‌ಎಎಸಿಪಿ ಲೀಗಲ್ ಡಿಫೆನ್ಸ್ ಅಂಡ್ ಎಜುಕೇಶನ್ ಫಂಡ್ ಮತ್ತು ಯುರೋಪಿಯನ್ ನೆಟ್‌ವರ್ಕ್ ಎಗೇನ್ಸ್ಟ್ ರೇಸಿಸಂ ಸೇರಿದಂತೆ ಈ ಉತ್ಪನ್ನ ಬಿಡುಗಡೆಯ ಭಾಗವಾಗಿ 'ಆರು ಜಾಗತಿಕ ಸಂಸ್ಥೆಗಳನ್ನು ಬೆಂಬಲಿಸಲಿದೆ' ಎಂದು ಆಪಲ್ ಹೇಳಿದೆ.
