ನವದೆಹಲಿ: 2030ರ ಹೊತ್ತಿಗೆ ಭಾರತದಲ್ಲಿ ಪ್ರತಿ ವರ್ಷ 1 ಕೋಟಿ ಎಲೆಕ್ಟ್ರಿಕಲ್ ವಾಹನ (ಇವಿ) ಮಾರಾಟ ಕಾಣಬಹುದಾಗಿದೆ. ಇದರಿಂದ 5 ಕೋಟಿ ಉದ್ಯೋಗ ಸೃಷ್ಟಿಯಾಗಲಿದೆ ಎಂದು ಕೇಂದ್ರ ರಸ್ತೆ ಸಾರಿಗೆ ಮತ್ತು ಹೆದ್ದಾರಿ ಸಚಿವ ನಿತಿನ್ ಗಡ್ಕರಿ ತಿಳಿಸಿದರು.
ವಾಹನ್ ದತ್ತಾಂಶದ ಪ್ರಕಾರ, ದೇಶದಲ್ಲಿ ಈಗಾಗಲೇ 34.54 ಲಕ್ಷ ಇವಿಗಳು ಈಗಾಗಲೇ ನೋಂದಾಣಿಯಾಗಿದೆ ಎಂದು 19ನೇ ಇವಿ ಎಕ್ಸ್ಪೋ 2023 ರಲ್ಲಿ ಮಾತನಾಡಿದರು. ಸರ್ಕಾರದ ಪ್ರಯತ್ನಗಳೊಂದಿಗೆ ದೇಶವು ವಿಶ್ವದ ಅಗ್ರ ಇವಿ ಪ್ಲೇಯರ್ ಆಗುವ ಸಾಮರ್ಥ್ಯ ಹೊಂದಿದೆ. ಮಾಲಿನ್ಯಕಾರಕ ವಾಹನಗಳನ್ನು ಹೈಬ್ರೀಡ್ ಮತ್ತು ಸಂಪೂರ್ಣ ಇವಿಗಳಾಗಿ ಪರಿವರ್ತಿಸಲು ಕೇಂದ್ರವೂ ಅನುಮತಿ ನೀಡಿದೆ.
ಭಾರತದ ಇವಿ ಮಾರುಕಟ್ಟೆಯು 2030ರ ಹೊತ್ತಿಗೆ 100 ಬಿಲಿಯನ್ ಆದಾಯದ ನಿರೀಕ್ಷೆ ಹೊಂದಿದೆ. ಇವಿ ಮಾರುಕಟ್ಟೆ ಬೆಳವಣಿಗೆಯು ನಾಲ್ಕು ಚಕ್ರದ ವಾಹನದ ಜೊತೆಗೆ ದ್ವಿಚಕ್ರ ಮತ್ತು ತ್ರಿ ಚಕ್ರ ಎರಡೂ ವರ್ಗದಲ್ಲಿ ಬಲವಾದ ಅಳವಡಿಕೆಯ ಚಾಲನೆಯನ್ನು ಹೊಂದಿದೆ. ಈ ಒಳಗೊಳ್ಳುವಿಕೆಯು ಶೇ 20ರಷ್ಟುಕ್ಕೂ ಹೆಚ್ಚು ಪ್ರಮಾಣದಲ್ಲಿ ಬೆಳವಣಿಗೆಯನ್ನು ಹೊಂದಿದೆ
ಆದಾಗ್ಯೂ, ಈ ಸಾಮರ್ಥ್ಯ ಸಾಧಿಸುವ ನಿಟ್ಟಿನಲ್ಲಿ ಅನೇಕ ಸವಾಲನ್ನು ಇದು ಹೊಂದಿದೆ. ಅದರಲ್ಲೂ ಪ್ರಮುಖವಾಗಿ ಐದು ವಿಭಾಗದಲ್ಲಿ ಹೊಸ ಉತ್ಪನ್ನ, ಅಭಿವೃದ್ಧಿ, ಮಾರುಕಟ್ಟೆ/ ವಿತರಣೆ, ಗ್ರಾಹಕ ಪ್ರಾಧಾನ್ಯತೆ, ಸಾಫ್ಟ್ವೇರ್ ಡೆವಲಪ್ಮೆಂಟ್, ಚಾರ್ಜಿಂಗ್ ಸೂಚನೆಯಲ್ಲಿ ಪ್ರಮುಖ ಸವಾಲನ್ನು ಹೊಂದಿದೆ.
ಭಾರತಕ್ಕೆ ನಿಧಾನ ಮತ್ತು ವೇಗದ ಚಾರ್ಜಿಂಗ್ ಸೌಕರ್ಯ ಬೇಕಿದೆ. ಈ ನಿಟ್ಟಿನಲ್ಲಿ ಚಾಲ್ತಿಯಲ್ಲಿರುವ ಇವಿ ಪ್ರದೇಶದಲ್ಲಿ ಹೆಚ್ಚಿನ ಚಾರ್ಜಿಂಗ್ ಪಾಯಿಂಟ್ಗಳ ಅಭಿವೃದ್ಧಿಯಾಗಬೇಕಿದೆ. ಜೊತೆಗೆ ಆತಂಕ ವಲಯವನ್ನು ಕಡಿಮೆ ಮಾಡಲು ಪಿನ್ ಕೋಡ್ ಕವರೇಜ್ ವಿಸ್ತರಿಸಬೇಕಿದೆ ಎಂದು ವರದಿ ತಿಳಿಸಿದೆ.
ಎಲೆಕ್ಟ್ರಿಕ್ ದ್ವಿಚಕ್ರ (ಇವಿಡಬ್ಲ್ಯೂ) ಮಾರುಕಟ್ಟೆಯು 2030ರ ಹೊತ್ತಿಗೆ 5 ರಿಂದ 45ರಷ್ಟು ಬೆಳವಣಿಗೆ ಕಾಣಲಿದೆ. ಮೂಲ ಸಲಕರಣೆ ತಯಾರಕರು ಸ್ಕೂಟರ್ ವಿಭಾಗದಲ್ಲಿ 50 ಪ್ರತಿಶತಕ್ಕೂ ಹೆಚ್ಚು ನುಗ್ಗುವಿಕೆ ಸಕ್ರಿಯಗೊಳಿಸಲು ಮಧ್ಯ ವಿಭಾಗದ ಸ್ಕೂಟರ್ ಉತ್ಪನ್ನಗಳನ್ನು ಅಭಿವೃದ್ಧಿ ಪಡಿಸುತ್ತಾರೆ ಮತ್ತು ಪ್ರವೇಶ ಮಟ್ಟದ ಮೋಟಾರ್‌ಸೈಕಲ್ ಕೊಡುಗೆಗಳನ್ನು ಪರಿಚಯಿಸಿದರು. ಎಲೆಕ್ಟ್ರಿಕ್ ನಾಲ್ಕು ಚಕ್ರದ ಮಾರುಕಟ್ಟೆ ಪ್ರಯಾಣಿಕರ ವಿಭಾಗವು ಒಳಗೊಳ್ಳುವ ಮೊದಲು ಫ್ಲೀಟ್‌ನೊಂದಿಗೆ ಪ್ರಾರಂಭವಾಗುವ ನಿರೀಕ್ಷೆಯಿದೆ.
ಇದನ್ನೂ ಓದಿ: 2 ವರ್ಷಗಳಲ್ಲಿ 35 ಸಾವಿರ ನೌಕರರನ್ನು ವಜಾ ಮಾಡಿದ ಭಾರತೀಯ ಸ್ಟಾರ್ಟಪ್ಗಳು
