ನವದೆಹಲಿ : ಎಐ ಸಾಮರ್ಥ್ಯದ ಚಾಟ್ ಬಾಟ್ ಚಾಟ್ ಜಿಪಿಟಿ ತಯಾರಕ ಕಂಪನಿ ಓಪನ್ ಎಐ ವೆಬ್ಸೈಟ್ ಈ ತಿಂಗಳು 100 ಕೋಟಿ ವಿಶಿಷ್ಟ ಸಕ್ರಿಯ ಬಳಕೆದಾರರನ್ನು ಪಡೆಯುವತ್ತ ಹತ್ತಿರವಾಗುತ್ತಿದೆ. ಅಲ್ಲಿಗೆ ಓಪನ್ ಎಐ ವಿಶ್ವದಲ್ಲೇ ಅತಿ ವೇಗವಾಗಿ ಬೆಳವಣಿಗೆ ಹೊಂದಿದ 50 ವೆಬ್ಸೈಟ್ಗಳಲ್ಲಿ ಒಂದಾಗಲಿದೆ. ಓಪನ್ ಎಐ ನ ವೆಬ್ಸೈಟ್ ಓಪನ್ ಎಐ ಡಾಟ್ ಕಾಂ ಒಂದು ತಿಂಗಳೊಳಗೆ ಟ್ರಾಫಿಕ್ ಪ್ರಮಾಣದಲ್ಲಿ ಶೇಕಡಾ 54.21 ರಷ್ಟು ಬೆಳೆದಿದೆ ಎಂದು ಅಮೆರಿಕ ಮೂಲದ SaaS Webflow ವಿನ್ಯಾಸ ಮತ್ತು ಕಾರ್ಯಕ್ಷಮತೆಯ ಮಾರ್ಕೆಟಿಂಗ್ ಏಜೆನ್ಸಿ VezaDigital ವರದಿ ತಿಳಿಸಿದೆ.
ಸಿಮಿಲರ್ ವೆಬ್ (ಇಸ್ರೇಲ್-ಆಧಾರಿತ ಸಾಫ್ಟ್‌ವೇರ್ ಮತ್ತು ಡೇಟಾ ಕಂಪನಿ) ದ ಡೇಟಾವನ್ನು ಆಧರಿಸಿ ಮಾರ್ಚ್‌ನಲ್ಲಿ ಅತಿ ಹೆಚ್ಚು ಒಟ್ಟು ಬಳಕೆದಾರರು ಭೇಟಿ ನೀಡಿರುವ ಟಾಪ್ 50 ವೆಬ್‌ಸೈಟ್‌ಗಳ ಟ್ರಾಫಿಕ್ ಅಂಕಿ - ಅಂಶಗಳನ್ನು ಏಜೆನ್ಸಿ ವಿಶ್ಲೇಷಿಸಿದೆ. "ಚಾಟ್ಜಿಪಿಟಿ ವಿದ್ಯಮಾನವು 2022 ರ ಕೊನೆಯಲ್ಲಿ ಕಾಡ್ಗಿಚ್ಚಿನಂತೆ ಬೆಳವಣಿಗೆ ಹೊಂದಿದೆ ಮತ್ತು ನಂಬಲಾಗದಷ್ಟು ಕಡಿಮೆ ಸಮಯದಲ್ಲಿ 1 ಬಿಲಿಯನ್ ಮಾಸಿಕ ಸಕ್ರಿಯ ಬಳಕೆದಾರರನ್ನು ತಲುಪುವ ಅತ್ಯಂತ ವೇಗದ ವೆಬ್ಸೈಟ್ ಎಂಬ ಎಲ್ಲಾ ದಾಖಲೆಗಳನ್ನು ಶೀಘ್ರದಲ್ಲೇ ಮುರಿಯುತ್ತದೆ ಎಂದು ನಾವು ನಿರೀಕ್ಷಿಸುತ್ತೇವೆ" ಎಂದು ವೆಜಾ ಡಿಜಿಟಲ್ನ ಸಿಇಒ ಸ್ಟೀಫನ್ ಕಟಾನಿಕ್ ಹೇಳಿದರು.
ಮಾರ್ಚ್‌ನಲ್ಲಿ ಒಟ್ಟು 847.8 ಮಿಲಿಯನ್ ಅನನ್ಯ ಸಂದರ್ಶಕರು ಓಪನ್‌ಎಐ ವೆಬ್ಸೈಟ್ಗೆ ಭೇಟಿ ನೀಡಿದ್ದಾರೆ ಎಂದು ವರದಿಯಲ್ಲಿ ಉಲ್ಲೇಖಿಸಲಾಗಿದೆ. ಅಂದರೆ ಇದು ಜಾಗತಿಕ ಶ್ರೇಯಾಂಕದಲ್ಲಿ ಒಂಬತ್ತು ಸ್ಥಾನಗಳಷ್ಟು ಏರಿಕೆಯಾಗಿ 18 ನೇ ಸ್ಥಾನಕ್ಕೆ ತಲುಪಿದೆ. ವಿಶ್ವದ 51 ನೇ ಅತಿ ಹೆಚ್ಚು ಭೇಟಿ ನೀಡಿದ ವೆಬ್‌ಸೈಟ್‌ನಿಂದ 27 ನೇ ಶ್ರೇಯಾಂಕಕ್ಕೆ 24 ಸ್ಥಾನಗಳನ್ನು ಗಳಿಸಿದಾಗ ಅದು ತಿಂಗಳ ಹಿಂದೆ ಇನ್ನೂ ದೊಡ್ಡ ಅಧಿಕವನ್ನು ಅನುಭವಿಸಿತು. ಇಷ್ಟು ಮಾತ್ರವಲ್ಲದೆ ಈ ವೆಬ್ಸೈಟ್ 24 ಸ್ಥಾನಗಳಷ್ಟು ಏರಿಕೆಯಾಗಿ ವಿಶ್ವದ 51 ಅತಿ ಹೆಚ್ಚು ಬಳಕೆದಾರರನ್ನು ಹೊಂದಿರುವ ವೆಬ್ಸೈಟ್ ಆಗಿತ್ತು.
"ಮುಂದಿನ ಐದು ವರ್ಷಗಳಲ್ಲಿ ಶೇಕಡಾ 50 ಕ್ಕಿಂತ ಹೆಚ್ಚು ವ್ಯವಹಾರಗಳಲ್ಲಿ ಎಐ ದೊಡ್ಡ ಪಾತ್ರವನ್ನು ವಹಿಸುತ್ತದೆ ಎಂದು ನಾವು ನಂಬುತ್ತೇವೆ. ಆದ್ದರಿಂದ ನಾವು ನಮ್ಮ ದೈನಂದಿನ ಕಾರ್ಯಾಚರಣೆಗಳಲ್ಲಿ ಮತ್ತು ನಮ್ಮ ಕಂಪನಿಯ ಕಾರ್ಯತಂತ್ರದ ಭೌಗೋಳಿಕ ಸ್ಥಾನೀಕರಣದಲ್ಲಿ ಈ ತಂತ್ರಜ್ಞಾನದ ಪ್ರಗತಿಯನ್ನು ಎದುರು ಣೋಡುತ್ತಿದ್ದೇವೆ" ಎಂದು ಕಟಾನಿಕ್ ಹೇಳಿದರು. ಓಪನ್ ಎಐ ಈಗಾಗಲೇ ಈ ವರ್ಷದ ಫೆಬ್ರವರಿಯಲ್ಲಿ ಒಂದು ಶತಕೋಟಿ ಬಳಕೆದಾರರ ಮೈಲಿಗಲ್ಲನ್ನು ಮೀರಿಸಿದೆ ಮತ್ತು ಮಾರ್ಚ್‌ನಲ್ಲಿ 1.6 ಶತಕೋಟಿ ಬಳಕೆದಾರರನ್ನು ತಲುಪುವ ನಿರೀಕ್ಷೆಯಿದೆ.
ChatGPT ಎಂಬುದು AI ಸಂಶೋಧನಾ ಕಂಪನಿಯಾದ OpenAI ನಿಂದ ನವೆಂಬರ್ 2022 ರಲ್ಲಿ ಬಿಡುಗಡೆಯಾದ ಉಚಿತ ಚಾಟ್‌ಬಾಟ್ ಆಗಿದೆ. ಚಾಟ್‌ಬಾಟ್‌ಗಳು ಮಾತನಾಡುವ ಅಥವಾ ಲಿಖಿತ ಸಂವಾದದಲ್ಲಿ ತೊಡಗಿಸಿಕೊಳ್ಳುವ AI ವ್ಯವಸ್ಥೆಗಳಾಗಿವೆ. ಇವು ಸಾಮಾನ್ಯವಾಗಿ ಕಂಪನಿಯ ವೆಬ್‌ಸೈಟ್‌ಗಳ ಗ್ರಾಹಕ ಸೇವಾ ವಿಭಾಗಗಳು ಮತ್ತು ಸಿರಿ ಅಥವಾ ಅಲೆಕ್ಸಾದಂತಹ ವರ್ಚುವಲ್ ಅಸಿಸ್ಟಂಟ್ಗಳಂತೆ ಕೆಲಸ ಮಾಡುತ್ತವೆ. ಚಾಟ್ಜಿಪಿಟಿ ಇತರ ಚಾಟ್‌ಬಾಟ್‌ಗಳಿಂದ ಭಿನ್ನವಾಗಿದೆ.
ಇದನ್ನೂ ಓದಿ: ಜಗತ್ತನ್ನೇ ಬದಲಾಯಿಸಬಲ್ಲವು ಎಐ ಚಿಪ್ಸ್.. ಏನಿದರ ಸಾಮರ್ಥ್ಯ?
