ಲಾಸ್ ಏಂಜಲ್ಸ್: ಟ್ವಿಟರ್ ಸಿಇಒ ಆದ ಬಳಿಕ ಉದ್ಯಮಿ ಎಲೋನ್ ಮಸ್ಕ್ ಉದ್ಯೋಗಿಗಳ ವಜಾದಿಂದ ಬ್ಲೂ ಟಿಕ್ ಚಂದಾದಾರಿಕೆವರೆಗೆ ಹಲವು ನಿರ್ಣಯಗಳನ್ನು ಕೈಗೊಂಡಿದ್ದಾರೆ. ಅಲ್ಲದೇ ಈ ಸಂಬಂಧ ಮಸ್ಕ್ ಕೂಡ ಹಲವು ಟೀಕೆಗೆ ಗುರಿಯಾಗಿದ್ದಾರೆ. ಪ್ರಸ್ತುತ ಅನೇಕ ಖ್ಯಾತನಾಮರ ಬ್ಲೂ ಟಿಕ್ ಲೆಗಸಿಯನ್ನು ತೆಗೆದ ಕಾರಣಕ್ಕೆ ಹಲವರು ಮಸ್ಕ್ನ ಕಟು ಧೋರಣೆಗೆ ಆಕ್ರೋಶ ವ್ಯಕ್ತಪಡಿಸುತ್ತಿದ್ದಾರೆ. ಈ ಹಿಂದೆ ಬ್ಲೂ ಟಿಕ್ ಹೊಂದಿದ ಅನೇಕರು ಇದೀಗ ಪಾವತಿ ಮಾಡದ ಹಿನ್ನೆಲೆ ತಮ್ಮ ಲೆಗಸಿಯನ್ನು ಕಳೆದುಕೊಂಡಿದ್ದಾರೆ. ಟ್ವಿಟರ್ ಸಂಸ್ಥಾಪಕರಾದ ಜಾರ್ಕ್ ಡೋರ್ಸೆ ಕೂಡ ಹೊರತಾಗಿಲ್ಲ ಎಂಬುದು ಗಮನಿಸಬೇಕಾದ ವಿಷಯ.
ಏನಿದು ಟ್ವೀಟ್: ಆದಾಗ್ಯೂ, ಮಸ್ಕ್ ಕೆಲವು ಪ್ರಮುಖ ವ್ಯಕ್ತಿಗಳಿಗೆ ಯಾವುದೇ ಪಾವತಿ ಇಲ್ಲದೇ, ಈ ಬ್ಲೂ ಟಿಕ್ ಅನ್ನು ಮರು ನೀಡಿದ್ದಾರೆ. ಅದರಲ್ಲೂ ಮಸ್ಕ್ ಅವರ ಅಚ್ಚುಮೆಚ್ಚಿನ ಲೇಖಕರಲ್ಲಿ ಒಬ್ಬರಾಗಿರುವ ಸ್ಟೀಫನ್ ಕಿಂಗ್ ಕೂಡ ಈ ಬ್ಲೂ ಟಿಕ್ ಅನ್ನು ಪಡೆದಿದ್ದಾರೆ. ಆದರೆ, ಮಸ್ಕ್ ನೀಡಿರುವ ಈ ಪ್ರಯೋಚಿತ ಬ್ಲೂಟಿಕ್ ಸ್ಟೀಫನ್ ಕಿಂಗ್ಗೆ ಬೇಸರ ವ್ಯಕ್ತಪಡಿಸಿದ್ದಾರೆ. ಈ ಕುರಿತು ಟ್ವೀಟ್ ಮಾಡಿರುವ ಸ್ಟೀಫನ್ ಕಿಂಗ್, ತಮ್ಮ ಬ್ಲೂಟಿಕ್ ವೇರಿಫೀಕೇಷನ್ಗೆ ವ್ಯಯ ಮಾಡುತ್ತಿರುವ ಹಣವನ್ನು ಉಕ್ರೇನ್ ಮತ್ತು ರಷ್ಯಾ ಯುದ್ದಕ್ಕೆ ದಾನಮಾಡುವಂತೆ ಸಲಹೆ ನೀಡಿದ್ದಾರೆ.
ಮಸ್ಕ್ ಅವರು ತಮ್ಮ ಬ್ಲೂ ಚೆಕ್ ಪಾವತಿಯ ಚೆಕ್ ಅನ್ನು ದೇಣಿಗೆ ನೀಡುವುದು ಒಳಿತು. ಉಕ್ರೇನ್ ಯುದ್ಧ ಸಂತ್ರಸ್ತರಿಗೆ ಜೀವನಕ್ಕೆ ಸಹಾಯ ಮಾಡುತ್ತಿರುವ ಪ್ರತ್ಯುಲಾ ಫೌಂಡೇಷನ್ಗೆ ಈ ಹಣ ನೀಡಬೇಕು. ಕೇವಲ 8 ಅಮೆರಿಕನ್ ಡಾಲರ್ ಅಲ್ಲದೇ ಇನ್ನು ಹೆಚ್ಚು ಕೂಡ ಮಸ್ಕ್ ಅವರು ದೇಣಿಗೆ ನೀಡಬಹುದು ಎಂದು ಟ್ವೀಟ್ ಮೂಲಕ ಕಿಂಗ್ ತಿಳಿಸಿದ್ದಾರೆ. ಈ ಮೂಲಕ ತಾವು ಟ್ವಿಟರ್ಗೆ ಯಾವುದೇ ಪಾವತಿ ಮಾಡದಿದ್ದರೂ ಮಸ್ಕ್ ತಮಗೆ ಉಚಿತವಾಗಿ ನೀಡಿರುವ ಬ್ಲೂ ಟಿಕ್ ಸೇವೆಯನ್ನು ನಯವಾಗಿ ತಿರಸ್ಕರಿಸುವುದರ ಜೊತೆಗೆ ತಿರುಗೇಟು ನೀಡಿದ್ದಾರೆ.
ಟ್ವಿಟರ್ ಅಕೌಂಟ್ ಬ್ಲೂ ಟಿಕ್ ಸೇವೆ ಸಬ್ಸ್ಕ್ರೈಬ್ ಮಾಡಿದ್ದೇವೆ ಎನ್ನುತ್ತಿದೆ. ಆದರೆ ನಾನು ಮಾಡಿಲ್ಲ. ನಾನು ಯಾವುದೇ ಪಾವತಿ ಮಾಡಿಲ್ಲ. ನಾನು ಟ್ವಿಟರ್ಗೆ ಕೇವಲ ಫೋನ್ ನಂಬರ್ ಮಾತ್ರ ನೀಡಿದ್ದೇನೆ ಎಂದಿದ್ದಾರೆ ಕಿಂಗ್ ಕಿಂಗ್ ಟ್ವೀಟ್ಗೆ ಕೆರಳಿರುವ ಮಸ್ಕ್, ನಾನು ಈಗಾಗಲೇ ಉಕ್ರೇನ್ ಯುದ್ದ ಪೀಡಿತರ ಸಹಾಯಕ್ಕೆ ಮುಂದಾಗಿದ್ದು, 100 ಅಮೆರಿಕನ್ ಡಾಲರ್ ನೀಡಿದ್ದೇನೆ. ನೀವು ಎಷ್ಟು ನೀಡಿದ್ದೀರಾ ಎಂದು ಮರು ಸವಾಲು ಹಾಕಿದ್ದಾರೆ ಕಿಂಗ್ಗೆ. ರಕ್ಷಣಾ ಇಲಾಖೆ ಹಣ ಕಡಿಮೆಯಾದರೂ ಸ್ಲೇಸ್ ಎಕ್ಸ್ ಸಂಘಟನೆ ತನ್ನ ಸೇವಾ ನಿಧಿಯನ್ನು ಮುಂದುವರೆಸಿದೆ ಎಂದಿದ್ದಾರೆ.
ಬ್ಲೂಟಿಕ್ ಸೇವೆ: 2009ರಲ್ಲಿ ಮೊದಲ ಬಾರಿಗೆ ಸೆಲೆಬ್ರಿಟಿ, ರಾಜಕೀಯ ನಾಯಕರು, ಕಂಪನಿಗಳು ಮತ್ತು ಬ್ರಾಂಡ್ಸ್, ಸುದ್ದಿ ಸಂಘಟನೆ ಮತ್ತಿತ್ತರ ಸಾರ್ವಜನಿಕ ಹಿತಾಸಕ್ತಿ ಖಾತೆಗಳಿಗೆ ಬ್ಲೂ ಟಿಕ್ ಸೇವೆಯನ್ನು ಪರಿಚಯಿಸಿತು. ಅನೇಕ ವೆರಿಫಿಕೇಷನ್ ಬಳಿಕ ಅನೇಕರು ಬ್ಲೂ ಟಿಕ್ ಸೇವೆ ಪಡೆದರು.
ಇತ್ತೀಚೆಗೆ ಟ್ವಿಟರ್ ಸಿಇಒ ಆದ ಬಳಿಕ ಎಲೋನ್ ಮಸ್ಕ್ ಈ ಬ್ಲೂಟಿಕ್ ಸೇವೆಗೆ ಹೊಸ ಮಾರ್ಪಡು ತಂದರು. ಹಣ ಪಾವತಿ ಮಾಡಿದರೆ ಮಾತ್ರ ಈ ಬ್ಲೂ ಟಿಕ್ ಸೇವೆ ಎಂದು ನಿಯಮ ಜಾರಿಗೆ ತಂದರೂ, ಆರಂಭದಲ್ಲಿ ಇದಕ್ಕೆ ಆಕ್ರೋಶ ವ್ಯಕ್ತವಾದ ಹಿನ್ನೆಲೆಯಲ್ಲಿ ತಮ್ಮ ನಿರ್ಧಾರವನ್ನು ಹಿಂಪಡೆದಿದ್ದರು. ಆದರೆ, ಏಪ್ರಿಲ್ 1 ರಿಂದ ಇದರ ಕಟ್ಟು ನಿಟ್ಟಿನ ಪಾಲನೆಗೆ ಮುಂದಾಗಿದ್ದು, ಅನೇಕ ಖ್ಯಾತನಾಮರು ತಮ್ಮ ಈ ಬ್ಲೂ ಲೆಗಸಿಯನ್ನು ಕಳೆದುಕೊಂಡಿದ್ದಾರೆ.
ಇದನ್ನೂ ಓದಿ: ಟ್ವಿಟರ್ ಯೂಟರ್ನ್: ಪೇ ಮಾಡದಿದ್ದರೂ ಅನೇಕರಿಗೆ ಮರಳಿ ಸಿಕ್ಕ ಬ್ಲೂಟಿಕ್!
