ನವದೆಹಲಿ: ಆ್ಯಪಲ್ ಐಒಎಸ್ 16 ಬೆಟಾ ಸಾಫ್ಟ್ವೇರ್ ಪ್ರೋಗ್ರಾಂ ಅನ್ನು ಭಾರತದಲ್ಲಿ ಇದೀಗ ಏರ್ಟೆಲ್ ಮತ್ತು ಜಿಯೋ ಗ್ರಾಹಕರು ಕೂಡ ಅನುಭವಿಸಬಹುದಾಗಿದೆ. ಈ ಮೂಲಕ 5ಜಿ ಸೂಪರ್ ಫಾಸ್ಟ್ ಇಂಟರ್ನೆಟ್ ಬಳಕೆ ಮಾಡಬಹುದಾಗಿದೆ. ಐಫೋನ್ನ 14, ಐಫೋನ್ 13, ಐಫೋನ್ 12 ಮತ್ತು ಐಫೋನ್ 3ಎಸ್ಇ (ಥರ್ಡ್ ಜನರೇಷನ್) ಮೊಬೈಲ್ ಹೊಂದಿರುವವರೂ ಕೂಡ 5ಜಿ ಸೇವೆಯನ್ನು ಡಿಸೆಂಬರ್ಗೆ ಮೊದಲೇ ಪಡೆಯಬಹುದಾಗಿದೆ.
5ಜಿ ಸೇವೆ ಡಿಸೆಂಬರ್ನಲ್ಲಿ ಸಾರ್ವಜನಿಕವಾಗಿ ಲಭ್ಯವಾಗಲಿದ್ದು, ಅದಕ್ಕೂ ಮೊದಲು ಭಾರತದಲ್ಲಿ ಆ್ಯಪಲ್ನ ಐಒಎಸ್ 16 ಬೆಟಾ ಸಾಫ್ಟ್ವೇರ್ನಲ್ಲಿ ಪಡೆಯಬಹುದಾಗಿದೆ. ಬೆಟಾ ಸಾಫ್ಟ್ವೇರ್ ಸಾರ್ವಜನಿಕವಾಗಿ ಲಭ್ಯವಾಗುವ ಮೊದಲೇ ಅಭ್ಯಾಸ ಪೂರ್ವವಾಗಿ ಈ ಬೆಟಾ ಪ್ರೋಗ್ರಾಮ್ ಅನ್ನು ಬಳಕೆದಾರರು ಪಡೆಯಬಹುದಾಗಿದೆ. ಆ್ಯಪಲ್ನ 5ಜಿ ಬೆಟಾ ಯಾವುದೇ ದೇಶದಲ್ಲಿ ಆ್ಯಪಲ್ ಐಡಿಹೊಂದಿರುವ ಗ್ರಾಹಕರು ತೆರೆಯಬಹುದಾಗಿದೆ. ಸೈನ್ ಅಪ್ ಪ್ರಕ್ರಿಯೆ ವೇಳೆ ಅವರು ಕೆಲವು ಷರತ್ತುಗಳಿಗೆ ಸಮ್ಮತಿ ಸೂಚಿಸಬೇಕಾಗಿದೆ.
ಬೆಟಾ ಸಾಫ್ಟ್ವೇರ್ ಡೌನ್ಲೋಡ್ ಮಾಡುವ ಮುನ್ನ ಅವರು ತಮ್ಮ ಡಾಟಾ ಬ್ಯಾಕ್ಅಪ್ ಹೊಂದಿರುವುದು ಅವಶ್ಯ. ಬ್ಯುಸಿನೆಸ್ ಅವಶ್ಯಕತೆಗೆ ಹೊರತಾದ ಇತರ ಡಿವೈಸ್ಗಳಲ್ಲಿ ಈ ಬೆಟಾ ಸಾಫ್ಟ್ವೇರ್ ಡೌನ್ಲೋಡ್ ಮಾಡುವುದು ಸುರಕ್ಷಿತ.
ಐಒಎಸ್ ಬೆಟಾ ಫೀಡ್ಬ್ಯಾಕ್ ಅಸಿಸ್ಟಂಟ್ ಆ್ಯಪ್ ಆಗಿ ತಯಾರಿಕೆ ಮಾಡಲಾಗಿದ್ದು, ಐಫೋನ್ ಮತ್ತು ಐಪಾಡ್ ಅಥವಾ ಮ್ಯಾಕ್ನ ಡಾಕ್ನಲ್ಲಿ ಹೋಮ್ ಸ್ಕ್ರೀನ್ನಲ್ಲಿ ತೆರೆಯಬಹುದಾಗಿದೆ. ನೆಟ್ವರ್ಕ್ ಪ್ರಮಾಣೀಕರಣ ಮತ್ತು ಗುಣಮಟ್ಟ ಪರೀಕ್ಷೆ ಪೂರ್ಣಗೊಂಡಿದ್ದು, ಭಾರತೀಯ ಗ್ರಾಹಕರಿಗೆ ಉತ್ತಮ ಐಜಿ ಸೇವೆ ನೀಡಲು ಆ್ಯಪಲ್ ಕಾರ್ಯ ನಿರ್ವಹಿಸುತ್ತಿರುವುದಾಗಿ ಕಂಪನಿ ಕಳೆದ ಅಕ್ಟೋಬರ್ನಲ್ಲಿ ತಿಳಿಸಿತ್ತು.
ಡಿಸೆಂಬರ್ನಿಂದ ಸಾಫ್ಟ್ವೇರ್ ಅಪ್ಡೇಟ್ ಮಾಡುವ ಮೂಲಕ ಐಫೋನ್ ಬಳಕೆದಾರರು ಐಜಿ ಸೇವೆ ಪಡೆಯಲಿದ್ದಾರೆ. ಭಾರತದಲ್ಲಿ ಪ್ರಮುಖ ಮೇಟ್ರೊ ನಗರದಲ್ಲಿ ಹಂತ ಹಂತವಾಗಿ 5ಜಿ ಸೇವೆ ಆರಂಭವಾಗಲಿದೆ. ಆ್ಯಪಲ್ ಬಳಕೆದಾರರು ಉತ್ತಮ ಸೇವೆ ಪಡೆಯಲು ತಾವು ಹಲವು ಮಟ್ಟದಲ್ಲಿ ಪರೀಕ್ಷೆ ನಡೆಸುತ್ತಿರುವುದಾಗಿ ಸಂಸ್ಥೆ ತಿಳಿಸಿದೆ.
ಇದನ್ನೂ ಓದಿ: ‘ಹೇ ಸಿರಿ’ ಕಮಾಂಡ್ ಕೇವಲ ‘ಸಿರಿ’ ಎಂದು ಬದಲಾಯಿಸಲು ಆ್ಯಪಲ್ ನಿರ್ಧಾರ