ಸೈಬರಾಬಾದ್ (ತೆಲಂಗಾಣ): ಸುಲಿಗೆ ಮಾಡುತ್ತಾ ಜನರಲ್ಲಿ ಆತಂಕ ಸೃಷ್ಟಿಸುತ್ತಿದ್ದ ಎಂಟು ಮಂದಿ ಮಂಗಳಮುಖಿಯರು ಹಾಗೂ ಇಬ್ಬರು ಆಟೋ ಚಾಲಕರನ್ನು ತೆಲಂಗಾಣ ಪೊಲೀಸರು ಬಂಧಿಸಿದ್ದಾರೆ.
ಡಿಸೆಂಬರ್ 25 ರಂದು ವ್ಯಕ್ತಿಯೊಬ್ಬರು ಪೊಲೀಸ್ ಠಾಣೆಗೆ ಬಂದು, ಎರಡು ಆಟೋಗಳಲ್ಲಿ ಬಂದು ಮನೆಗೆ ನುಗ್ಗಿದ 8 ಮಂದಿ ಮಂಗಳಮುಖಿಯರು 20 ಸಾವಿರ ರೂ. ಹಣ ನೀಡುವಂತೆ ಒತ್ತಾಯಿಸಿದ್ದಾರೆ. ಅಲ್ಲದೇ ಬೆದರಿಕೆ ಹಾಕಿ, ಅವಾಚ್ಯ ಪದ ಬಳಸಿ ನಿಂದಿಸಿದ್ದಾರೆ. ಭಯಭೀತರಾದ ನಾನು ಹಾಗೂ ನನ್ನ ಕುಟುಂಬಸ್ಥರು 16,500 ರೂ.ಗಳನ್ನು ನೀಡಿದೆವು ಎಂದು ದೂರು ನೀಡಿದ್ದರು.
ಇದನ್ನೂ ಓದಿ: ಮಧುರೈನಲ್ಲಿ 2000 ವರ್ಷ ಹಳೆಯ ಶಾಸನ ಪತ್ತೆ: ವಿಡಿಯೋ
ಈ ವ್ಯಕ್ತಿಯ ಮಗನ ಮದುವೆ ನಡೆದ ಮಾರನೇ ದಿನ ಮಂಗಳಮುಖಿಯರು ಹೀಗೆ ಸುಲಿಗೆ ಮಾಡಲು ಬಂದಿದ್ದರು. ಈ ಸಂಬಂಧ ಪ್ರಕರಣ ದಾಖಲಿಸಿಕೊಂಡಿದ್ದ ಸೈಬರಾಬಾದ್ ಪೊಲೀಸರು ಆರೋಪಿಗಳನ್ನು ಬಂಧಿಸುವಲ್ಲಿ ಯಶಸ್ವಿಯಾಗಿದ್ದಾರೆ.
ಆರೋಪಿಗಳು ಯಾರದ್ದಾದರೂ ಮನೆಯಲ್ಲಿ ಸಮಾರಂಭಗಳು ನಡೆಯುತ್ತಿರುವ ದಿನಾಂಕಗಳ ಬಗ್ಗೆ ಮಾಹಿತಿ ಸಂಗ್ರಹಿಸಿ, ಅಲ್ಲಿಗೆ ತೆರಳಿ ಹಣ ವಸೂಲಿ ಮಾಡುತ್ತಿದ್ದರು ಎಂಬುದು ತನಿಖೆ ವೇಳೆ ತಿಳಿದುಬಂದಿದೆ.
