ಟೊರೊಂಟೊದಲ್ಲಿ ಬಲೂಚಿಸ್ತಾನದ ಹೋರಾಟಗಾರ್ತಿ ಶವವಾಗಿ ಪತ್ತೆ

ಬಲೂಚಿಸ್ತಾನದ ಮಹಿಳಾ ಚಳವಳಿಯ ಪ್ರವರ್ತಕಿ ಎಂದೇ ಹೆಸರಾದ ಕರೀಮಾ ಬಲೂಚ್, ಕೆನಡಾದ ಟೊರೊಂಟೊದಲ್ಲಿ ಶವವಾಗಿ ಪತ್ತೆಯಾಗಿದ್ದಾರೆ.

ಟೊರೊಂಟೊ (ಕೆನಡಾ): ಪಾಕಿಸ್ತಾನ ಸೇನೆ ಮತ್ತು ಬಲೂಚಿಸ್ತಾನದಲ್ಲಿ ಸರ್ಕಾರದ ದೌರ್ಜನ್ಯದ ಬಗ್ಗೆ ಧ್ವನಿ ಎತ್ತಿದ್ದ ಸಾಮಾಜಿಕ ಕಾರ್ಯಕರ್ತೆ ಕರೀಮಾ ಬಲೂಚ್ ಕೆನಡಾದ ಟೊರೊಂಟೊದಲ್ಲಿ ಶವವಾಗಿ ಪತ್ತೆಯಾಗಿದ್ದಾರೆ.

ಭಾನುವಾರದಿಂದ ನಾಪತ್ತೆಯಾಗಿದ್ದ ಕರೀಮಾರನ್ನು ಪತ್ತೆ ಹಚ್ಚಲು ಟೊರೊಂಟೊ ಪೊಲೀಸರು ಸಾರ್ವಜನಿಕ ನೆರವು ಕೋರಿದ್ದರು. ಆದರೆ ಈಗ ಅವರ ಕುಟುಂಬಸ್ಥರು ಕರೀಮಾರ ಮೃತದೇಹ ಪತ್ತೆಯಾಗಿದೆ ಎಂದು ಖಚಿತಪಡಿಸಿದೆ ಎಂದು ಬಲೂಚಿಸ್ತಾನ್​ ಪೋಸ್ಟ್​ ವರದಿ ಮಾಡಿದೆ.